2~Samuel 24:15 - CHUYA QELLQA La Biblia en Quechua de Ayacucho 2012

¹⁵ Chaynapim peste onqoyta Israel nacionman Tayta Dios kacharimurqa, chay tutapaymanta qallarispa Diospa nisqan punchawkama. Chaymi Dan llaqtamanta qallaykuspan Beerseba llaqtakama, qanchis chunka waranqa runakuna wañururqaku.

Quechua Ayacucho Bible 1987

¹⁵ Tayta Diosmi kachaykamurqa peste onqoyta Israel castakunaman chay tempranomanta señalasqan punchawkama. Hinaptinmi Dan llaqtamanta Beerseba llaqtakama otaq Israel lliw nacionpi wañururqaku qanchis chunka waranqa runakuna.

Chuya Qellqa 1992

¹⁵ Chaynapim peste onqoyta Israel nacionman Tayta Dios kacharimurqa, chay tutapaymanta qallarispa Diospa nisqan punchawkama. Chaymi Dan llaqtamanta qallaykuspan Beerseba llaqtakama, qanchis chunka waranqa runakuna wañururqaku.

2~Samuel 24:15 Iomraidhean Croise

2~Samuel 24:2

Chaymi rey Davidqa paywan kuska kaq tropakunapa kamachiqnin Joabta nirqa: Israelpi ayllukunaman riy Danmanta qallaykuspa Beerseba llaqtakama hinaspa llapa runata yupamuy, chaynapi hayka kasqantapas yachanaypaq, nispa.

1~Crónicas 21:14

Chaymi peste onqoyta Israel runakunaman Tayta Dios kachaykamuptin qanchis chunka waranqa runakuna wañururqaku.

1~Crónicas 27:24

Sarviapa wawan Joabmi runakuna yupayta qallaykurqa, ichaqa manam yupayta tukurqachu, Israelpa mirayninkunata peste onqoywan Dios castigasqanrayku. Chayraykum rey Davidpa vidanmanta willakuq libropiqa haykam yupasqa kasqankupas mana qellqasqachu karqa.

1~Crónicas 27:4

Iskay kaq killapi reyta serviq tropakunapa kamachiqninmi karqa Ahohipa miraynin Dodai, yanapaqninñataqmi karqa Miclot.

Isaías 37:36

Chay tutam Tayta Diospa angelnin Asiria soldadokunata pachak pusaq chunka pichqayuq waranqata hina campamentollanpi wañurachirqa. Achikyaruptinmi llapallanku wañusqaña kachkasqaku.

Habacuc 3:2

Dios Taytalláy, ancha reqsisqa kasqaykitawan tukuy imapas ruwasqaykita uyarispaymi manchakurqani. Kunanpas ñawpaq watakunapi hinayá kawsayniykupi hatun atiynikita hatarichiy, chaynapi ñoqaykupas reqsinaykupaq. Chaynatayá piñakuynikipa chawpinpipas llakipayakuynikita qawaykachiwayku.

Números 25:9

Chaykamaqa iskay chunka tawayuq waranqa runakunañam wañururqaku.

Mateo 24:7

Huk nacionmi huk nacionwan peleanqa, huk munaychakuqmi huk munaychakuqwan peleanqa; muchuypas, terremotokunapas kaypi chaypim kanqa.

Apocalipsis 6:8

Hinaptinmi qawarispay qellu caballota rikururqani, sillakuqninpa sutinmi kasqa “Wañuy”, qepan qatiqñataqmi kasqa wañusqakunapa kasqanpi munaychakuq. Paymanmi atiyta qoykurqaku kay pachapi tawa kaq parten runakunata guerrawan, yarqaywan, onqoywan hinaspa kay pachapi purun animalkunawan wañuchinanpaq.

1~Samuel 6:19

Diosmi Bet-semes runakunata wa-ñurachirqa, paypa Arcanpa ukunta qawaykusqankumanta. Pichqa chunka waranqa qanchis chunka qarikunatam wañurachirqa. Chaymi llaqtantin runakuna llumpayta waqarqaku.