2~Samuel 6:22 - CHUYA QELLQA La Biblia en Quechua de Ayacucho 2012

²² Kay ruwasqay penqakuypaq rikchakapusuptikiqa aswan mastaraqmi ruwasaq; ichaqa chay nisqayki criadakunapa allin qawasqanraqmi kasaq, nispa.

Quechua Ayacucho Bible 1987

²² Kunanqa nisqaykimantapas aswan despreciasqaraq kaspaymi humillakusaq ichaqa rimasqayki sirvientakunapa alabasqanmi kasaq —nispa.

Chuya Qellqa 1992

²² Kay ruwasqay penqakuypaq rikchakapusuptikiqa aswan mastaraqmi ruwasaq; ichaqa chay nisqayki criadakunapa allin qawasqanraqmi kasaq, nispa.

2~Samuel 6:22 Iomraidhean Croise

Génesis 32:10

Cheqaptapunipas manam kuyapayakuynikita chaskinaypaq hinachu kani. Tawnayuqllam kay Jordán mayutaqa chimparqani, kunanmi ichaqa iskay atajo kapuqniyuqtaña kutirachimuwanki.

2~Samuel 6:21

Chaymi Micalta David nirqa: Arí, Tayta Diospa qayllanpim danzarqani, taytaykimantapas chaynataq llapallan mirayninkunamantapas, Israel runakunapi kamachikunaypaq akllawasqanrayku. Diospa qayllanpiqa aswanraqmi danzakusaq.

2~Samuel 6:23

Chaymi Saulpa churin Micalqa wañunankama mana wawayuq karqa.

Jobwan Sutichasqa Libro 40:4

Ñoqallayqa manam imachu kani, ¿Imataraqtaq nillaykiman? Upallakusaqñam ñoqaqa.

Jobwan Sutichasqa Libro 42:6

Chayraykum tukuy ima rimasqayta reqsikuni, allpapiwan uchpapim tiyaykuspay wanakuni, nispa.

Isaías 50:6

Wasaytam azoteqkunaman qorqani, barbayta chutapaptinkupas manam kutichikurqanichu, cheqniwaspa toqawaqniykunamantapas manam uyayta asurichirqanichu.

Isaías 51:7

Allin ruwayta yachaqkuna, yachachikuyniyta sonqoykichikpi hatalliqkuna uyariwaychik: Runakuna kamisuptikichikpas ama hukmanyaychikchu, usuchisuptikichikpas ama llakikuychikchu.

Marcos 14:66

Uku patiopi Pedro kachkaptinmi sumo sacerdotepa criadan hamururqa, hinaspanmi Pedrota ninapi qonikuchkaqta rikururqa,

1~Timoteo 1:15

Kay palabraqa cheqapmi, lliwmi chaskispa iñinanchik, Jesucristom kay pachaman hamurqa huchasapakuna salvananpaq, paykunamantaqa aswan huchallikuqmi kani.

Hebreos 12:2

Jesusta qawaspayá kallpasunchik, paymantam iñiyninchikqa hamurqa paytaqmi qespichiwaqninchikpas. Jesusmi penqakuytapas qepaman churaykuspan cruzpi ñakarirqa, chaypa qepanta kusikuy kananta yachaspanmi, Diospa alleq lawninpi tiyaykurqa.

1~Pedro 4:14

Mayna kusisqam kankichik, Jesu-cristorayku insultasuptikichikqa, qam-kunapim sumaq kanchariq Diospa Espiritun sapa punchaw kachkan.

1~Pedro 5:6

Chaynaqa, Diospa atiyniyuq makin-piyá uchuychakuychik, tiempo chayaramuptinmi hatunchasunkichik.

1~Samuel 2:30

Chayraykum Israelpa yupaychasqan Tayta Dios kaynata nin: Ñoqam nirqani miraynikipas chaynataq ñawpaq taytaykikunapa mirayninpas wiñaypaqña serviwanankupaq. Kunanmi ichaqa prometekusqayta mana ruwasaqñachu. Ñoqaqa pim hatunchawaqniytam hatunchasaq, qepanchawaqniytam ichaqa asllapaq hapisaq.