2~Samuel 6:20 - CHUYA QELLQA La Biblia en Quechua de Ayacucho 2012

²⁰ Davidpas ayllunta bendecinanpaqmi palacionman kutirqa. Ichaqa Saulpa warmi churin Micalmi Davidta chaskinanpaq lloqsiruspan nirqa: Israelpa reynin, ¡mayna alabasqam kunan punchaw karunki, mana penqakuyniyuq runa hina criadoykikunapa qayllanpi penqaynikita qawachikamuspayki! nispa.

Quechua Ayacucho Bible 1987

²⁰ Davidpas kutikurqataqmi palacionman familianpaq Diospa bendicionninta mañakunanpaq. Ichaqa Saulpa warmi churin Micalmi Davidta chaskinanpaq lloqsiruspan nirqa: —Israel nacionpi reyqa ¡mayna alabasqam kunan punchaw karunki, serviqnikikunapa sirvientankunapa qayllanpim mana penqakuq qalalla runa hina qawachikamurqanki! —nispa.

Chuya Qellqa 1992

²⁰ Davidpas ayllunta bendecinanpaqmi palacionman kutirqa. Ichaqa Saulpa warmi churin Micalmi Davidta chaskinanpaq lloqsiruspan nirqa: ¡Mayna alabasqam kunan punchaw Israelpa reynin karunki, mana penqakuyniyuq runa hina criadoykikunapa qayllanpi penqaynikita qawachikamuspayki! nispa.

2~Samuel 6:20 Iomraidhean Croise

Génesis 18:19

Abrahamtaqa akllarqani churinkunata hinaspa wakiqnin mirayninkunatapas kamachinanpaqmi, chaynapi munasqayman hina allin kaqkunata ruwaptinku prometesqaykuna cumplinaypaq, nispa.

2~Samuel 6:14

Davidmi linomanta efodwan pachasqa Tayta Diospa ñawpaqninpi tukuy kallpanwan danzarqa.

2~Samuel 6:16

Jerusalenman Tayta Diospa Arcan chayaruptinmi, Saulpa warmi churin Mical ventananta qawarispa rey Davidta Tayta Diospa ñawpaqninpi pawaykachaspa danzasqanta rikururqa, hinaspanmi llumpayta penqarqa.

2~Samuel 6:18

Ofrendakuna ofreceyta tukuruspanmi, Davidqa llapa runakunata Tukuy Atiyniyuq Tayta Diospa sutinpi bendeciykurqa.

2~Samuel 6:19

Hinaspanmi chaypi tarikuq Israel runakunaman, qarimanpas warmimanpas, huk tantanka, huk parten aychata chaynataq uvas pasasmanta huk parten tortillata aypurqa. Chaymantam lliw runakuna sapakama wasinkuman kutikurqaku.

1~Crónicas 16:43

Chaymantam llapa runakunapas sapakama wasinkuman ripukurqaku. Davidpas wasinmanmi kutikurqa ayllunkunata bendecinanpaq.

Jobwan Sutichasqa Libro 30:8

Paykunaqa millay runakunapa churinkunam, mana reqsisqa runakunapa mirayninkunam, llaqtankumantapas qarqosqa runakunam.

Eclesiastés 7:17

Amayá llumpay mana allin ruwaqqa kaychu, nitaq llumpay mana yachayniyuqpas kaychu, ¿imanasqataq manaraq tiempoykipi wañuwaq?

Marcos 14:66

Uku patiopi Pedro kachkaptinmi sumo sacerdotepa criadan hamururqa, hinaspanmi Pedrota ninapi qonikuchkaqta rikururqa,

Marcos 3:21

Jesuspa ayllunkunañataqmi chaypi kasqanta yacharuspanku, “locoyarunmi” niptinku pusanankupaq hamururqaku.

Juan 13:6

Simón Pedrota mayllananpaq kaptinmi payñataq nirqa: Señorlláy, ¿qamraqchu ñoqapa chakiyta mayllawankiman? nispa.

Josué 24:15

Sichum Tayta Dios serviyta mana munaspaykichikqa, kunanpuni akllakuychik pim servinaykichikta: ¿Eufrates mayupa waklaw chimpanpi kachkaspankuraq taytaykichikkunapa yupaychasqan idolokunatachu icha kay yachasqaykichik allpapi kaq amorreokunapa yupaychasqanku idolokunatachu servinkichik? Ñoqam ichaqa aylluykunawan kuska Tayta Diosllata servisaqku, nispa.

Jueces 9:4

Baal-berit idolopa templonmanta medio kilo masnin qollqeta Abimelecman qoykuptinkum, payta puriysinanpaq chaywan qella runakunata contratarurqa.

1~Samuel 14:49

Saulpa qari churinkunam karqa: Jonatán, Isúi hinaspa Malquisúa. Warmi churinkunañataqmi karqa: Piwi kaq Merab, sullkañataq Mical.

1~Samuel 18:20

Saulpa huknin warmi churin Micalñataqmi Davidta llumpayta kuyarqa. Chayta Saulman willaykuptinkum allinpaq rikchakarapurqa,