2~Samuel 5:11 - CHUYA QELLQA La Biblia en Quechua de Ayacucho 2012

¹¹ Chaymi Tiro llaqtapa reynin Hiramqa runankunata, carpinterokunata chaynataq rumi labraqkunatapas Davidman kacharqa; apachirqataqmi cedro qerukunatapas. Paykunam Davidpa palaciota ruwapurqaku.

Quechua Ayacucho Bible 1987

¹¹ Chaymi Tiro llaqtapa reynin Hiram kacharqa Davidman runankunata. Cedro qerukunata apachispanmi kacharqataq carpinterokunatapas chaynataq rumi labraqkunatapas. Paykunam Davidpaq palaciota rurapurqaku.

Chuya Qellqa 1992

¹¹ Chaymi Tiro llaqtapa reynin Hiramqa runankunata, carpinterokunata chaynataq rumi labraqkunatapas Davidman kacharqa; apachirqataqmi cedro qerukunatapas. Paykunam Davidpa palaciota ruwapurqaku.

2~Samuel 5:11 Iomraidhean Croise

2~Samuel 5:12

Hinaptinmi Davidqa chayraq sumaqta yacharurqa Israel nacionpi rey kananpaq Tayta Diospa churasqanta, musyarurqataqmi Israel nacionta kuyapayaspan kamachikuyninta hatunchasqantapas.

2~Samuel 7:1

Muyuriqninpi enemigonkunamanta Tayta Dios hawkayayta qoykuptinmi, rey Davidqa palacionpiña yachaspan

2~Samuel 7:2

profeta Natanta nirqa: Qawasqaykipi hinam ñoqaqa cedromanta palaciopi yachachkani, Diospa Arcanñataqmi carpallapi kachkan, nispa.

1~Reyes 5:15

Chaymantapas Salomonpaqa karqam qanchis chunka waranqa carga apaq runankuna, orqopi rumi labraqkunapas pusaq chunka waranqa qarikunam karqaku.

1~Reyes 5:18

Salomonpa albañilninkunawan rey Hirampa chay-nataq Gebal llaqtayuq qarikunam templota ruwanankupaq qerukunata llaqllaspa rumikunata labramurqaku.

1~Crónicas 14:1

Tiro llaqtapa reynin Hiranmi runankunata Davidman kacharqa, kacharqataqmi albañilkunatawan carpinterokunatapas cedromanta qerukunata apachispan, Davidpa palacionta ruwamunankupaq.

Esdras 3:7

Hinaptinmi albañilkunamanwan carpinterokunaman qollqeta qorqaku; Sidón hinaspa Tiro llaqtayuqkunamanpas mikuyta, vinota hinaspa aceitetam qorqaku, chaynapi Líbano montemantaraq lamar qochanta Jope llaqtakama cedro qerukunata apamunankupaq. Chaytaqa ruwarqaku Persia nacionpa reynin Ciropa kamachikusqanman hinam.

Ezequiel 26:2

Runapa churin, Tiro llaqtapi yachaq-kunam Jerusalén llaqtapa contranpi kaynata nirqaku: “Allinta ruwachun, nacionkunapa negocio ruwananku punkum ñutupasqaña kachkan, kunanqa ñoqanchikmanñam tuparuwanchik, pay tuñichisqa kanankamam ñoqanchikñataq qori-qollqeta huñukuspa kapuqniyuq kasunchik”, nispanku.

Josué 19:29

Chaymantam Ramá llaqtanta murallasqa Tiro llaqtakama muyumurqa, hinaspam Hosa llaqtanta muyumuspa Aczib llaqtanta Mar Mediterraneoman lloqsirqa.