2~Samuel 3:35 - CHUYA QELLQA La Biblia en Quechua de Ayacucho 2012

³⁵ Chaymantam Davidta achkillapiraq mikunanpaq ruegarqaku, Davidñataqmi juraspan nirqa: Diosyá castigawachun tantata otaq imatapas manaraq inti seqaykuchkaptin mikuruptiyqa, nispa.

Quechua Ayacucho Bible 1987

³⁵ Punchawllaraq kachkaptinmi mikuykunanpaq Davidta ruegamurqaku, Davidñataqmi juraspan nirqa: —Diosyá sinchita castigawachun tantata otaq imatapas manaraq inti seqaykuchkaptin mikuruptiyqa —nispa.

Chuya Qellqa 1992

³⁵ Chaymantam Davidta achkillapiraq mikunanpaq ruegarqaku, Davidñataqmi juraspan nirqa: Diosyá castigawachun tantata otaq imatapas manaraq inti seqaykuchkaptin mikuruptiyqa, nispa.

2~Samuel 3:35 Iomraidhean Croise

2~Samuel 1:12

Hinaspam Saulpa chaynataq churin Jonatanpa wañukusqanmanta, llumpayta waqaspanku tardeykuqkama ayunarqaku. Waqarqakutaqmi Tayta Diospa tropankuna vencesqa kasqanmantapas chaynataq Israel runakuna guerrapi wañusqankumantapas.

2~Samuel 12:17

Hinaptinmi palacionpi ancianokuna paypa kasqanman rispanku pampamanta hatarinanpaq ruegarqaku. Paymi ichaqa mana hatarirqachu nitaqmi paykunawan mikuytapas munarqachu.

2~Samuel 3:34

Makikiqa manam chaqnasqachu karqa, chakikipas manam manyasqachu karqa, mana allin runakunapa wañuchisqan hina wañurunaykipaqqa, nispa. Llapa runakunapas aswanraqmi waqarqaku.

2~Samuel 3:36

Llapallan runakunam yachaykurqaku reypa tukuy imakuna ruwasqanta. Chay ruwasqankunatam llaqtaqa allinpaq hapirqa.

2~Samuel 3:9

Diosyá sinchita castigawachun Tayta Diospa prometesqanman hina Davidta mana yanapaptiyqa.

1~Crónicas 10:12

llapallan allinnin qari-qari runakuna pasaspanku Saulpa chaynataq churinkunapa ayanta hurqoramuspanku Jabes llaqtaman apamurqaku, hinaspam tullunkunata Jabes llaqtapi kaq encina sachapa sikinpi pamparuspanku qanchis punchaw ayunarqaku.

Jeremías 16:7

Wañukuqpa ayllunkunata consuelanankupaqpas manam convidotaqa ruwanqakuchu. Tayta-mamanña wañuptinpas manam consuelanqakuchu.

Ezequiel 24:17

Llakispaqa-llakikuy upallallamanta, paymantaqa ama lutokuychu. Uma wataykitapas ama hurqokuychu, amataq qala chakipas puriychu. Uyaykitapas ama tapakuychu, chayna punchawkunapi mikuna mikuytapas ama mikuychu, nispa.

Ezequiel 24:22

Hinaptinmi qamkunapas ñoqapa ruwasqayta hina ruwankichik: Llakimantaqa manam uyaykichiktapas tapakunkichikchu, nitaqmi chayna punchawkunapi mikuytapas mikunkichikchu.

Jueces 20:23

Chaynataqa ruwarqaku Israelpa mirayninkuna tutaykuqkama Tayta Diospa qayllanpi waqasqankuraykum, chaypim Tayta Diosta kaynata tapurqaku: ¿Huktawanchu castamasiyku Benjamín aylluwan peleaq risaqku? nispanku. Hinaptinmi Tayta Dios nirqa: Riychik, nispa.

Jueces 20:26

Chaymi Israelpa llapallan mirayninkunaqa Tayta Diospa qayllanpi waqaspa mañakunankupaq Bet-el llaqtaman rirqaku, hinaspam chay punchaw tutaykunankama ayunarqaku, ofrecerqakutaqmi lliw kañanapaq animalkunatawan allinlla kasqankumanta ofrendakunatapas.

Rutwan Sutichasqa Libro 1:17

Maypim wañukusqaykipim ñoqapas wañusaq, chaypitaqmi pampakusaqpas. Sichum kawsananchikkama qanmanta rakikuptiyqa Diosyá anchata castigawachun, wañuyllañam qamtawan ñoqataqa rakinawasunchik, nispa.

1~Samuel 3:17

Chaymi sacerdote Elí tapurqa: ¿Imatataq Dios nisurqanki? Ama pakawaspa willaykuway. ¡Diosyá castigasunki imapas nisusqaykita pakawaptikiqa! nispan.