2~Samuel 4:4 - CHUYA QELLQA La Biblia en Quechua de Ayacucho 2012

⁴ Saulpa churin Jonatanpam karqa mana puriy atiq churin Mefi-boset sutiyuq. Mefi-boset pichqa watayuq kachkaptinmi Jezreel llaqtamanta Saulpa hinaspa Jonatanpa wañukusqanku noticia chayaramurqa, hinaptinmi Mefi-bosetpa uywaqnin warmi qepirikuspa utqayman ayqechkaspan chay wawata pampaman kachaykurqa, chaymantapunim suchuña rikurirurqa.

Quechua Ayacucho Bible 1987

⁴ Saulpa churinmi karqa Jonatan, Jonatanpa churinñataqmi karqa Mefi-boset. Mefi-boset pichqa watayoqllaraq kachkaptinmi Saulpa hinaspa Jonatanpa wañukusqanku noticia Jezreel llaqtamanta chayaramurqa. Chay wawata uywaq warmi hoqariykuspa lluptichichkaptinmi warma wichiykurqa, chayraykum wistuña karqa.

Chuya Qellqa 1992

⁴ Saulpa churin Jonatanpam karqa mana puriy atiq churin Mefi-boset sutiyuq. Mefi-boset pichqa watayuq kachkaptinmi Jezreel llaqtamanta Saulpa hinaspa Jonatanpa wañukusqanku noticia chayaramurqa, hinaptinmi Mefi-bosetpa uywaqnin warmi qepirikuspa utqayman ayqechkaspan chay wawata pampaman kachaykurqa, chaymantapunim suchuña rikurirurqa.

2~Samuel 4:4 Iomraidhean Croise

2~Samuel 21:7

Saulpa willkan Mefi-bosettam ichaqa mana qorqachu, Mefi-bosetpa taytan Jonatanwan Tayta Diospa qayllanpi juramentota ruwanakusqanrayku.

2~Samuel 9:13

Mefi-bosetmi ichaqa reywan kuska mikuspa Jerusalén llaqtapi yacharqa. Payqa iskaynin chakinmanta suchuyasqam karqa.

2~Samuel 9:3

Hinaptinmi rey David tapurqa: ¿Pillapas Saulpa ayllunmanta kachkanraqchu Diospa kuyakuyninwan yanapaykunaypaq? nispa. Chaymi Siba nirqa: Kachkanraqmi Jonatanpa churin, payqa iskaynin chakinmanta suchuyasqam kallan, nispa.

2~Samuel 9:6

Saulpa willkan Jonatanpa churin Mefi-bosetmi Davidpa kasqanman chayaramuspan paypa qayllanpi qonqoranpa kumuykurqa. Chaymi David nirqa: ¡Mefi-boset! nispa. Payñataqmi nirqa: Ñoqam kani kamachiwanaykipaq, nispa.

1~Reyes 11:17

Hadadmi ichaqa warmallaraq kachkaspan, taytanpa serviqnin Edom runakunawan kuska Egipto nacionman lluptirurqa.

1~Crónicas 8:34

Jonatanpa churinmi karqa: Merib-baal, Merib-baalpañataqmi Micaía.

1~Crónicas 9:40

Jonatanpa churinmi karqa Merib-baal, Merib-baalpañataqmi Micaía.

1~Samuel 29:1

Filistea tropakunam Afec llaqtapi huñunakururqaku, Israel tropakunañataqmi campamentonkuta sayachirqaku Jezreel law pukyupa kasqanpi.

1~Samuel 29:11

Hinaptinmi Davidqa runankunapi-wan tutapayta hatarispanku filisteokunapa llaqtanman kutikurqaku, Filistea tropakunañataqmi Jezreel llaqtaman rirqaku.