2~Samuel 3:27 - CHUYA QELLQA La Biblia en Quechua de Ayacucho 2012

²⁷ Hebrón llaqtaman Abner kutiramuptinmi llaqtapa punkunpa huklawninman Joab pusarurqa mana pipa uyarisqanta rimanankupaq, ichaqa espadawan wiksanpi tuksiruspanmi wañurachirqa, wawqen Asael wañurachisqanmanta vengakuspa.

Quechua Ayacucho Bible 1987

²⁷ Abner Hebron llaqtaman kutiramuptinmi Joab pusarurqa llaqtapi zaguanpa ukulawninpi sapallankupi rimanankupaq. Chaypim Abnerta wiksanpi tuksiruspa wañurachirqa wawqen Asael wañurachisqanmanta vengakuspa.

Chuya Qellqa 1992

²⁷ Hebrón llaqtaman Abner kutiramuptinmi llaqtapa punkunpa huklawninman Joab pusarurqa mana pipa uyarisqanta rimanankupaq, ichaqa espadawan wiksanpi tuksiruspanmi wañurachirqa, wawqen Asael wañurachisqanmanta vengakuspa.

2~Samuel 3:27 Iomraidhean Croise

2~Samuel 13:26

Absalon-ñataqmi nirqa: Mana riyta munaptikiqa ruegakuykim wawqey Amnón ñoqaykuwan rinanpaq, nispa. Chaymi rey tapurqa: ¿Imapaqtaq Amnón rinanta munanki? nispa.

2~Samuel 19:13

Amasatapas kaynatam nichimurqa: Qamqa aylluymi kanki. Joabpa rantinpim llapa tropaykunapa capitannin kanaykipaq churasqayki. Mana chaynata ruwaptiyqa Tayta Diosyá llumpayta castigawachun, nispa.

2~Samuel 3:26

Joabmi Davidwan rimasqanmanta lloqsiramuspan, Davidpa mana yachasqanta, Abnerta maskamunankupaq runankunata kacharqa, chaymi hayparuspanku Sira sutiyuq pozomantaña Abnerta kutichimurqaku.

2~Samuel 3:28

Chayta yacharuspanmi David nirqa: Ñoqapas, kamachisqay llaqtapas Nerpa churin Abner wañusqanmantaqa Tayta Diospa ñawpaqninpiqa wiñaypaq mana huchayuqmi kaniku.

2~Samuel 4:1

Abnerpa Hebrón llaqtapi wañurusqanmanta Saulpa churin Is-boset yacharuspanmi pasaypaqta hukmanyarurqa, Israel runakunapas sinchitam mancharikurqaku.

1~Reyes 2:32

Tayta Diosmi runakuna wañuchisqanmanta castiganqa, Joabqa taytay Davidpa mana yachasqantam allin sonqoyuq runakunata, Israelpa tropankuna kamachiq Nerpa churin Abnertawan Judapa tropankuna kamachiq Jeterpa churin Amasatapas wañurachirqa.

1~Reyes 2:5

Qamqa yachankiñam Sarviapa wawan Joabpa imam ruwawasqantapas, paymi Israelpa tropankunapa kamachiqninkunata wañurachirqa: Nerpa churin Abnertawan Jeterpa churin Amasata. Paykunataqa manam guerra tiempopichu wañurachirqa, paykunapa yawarninwanmi weqaw watakunaytawan usutaytapas yawarcharurqa.

1~Crónicas 27:21

Galaad lawpi kaq Manasespa wakin ayllupa kamachiqninmi karqa Zacariaspa churin Iddo. Benjamín ayllupa kamachiqninmi karqa Abnerpa churin Jaasiel.

Proverbios 26:26

Cheqnikuyninta pakayta munaptinpas, mana allin ruwayninmi runakunapa qayllanpi rikurachikunqa.

Jeremías 41:2

Netaniaspa churin Ismaelqa qonqaymanta hatarispan chunkantin runankunawan, Safanpa willkan otaq Ahicampa churin Gedaliasta espadawan wañurachirqa. Chaynatam Babilonia nacionpi reypa churasqan kamachikuqta wañurachirqaku.

Números 35:19

Chay wañuqpa hichpa ayllunmi runa wañuchiqta maypipas tupasqanpi wañuchinqa.

Números 35:20

Pipas runamasinta cheqnisqanrayku tanqaykuspanqa otaq wateqaspa imatapas hawanman wañunanpaq wischuykus-panqa,

Deuteronomio 27:24

¡Runamasinta mana pipa rikusqanta wañurachiq runaqa ñakasqayá kachun! nispanku. Hinaptinmi llapa runakunañataq ninqaku: ¡Amén! nispanku.