2~Samuel 7:10 - CHUYA QELLQA La Biblia en Quechua de Ayacucho 2012

¹⁰ Israel runaykunapaqpas huk sitiotam akllaruniña, chaypim paykunata churasaq manaña pipapas kuyuchisqan kanankupaq; chaypiqa manañam pipas nitaq mana allin runakunapas ñakarichinqañachu,

Quechua Ayacucho Bible 1987

¹⁰ Israel casta runaykunapaqpas akllaruniñam huk sitiota, chaypim churarqani paykunataqa manaña pipas kuyuchinanpaq hinaspa ñawpaq tiempopi hina mana allin ruraqkunaqa manaña ñakarichinanpaq.

Chuya Qellqa 1992

¹⁰ Israel runaykunapaqpas huk sitiotam akllaruniña, chaypim paykunata churasaq manaña pipapas kuyuchisqan kanankupaq; chaypiqa manañam pipas nitaq mana allin runakunapas ñakarichinqañachu,

2~Samuel 7:10 Iomraidhean Croise

2~Reyes 21:8

Chaynataqa ruwasaq kamachisqaykunata kasukuspanku serviqniy Moiseswan willachisqay yachachikuykunaman hina kawsaptinkum, ñawpaq taytankuman qosqay allpamantaqa manañam Israelpa mirayninkunataqa maylawmanpas yanqaqa purichisaqchu, nispa.

1~Crónicas 17:9

Israel llaqtaypaqpas huk sitiotam akllaruniña, chaypim paykunata churani manaña pipas kuyuchinanpaq; chaypiqa manañam pipas nitaq mana allin runakunapas ñakarichinqañachu,

2~Crónicas 33:8

ñawpaq taytankuman qosqay allpamantaqa manam qarqosaqchu, ichaqa paykunam kawsananku serviqniy Moiseswan willachisqay kamachikuykunaman chaynataq yachachikuykunaman hina, nispa.

Éxodo 1:22

Chaymi lliw runankunata Faraón kamachirqa: Hebreokunapa qari churin naceqtaqa mayuman wischuychik, warmi churikunatam ichaqa ama imanankichikchu, nispa.

Éxodo 15:17

Dios Taytallayku, qanmi yaykuchiwankiku akllakusqayki orqoman, yachanayki orqoman, santuarioyki kananpaq makikiwan allichasqayki orqoman hinaspam chaypi kawsachiwankiku.

Isaías 5:2

Rumicharuspanmi barbecharqa, miski ruruq uvaspa estacantam plantarqa. Cuidananpaqmi chakrapa chawpinpi chukllata ruwarqa, uvasta sarunapaqmi pozota ruwarqa. Miski uvasta rurunantam payqa suyarqa, ichaqa puchqo uvasllatam cosecharurqa.

Isaías 5:7

Tukuy Atiyniyuq Tayta Diospa kuyayllapaq uvas huertanqa Israel runakunawan Judá nacionpi yachaqkunam. Payqa kamachikuynin kasukunankutam munarqa, aswanqa wañuchinakuyllatam tarirun. Paykunataqa allinkuna ruwanankutam munarqa, ichaqa ñakariqkunapa qapariyllantam uyarirun.

Isaías 60:18

Allpaykipiqa wañuchinakuypas manam uyarikunqañachu, tuñichinakuywan purmachinakuypas manam kanqañachu. Murallaykikunatam “Libraqniy” nispa sutichanki, punkuykikunatam “Yupaychana” nispa sutichanki.

Isaías 60:21

Runaykikunapas llaqtantinmi allin ruwaqkunaña kanqaku, wiñaypaqmi allpankupi yachanqaku. Paykunam plantakusqaypa ikllipankuna kanqaku, atiyniyta qawachikunaypaq makiywan ruwakusqaykunam kanqaku.

Jeremías 18:9

Munasqay horapitaqmi rimarisaq mayqan naciontapas, mayqan munaychakuytapas hatarichinaypaq chaynataq takyachinaypaqpas.

Jeremías 24:6

Paykunataqa waqaychaspaymi kay allpaman kutichimusaq. Kaypi hatarichispaymi manaña tuñichisaqñachu. Plantaruspaymi manaña sapinmantaqa chutasaqñachu.

Ezequiel 28:24

Israel nacionqa manañam haykapipas muyuriqninpi nacionkunapa cheqnikuyninkuta chaskinqañachu, chay cheqnikuyninkum kichka hina tuksirqa, puyapa tuksisqan hinam nanakurqa. Chaynapim Tayta Dios kasqayta yachanqaku, nispayki.

Oseas 2:18

Chay punchawkunapim paykunarayku purun animalkunawan pactota ruwasaq, pawaq urpikunawan hinaspa maqta urukunawanpas. Chinkachisaqmi flechatapas, espadatapas chaynataq guerratapas, hinaspaymi hawkallataña kawsachikusqayki.

Amós 9:15

Paykunatam allpankupi sapinchasaq, chaynapi paykunaman qosqay allpamanta manaña haykapipas hurqosqa kanankupaq. Tayta Diosmi chaynata nin.

Apocalipsis 21:4

Diosmi paykunapa weqenta pichanqa, manañam wañuypas, llakikuypas, waqaypas, allwakuypas nitaq nanaypas kanqañachu. Ñawpaq kaqkunaqa pasarunñam, nispa.

Jueces 4:3

Chaymi Israelpa mirayninkuna qaparispa Tayta Diosta mañakurqaku. Jabinpam isqon pachak fierromanta guerrapaq carretankuna karqa. Iskay chunka watam Israelpa mirayninkunata llumpayta ñakarichirqa.

1~Samuel 13:17

Chaymi Filisteokunapa campamentonmanta lloqsirqa kimsaman rakisqa tropakuna. Huknin tropam lloqsirqa Sual lawpi Ofra llaqtaman.