2~Samuel 3:25 - CHUYA QELLQA La Biblia en Quechua de Ayacucho 2012

²⁵ ¿Mana-chu yacharqanki Nerpa churin Abnerqa engañasunaykipaq hamusqanta? Payqa imam ruwasqaykitapas, mayman risqaykitapas wateqaqmi hamurqa, nispa.

Quechua Ayacucho Bible 1987

²⁵ ¿Manachu yachanki Nerpa churin Abnerqa engañasunaykipaq hamusqanta? Payqariki hamurqa mayman risqaykitapas chaynataq imam rurasqaykitapas yachananpaqmi —nispa.

Chuya Qellqa 1992

²⁵ ¿Manachu yacharqanki Nerpa churin Abnerqa engañasunaykipaq hamusqanta? Payqa imam ruwasqaykitapas, mayman risqaykitapas wateqaqmi hamurqa, nispa.

2~Samuel 3:25 Iomraidhean Croise

Génesis 42:12

Joseyñataqmi nirqa: Cheqaptapunim qamkunaqa hamurqankichik, kay nacionta harkachisqa otaq mana harkachisqa kasqanta wateqaq, nispa.

Génesis 42:16

Chaynaqa, hukkaqnikichikta kachaychik chaynapi wawqekichikta pusamunanpaq, wakiqnikichikñataq preso qepaychik, rimasqaykichik cheqap kasqanta yachanaypaq, mana chayqa Faraonraykum jurani, qamkunaqa wateqaqmi kankichik, nispa.

Génesis 42:9

Chaymi Joseqa paykunamanta mosqokusqanta yuyariruspa nirqa: Wateqaqkunam kankichik, kay nacionqa arkachisqa otaq mana arkachisqa kasqanta qawaqmi hamurqankichik, nispa.

2~Samuel 10:3

Amonpa kamachiqninkuna reyninku Hanunta nirqaku: ¿Creenkichu taytaykita kuyasqanrayku consuelasunaykipaq serviqninkunata David kachamusqanta? ¿Manachu serviqninkunataqa kachamusuchkanki llaqtata wateqaspa puchukarachinankupaq? nispanku.

2~Samuel 3:24

Chaymi Joabqa reypa qayllanman rispan nirqa: ¿Imatataq kayta ruwarunki? Abner qawaqniki hamuchkaptinqa, ¿imanasqataq allinllata kachaykurqanki?

2~Samuel 3:26

Joabmi Davidwan rimasqanmanta lloqsiramuspan, Davidpa mana yachasqanta, Abnerta maskamunankupaq runankunata kacharqa, chaymi hayparuspanku Sira sutiyuq pozomantaña Abnerta kutichimurqaku.

2~Samuel 3:27

Hebrón llaqtaman Abner kutiramuptinmi llaqtapa punkunpa huklawninman Joab pusarurqa mana pipa uyarisqanta rimanankupaq, ichaqa espadawan wiksanpi tuksiruspanmi wañurachirqa, wawqen Asael wañurachisqanmanta vengakuspa.

2~Reyes 18:32

hamuspay kay yachasqaykichikman rikchakuq allpaman, allin ruruq allpaman, uvaspa, aceitunaspa chaynataq mielpa kanan allpaman kikiypuni pusanaykama, chaypi kawsaspaykichikqa manam wañunkichikchu. Ezequiastaqa ama kasuychikchu, payqa llullakususpaykichikmi nisuchkankichik: Tayta Diosmi waqaychawasunchik, nispa.

Isaías 37:28

Yachanim tukuy ima ruwasqaykitapas, tukuy imapi purisqaykitapas, hinaspa ñoqapaq piñakusqaykitapas,

Números 27:17

llaqtaykita mayman risqankupi puntaman pusananpaq, chaynapi runaykikuna mana michiqniyuq ovejakuna hina mana kanankupaq, nispa.

Juan 7:12

Anchatam Jesusmanta runakuna rimarqaku. Wakiqninmi nirqaku: Allin runam payqa, nispanku. Wakinñataqmi nirqaku: Manam payqa allinchu, runakunatam engañan, nispanku.

Juan 7:47

Fariseokunañataqmi nirqaku: ¿Qamkunapas engañarachikunkichikñachu?

Romanos 2:1

Chaynaqa, manam imananchu pim kasqaykipas, sichum runamasikita juzgaspaqa, paykuna hina huchallikusqaykiraykum kikillayki sentenciakuchkanki; chayraykum mana imayna librakuyta atiwaqchu.

Deuteronomio 28:6

Mayta lloqsispaykipas kutiykamuspaykipas bendecisqam kanki.