2~Samuel 5:3 - CHUYA QELLQA La Biblia en Quechua de Ayacucho 2012

³ Chaynata nispankum Israelpi llapa ancianokuna Hebrón llaqtapi rey Davidwan parlaspanku, Tayta Dios-pa qayllanpi contratota ruwarqaku, hinaspankum Davidta Israelpa reynin kananpaq aceitewan tallispa sapaqcharqaku.

Quechua Ayacucho Bible 1987

³ Hebron llaqtapi Rey Davidpa kasqanmanmá hamurqaku Israel casta llapallan ancianokuna, Rey Davidmi chaypi paykunawan contratota rurarqa Tayta Diospa qayllanpi. Israel nacionpi gobiernananpaqmi Davidta aceitewan tallirqaku.

Chuya Qellqa 1992

³ Chaynata nispankum Israelpi llapa ancianokuna Hebrón llaqtapi rey Davidwan parlaspanku, Tayta Diospa qayllanpi contratota ruwarqaku, hinaspankum Davidta Israelpa reynin kananpaq aceitewan tallispa sapaqcharqaku.

2~Samuel 5:3 Iomraidhean Croise

2~Samuel 2:4

Chaymi Judá runakuna hamuruspanku Davidpa umanman aceiteta tallispa, Judapi munaychakunanpaq sapaqcharqaku. Galaad lawpi Jabes llaqtayuqkuna Saulpa ayan pampasqankuta Davidman willaykuptinkum,

2~Samuel 2:7

Chaynaqa, kallpanchakuspayá qarinchakuychik, reynikichik Saúl wañuruchkaptinpas, Judá runakunam aceitewan tallispa rey kanaypaq sapaqchaykuwanku, nispa.

2~Samuel 3:21

Chaypim Davidta Abner nirqa: Kunanmi rispay llapallan Israel runakunata huñuramusaq, paykunawan contratota ruwaspayki munaychakunaykipaq, nispa. Abnerta David aviaruptinmi hawkalla pasakurqa.

1~Reyes 1:34

chaypim sacerdote Sadocwan profeta Natán, aceitewan tallispa Salomonta Israel nacionpi rey kananpaq churamunqaku, qamkunañataqmi cornetata tocaspa ¡kawsachun rey Salomón! nispa qaparinkichik.

2~Reyes 11:17

Chaymantam Joiadaqa reytapas chaynataq runankunatapas Tayta Dioswan pactota ruwachirqa, chaynapi Tayta Diospa llaqtanña kanankupaq. Chaynataqmi reytawan runakunatapas contratota ruwachirqa.

1~Crónicas 11:1

Llapa Israelpa mirayninkunam Hebrón llaqtaman rispanku Davidta nirqaku: Ñoqaykuqa tulluyki chaynataq ya-warnikim kaniku.

1~Crónicas 11:3

Kaynatam Israelpa ancianonkuna rispanku rey Davidwan Hebrón llaqtapi rimamurqaku; Davidñataqmi Tayta Diospa qayllanpi paykunawan contratota ruwarqa. Hinaspankum Davidta sapaqcharqaku Israelpi rey kananpaq, profeta Samuelnintakama Tayta Diospa nisqanman hina.

1~Crónicas 28:4

Chaywanpas Tayta Diosmi, Israelpa Diosninmi taytaypa ayllun ukumanta akllaykuwarqa Israelpi wiñaypaq rey kanaypaq. Paymi Judá aylluta kamachikunanpaq akllarqa, Judá ayllumantañataqmi ñoqapa aylluyta akllaykurqa, aylluymantañataqmi ñoqata akllaykuwarqa Israel nacionpi rey kanaypaq.

2~Crónicas 23:16

Sacerdote Joiadam reywan hinaspa llapallan runakunawan contratota ruwarqa, chaynapi Tayta Diospa runankunaña kanankupaq.

Nehemías 9:38

Chayraykum ñoqaykuqa, chunkay-chunkayta prometekuspa huk contratota qellqaniku, chay contratopim kamachiqniykupas, sacerdotekunawan levitakunapas firmaspa sellonkuta churachkanku.

Éxodo 3:16

Israelpa ancianonkunata huñumuspa nimuy: “Ñawpaq taytaykichik Abrahampa, Isaacpa hinaspa Jacobpa Diosninmi rikuriykuwaspa niwarqa: Cheqaptapunim qamkunata watukamuykichik Egipto nacionpi imam ruwasusqaykichikta qawanaypaq.

Josué 10:36

Eglonmantam Josueyqa tropankunawan rispanku Hebrón llaqtata atacarurqaku.

Jueces 11:11

Paykunawan Jefté riptinmi llapa runakuna kamachiqninkupaq churarurqaku; Mizpa llaqtaman chayaruptinkum Jefteyqa tukuy ima rimasqanta Tayta Diospa qayllanpi huktawan rimarirqa.

1~Samuel 11:15

Chaymi llapa runakuna Gilgal llaqtaman rirqaku, chaynapim Diospa ñawpaqninpi paykunapa reynin kananpaq Saulta chaskirqaku, hinaspam hawkayay sacrificiota Diosman ofrecespanku Saulwan Israel runakuna kuskanku anchallataña kusikurqaku.

1~Samuel 16:13

Chaymi Samuel, waqrapi aceiteta hapiykuspan wawqenkunapa qayllanpi Davidpa umanman talliykurqa; Chay punchawmantam Davidman Diospa Espiritun huntaykurqa. Chaymantam Samuelqa Ramá llaqtaman kutikurqa.

1~Samuel 23:18

Chaypim iskayninku Diospa qay-llanpi contratota ruwarqaku, chaymantam wasinman Jonatán kutikur-qa, Davidñataqmi Horespi qeparur-qa.