2~Samuel 3:32 - CHUYA QELLQA La Biblia en Quechua de Ayacucho 2012

³² Hebrón llaqtapi Abnerta pamparuptinkum rey David qaparispa sepulturapa waqtanpi waqarqa, llapa runakunapas waqarqakum.

Quechua Ayacucho Bible 1987

³² Hebron llaqtapi Abnerta pamparuptinkum rey qaparispa waqarqa sepulturapa waqtanpi, waqarqataqmi llapallan runakunapas.

Chuya Qellqa 1992

³² Hebrón llaqtapi Abnerta pamparuptinkum rey David qaparispa sepulturapa waqtanpi waqarqa, llapa runakunapas waqarqakum.

2~Samuel 3:32 Iomraidhean Croise

2~Samuel 1:12

Hinaspam Saulpa chaynataq churin Jonatanpa wañukusqanmanta, llumpayta waqaspanku tardeykuqkama ayunarqaku. Waqarqakutaqmi Tayta Diospa tropankuna vencesqa kasqanmantapas chaynataq Israel runakuna guerrapi wañusqankumantapas.

2~Samuel 18:33

Chaymi rey hukmanyaruspan punkupa altonpi cuartoman waqastin seqarqa. Waqastin rispanmi nirqa: ¡Churilláy Absalón, churilláy, Absalón! ¡Qampa rantikipi ñoqa wañuyman karqa! ¡Kuyasqay churilláy Absalón! nispa.

2~Samuel 4:12

Chaymantam soldadonkunata David kamaykachiptin, chay iskaynin runakunata wañurachirqaku. Makinkunatawan chakinkunata kuchuruspankum Hebrón llaqtapi estanquepa waqtanpi warkururqaku. Is-bosetpa umantañataqmi Abnerpa sepulturanpi, Hebrón llaqtapi pamparurqaku.

Jobwan Sutichasqa Libro 31:28

Chay ruwayqa castigopaqcha kanman, hanaq pachapi kaq Diosta negaycha kanman.

Jobwan Sutichasqa Libro 31:29

Cheqniwaqniyña llakipi tarikuptinpas manam kusikurqanichu, ima mana allinña pasaruptinpas manam kusipayarqanichu.

Proverbios 24:17

Enemigoyki sasachakuypi tarikuptinqa amayá asipayaychu, urmaruptinpas amayá sonqoykipiqa kusikuychu.

1~Samuel 30:4

Hinaptinmi runankunapiwan Davidqa manaña kallpayuq kanankukama qaparispanku waqarqaku.