2~Samuel 5:10 - CHUYA QELLQA La Biblia en Quechua de Ayacucho 2012

¹⁰ Tukuy Atiyniyuq Tayta Dios yana-pasqanraykum Davidqa llumpay atiyniyuq rikurirurqa.

Quechua Ayacucho Bible 1987

¹⁰ Davidmi aswan-aswan atiyniyoq rikurirurqa Llapallan Kamachiq Tayta Dios yanapasqanrayku.

Chuya Qellqa 1992

¹⁰ Tukuy Atiyniyuq Tayta Dios yanapasqanraykum Davidqa llumpay atiyniyuq rikurirurqa.

2~Samuel 5:10 Iomraidhean Croise

Génesis 21:22

Chay tiempopim Abimelecqa tropanpa capitannin Ficolpiwan Abrahamta watukuspa nirqaku: Diosmi tukuy ima ruwasqaykipi qanwan kachkan.

2~Samuel 3:1

Saulpa ayllunkunam Davidpa ayllunkunawan unay tiempo guerrapi karqaku. Ichaqa munaychakuyninpi David aswan-aswan sapinchakuptinmi, Saulpa ayllunpa atiyninñataq allimanta chinkarqa.

2~Samuel 7:9

Lliw purisqaykipi yanapaspaymi llapallan contraykipi hatarimuq enemigoykikunatapas tukururqani, kay pachapi atiyniyuqkunata hinam ancha reqsisqata ruwasqayki.

2~Samuel 8:14

Chaymantam rey Davidqa soldadonkunata Edom nacionpi chu-rarurqa, chaynapim Edom runakunaqa Davidtaña servirqaku. David mayman peleaq riptinpas Tayta Diosmi vencechirqa.

2~Samuel 8:6

Hinaspam rey Davidqa tropankunata churarurqa Damasco law Siria nacionpi, chaymi Siria nacionniyuq runakunaqa Davidta servispanku impuestota pagarqaku. Chaynatam rey Davidta mayman peleaq riptinpas Dios vencechirqa.

Jobwan Sutichasqa Libro 17:9

Allin ruwaq runakunaqa kawsasqanpim kallpanchakunku, mana huchayuqkunaqa kallpankutam mirachinku.

Proverbios 4:18

Allin runakunapa ñanninqa pacha achikyay hinam, achkimusqanman hinam suma-sumaqta kancharimun.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Hageo 2:4

Chaynaqa, Tayta Diosmi nin: “Zoro-babel kallpanchakuy, Josadacpa churin sumo sacerdote Josué qampas kallpanchakuy; kay allpapi llapallan runakuna, qamkunapas kallpanchakuychik hinaspa llamkaychik, ñoqa Tayta Diosmi qamkunawan kachkani”, nispa. Tukuy Atiyniyuq Tayta Diosmi chaynata nin.

Lucas 2:52

Jesusmi wiñarqa yachayninpi, sayayninpi chaynataq Diospa hinaspa runakunapa allin qawasqan kaw-sayninpi.

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

1~Samuel 18:12

Saulmi manchakururqa Davidta Tayta Dios yanapasqanrayku, Saultam ichaqa manaña yanaparqachu.

1~Samuel 18:14

Tayta Dios yanapaptinmi Davidqa tukuy imata allinta ruwaq.

1~Samuel 18:5

Davidmi Saulpa tukuy ima kamachisqanta allinta ruwaq, chaymi guerrapi peleaq runakunapa kamachiqnin kananpaqña Saúl churarurqa, chaynapim llapallan tropakunawan chaynataq Saulpa serviqninkunawanpas kuyaykachikurqa.