2~Samuel 6:16 - CHUYA QELLQA La Biblia en Quechua de Ayacucho 2012

¹⁶ Jerusalenman Tayta Diospa Arcan chayaruptinmi, Saulpa warmi churin Mical ventananta qawarispa rey Davidta Tayta Diospa ñawpaqninpi pawaykachaspa danzasqanta rikururqa, hinaspanmi llumpayta penqarqa.

Quechua Ayacucho Bible 1987

¹⁶ Davidpa Llaqtan sutiyoq llaqtaman Tayta Diospa baulnin chayaruptinmi Saulpa warmi churin Mical ventanamanta qawarispa Rey Davidta rikururqa Tayta Diospa ñawpaqninpi pawaykachaspa tusuqta chaymi sinchita despreciarurqa.

Chuya Qellqa 1992

¹⁶ Jerusalenman Tayta Diospa Arcan chayaruptinmi, Saulpa warmi churin Micalmi ventananta qawarispa rey Davidta Tayta Diospa ñawpaqninpi pawaykachaspa danzasqanta rikururqa, hinaspanmi llumpayta penqarqa.

2~Samuel 6:16 Iomraidhean Croise

2~Samuel 3:14

Saulpa churin Is-bosetmanpas Davidqa runankunatam kacharqa kaynata nimunankupaq: Warmiy Micalta kutichipuway, paytaqa pachak filisteokunapa qari kayninpa qarachanwanmi hurqomurqani, nispa.

2~Samuel 5:7

Davidmi ichaqa qaqay-qaqay perqasqa Sión llaqtata vencerurqa. Chay punchawmantam “Davidpa Llaqtan” nispa suticharqaku.

2~Samuel 6:15

Chaynatam ancha kusikuywan qaparispanku, trompetata tocaspanku, Davidwan llapa Israel runakuna Diospa Arcanta aparqaku.

2~Samuel 6:20

Davidpas ayllunta bendecinanpaqmi palacionman kutirqa. Ichaqa Saulpa warmi churin Micalmi Davidta chaskinanpaq lloqsiruspan nirqa: Israelpa reynin, ¡mayna alabasqam kunan punchaw karunki, mana penqakuyniyuq runa hina criadoykikunapa qayllanpi penqaynikita qawachikamuspayki! nispa.

1~Crónicas 15:29

“Davidpa Llaqtanwan” sutichasqanku llaqtaman Tayta Diospa pacto ruwasqan Arcan chayaruptinmi, Saulpa warmi churin Mical, ventanamanta qawarispa rey Davidta kusikuymanta tusuchkaqta rikururqa, hinaspam llumpayta despreciarqa.

Isaías 53:3

Runakunapapas wischupakusqan qepanchasqan runam karqa, nanaypa huntasqan runam karqa, ñakariypa intuykusqan runam karqa, runakunapapas mana rikuy munasqankum karqa, paytaqa manam kaqpaqpas hapirqanchikchu.

Hechos 2:13

Wakinñataqmi asikuspanku nirqaku: Sinkam kachkanku, nispanku.

1~Corintios 2:14

Aychallaman hina kawsaq runaqa manam Diospa Espiritunmanta kaqkunataqa chaskinmanchu, paypaqa mana valeqpaqmi rikchakapun, nitaqmi entiendenchu, chaykunaqa espirituman hina entiendena kasqanrayku.

1~Samuel 18:17

Huk punchawmi Davidta Saúl nirqa: Merab sutiyuq mayor warmi churiywanmi casarachisqayki, ichaqa ñoqam munani mana manchakuspa Tayta Diospa guerrankunapi peleanaykita, nispa. Chaynataqa nirqa kaynata tanteaspam: Manam kikiychu Davidtaqa wañuchisaq, paytaqa filisteokuna wañurachimuchun, nispa.

1~Samuel 18:20

Saulpa huknin warmi churin Micalñataqmi Davidta llumpayta kuyarqa. Chayta Saulman willaykuptinkum allinpaq rikchakarapurqa,