2~Samuel 4:1 - CHUYA QELLQA La Biblia en Quechua de Ayacucho 2012

¹ Abnerpa Hebrón llaqtapi wañurusqanmanta Saulpa churin Is-boset yacharuspanmi pasaypaqta hukmanyarurqa, Israel runakunapas sinchitam mancharikurqaku.

Quechua Ayacucho Bible 1987

¹ Hebron llaqtapi Abnerpa wañurusqanmanta Saulpa churin Is-boset yacharuspanmi pasaypaqta hukmanyarurqa, mancharikurqakutaqmi Israel casta llapallan runakunapas.

Chuya Qellqa 1992

¹ Abnerpa Hebrón llaqtapi wañurusqanmanta Saulpa churin Is-boset yacharuspanmi pasaypaqta hukmanyarurqa, Israel runakunapas sinchitam mancharikurqaku.

2~Samuel 4:1 Iomraidhean Croise

2~Samuel 17:2

Hinaspa pisipasqa mana kallpayuq kachkaptillan qonqayllamanta chayaruspay mancharirachisaq; paywan kaq llapallan runankuna ayqekuptinmi reyta sapallantaña wañurachisaq.

2~Samuel 2:8

Saulpa tropankuna kamachiq Nerpa churin Abnermi, Saulpa churin Is-bosetta Mahanaim llaqtaman pusarqa.

2~Samuel 3:27

Hebrón llaqtaman Abner kutiramuptinmi llaqtapa punkunpa huklawninman Joab pusarurqa mana pipa uyarisqanta rimanankupaq, ichaqa espadawan wiksanpi tuksiruspanmi wañurachirqa, wawqen Asael wañurachisqanmanta vengakuspa.

Esdras 4:4

Chaynata niruptinkum, chaylawpi llaqtayuqkunaqa tukuy imaymanata nispanku manchachirqaku, chaynapi Judá runakuna manaña llamkanankupaq.

Nehemías 6:9

Paykunaqa manchachiwanankupaqmi kaynata nirqaku: Mancharichiptinchikqa pisi kallpayuq rikuriruspankum llamkayninkutapas mana tukunqakuchu, nispanku. Chaymi Tayta Diosta kaynata maña-kurqani: Dios Taytalláy, kunanyá makillaykuta kallpanchaykuy, nispa.

Isaías 13:7

Chayraykum llapa runakunapa makinpas manaña kallpayuq rikurirunqa, sonqonkupas pasaypaqtam hukmanyarunqa.

Isaías 35:3

Wañunayaqkunatayá kallpanchaychik, pisipasqakunatayá kallpanchaychik.

Jeremías 50:43

Babilonia nacionpa reyninmi chay willakuyta uyarirun, makinkunapas manaña kallpayuqmi rikurirun, manchakuypa pampasqanmi rikurirun, wachakuywan ñakariq warmi hinaraqmi rikurirun.

Jeremías 6:24

Jerusalén llaqtapi runakunam kaynata ninku: Willakuytam uyariniku, manchakuymantam manaña kallpayuq kachkaniku, wachakuq warmi hinañam, nanaypa ñakariypa huntasqan kachkaniku.

Sofonías 3:16

Chay tiempopim Jerusalenta ninqaku: “Sión llaqta ama manchakuychu, amayá makikipas hukmanyachunchu.