2~Samuel 3:29 - CHUYA QELLQA La Biblia en Quechua de Ayacucho 2012

²⁹ Joabqa lliw mirayninkunapiwanyá kay huchamanta castigasqa kachunku, ayllunpi ama faltachunchu yawarpakuywan ñakariq, lepra onqoywan ñakariq, wistukunapas, guerrapi wañuqkunapas, mikuymanta muchuqkunapas, nispa.

Quechua Ayacucho Bible 1987

²⁹ Joabyá lliw castankunapiwan castigasqa kachun. Familianpipas amayá faltachunchu flujowan ñakariqpas, lepra onqoyniyoqpas, tawnallawan puriq wistupas, guerrapi wañuqpas otaq mikuymanta muchuqpas —nispa.

Chuya Qellqa 1992

²⁹ Joabqa lliw mirayninkunapiwanyá kay huchamanta castigasqa kachunku, ayllunpi ama faltachunchu yawarpakuywan ñakariq, lepra onqoywan ñakariq, wistukunapas, guerrapi wañuqkunapas, mikuymanta muchuqkunapas, nispa.

2~Samuel 3:29 Iomraidhean Croise

2~Samuel 1:16

Wañunan-paq kachkaptinmi David nirqa: Wañuchisqaykimantam qamqa huchayuq kanki, qampunim nirqanki: “Tayta Diospa akllasqan reytam wañurachimuni”, nispayki.

2~Samuel 16:8

Tayta Diosmi pagapusuchkanki rantinpi munaychakunaykipaq Saulpa mirayninkunata wañuchisqaykimanta, chayraykum Tayta Dios munaychakuynikita churiki Absalonmanña qoykun. Runa wañuchiq kasqaykimantam kay sasachakuy haypamusunki, nispa.

2~Samuel 3:28

Chayta yacharuspanmi David nirqa: Ñoqapas, kamachisqay llaqtapas Nerpa churin Abner wañusqanmantaqa Tayta Diospa ñawpaqninpiqa wiñaypaq mana huchayuqmi kaniku.

2~Reyes 5:1

Naamanqa karqa Siria nacionpi reypa llapa tropankunapa kamachiqninmi, paynintakamam Siria nacionta enemigonkunamanta Tayta Dios librarqa, chayraykum reyninqa anchata kuyarqa. Payqa allinnin qari-qari soldadom karqa, ichaqa lepra onqoywanmi ñakarirqa.

2~Reyes 5:27

Chaynaqa, Naamanpa lepra onqoyninwanmi qamña miraynikikunapiwan mana tukuyta onqonkichik, nispa. Chaymi Gieziqa Eliseopa qayllanmanta riti hina yuraq-yuraq lepra onqoyniyuqña lloqsirurqa.

Éxodo 21:19

hinaspañataq hatariruspa hawapi tawnawan puriptinqa, amam chay maqaqnintaqa wañuchinkichikchu. Aswanqa chay onqoqmanmi, onqospa tiempo pierdesqanmanta pagapunqa, allinyanankamataqmi hampichinqapas.

Números 35:33

Yachasqaykichik allpataqa runa wañuchiykunawanqa amam millakuypaqtaqa ruwankichikchu, runa wañuchiyqa allpatam millakuypaqta ruwan. Chay allpaqa chuyanchasqa kanqa runa wañuchiqta wañurachiptillankum.

Hechos 28:4

Chay islapi yachaqkunañataqmi Pablopa makinpi maqta uru warkurayaqta rikuspanku ninakurqaku: Kay runaqa cheqaptapas runa wañu-chiqchusmi kanman, chaychusmi lamar qochamanta librakuruptinpas justicia ruwaq mamacha mana kawsananta munanchu, nispanku.

Deuteronomio 21:6

Chaymantam chay llaqtapi llapallan ancianokuna makinkuta mayllakunqaku chay wañusqa vaquillapa hawanpi,

Apocalipsis 16:6

Chay juzgasqayki runakunaqa qamllapaqña kawsaqkunatam wañuchirqaku, profetaykikunapa yawarnintam chaqchurqaku, chayna ruwasqankumantam paykunamanpas yawarta upyarachinki, paykunaqa chaytam munarqaku”, nispa.

Jueces 9:24

Chaynataqa ruwarqa, Jerobaalpa qanchis chunka qari churinkunata wañurachisqanmanta Abimelecmanta vengakunanpaqmi chaynataq Siquem llaqtapi yachaqkunamantapas wañuchiypi Abimelecta yanapasqankumanta vengakunanpaqmi.