2~Samuel 24:10 - CHUYA QELLQA La Biblia en Quechua de Ayacucho 2012

¹⁰ Runakuna yupayta tukuruspanmi sonqonpi ñakakuspan Tayta Diosta David nirqa: Diosnilláy, hatu-hatuntam kay ruwasqaywanqa huchallikuruni, kunanmi ruegakuyki kay serviqnikita pampachaykuwanaykipaq, muspaypi hinam kayta ruwaruni, nispa.

Quechua Ayacucho Bible 1987

¹⁰ Runakuna yupachiyta David tukuruspanmi sonqonpi pesakuspan Tayta Diosta nirqa: —Dios Taytalláy, hatuntam huchallikuruni kaykunata ruraspay, kunanmi ruegakuyki kay serviqnikita mana allin rurasqaymanta pampachaykuwanaykipaq, ñoqaqa loco hinam chaykunata ruraruni —nispa.

Chuya Qellqa 1992

¹⁰ Runakuna yupayta tukuruspanmi sonqonpi ñakakuspan Tayta Diosta David nirqa: Diosnilláy, hatu-hatuntam kay ruwasqaywanqa huchallikuruni, kunanmi ruegakuyki kay serviqnikita pampachaykuwanaykipaq, muspaypi hinam kayta ruwaruni, nispa.

2~Samuel 24:10 Iomraidhean Croise

2~Samuel 12:13

Hinaptinmi Natanta David nirqa: Tayta Diospa contranpim huchallikuruni, nispa. Chaymi Natán nirqa: Tayta Diosqa pampachaykunñam huchaykitaqa, manam wañunkichu.

2~Samuel 24:17

Llaqta wañuchiq angelta rikuruspanmi Tayta Diosta David nirqa: ¡Ñoqam huchayuqqa kani! ¡Ñoqam kay mana allintaqa ruwaruni! ¿Ima huchayuqtaq kay runakunaqa? Chaynaqa, ruegakuykim ñoqatawan aylluykunata castigawanaykikupaq, nispa.

1~Reyes 8:35

Sichum qampa contraykipi huchallikurusqankurayku mana para kanqachu, ichaqa huchankumanta ñakarichiptiki kay temploman qawarimuspa sutikita yupaychaspanku huchankumanta wanakuptinkuqa

1~Crónicas 21:7

Diospaqqa reypa kamachikusqanqa manam allinchu karqa, chayraykum Israel nacionta castigarqa.

1~Crónicas 21:8

Hinaptinmi Diosta David nirqa: Hatuntam huchallikuruni kaykunata ruwaruspay, kunanmi mañakuyki kay serviqnikita mana allin ruwasqanmanta pampachaykuwanaykipaq, mana yachayniyuq hinam kaykunata ruwaruni, nispa.

2~Crónicas 16:9

Tayta Diosqa kay pachapi tukuy ima pasakusqantam qawamuchkan, chaynapi paypa qayllanpi allin sonqoyuqkunaman atiyninta qawachinanpaq. Loco hinam kaykunataqa ruwarunki, kunanmantaqa guerrallañam qampa contraykipi kanqa, nispa.

2~Crónicas 32:26

Ichaqa hatun tukuq kachkaspanpas rey Ezequiasqa Tayta Diospa qayllanpim uchuychakurqa, Jerusalenpi yachaq-kunapas chaynallatam ruwarqaku, chaymi Ezequías kawsanankamaqa Diospa piñakuyninpas mana paykunaman hamurqachu.

Jobwan Sutichasqa Libro 7:21

¿Manachum huchallayta pampachaykuwankiman? ¿Manachum mana allin ruwasqaymanta mayllaykuwankiman? Ñoqaqa chayllam allpaman kutiykusaq, maskawaspaykipas manañam tariwankiñachu, nispa.

Éxodo 10:16

Hinaptinmi utqayllamanña Moisestawan Aaronta qayachimuspan Faraón nirqa: Tayta Diospa chaynataq qamkunapa contraykichikpim huchallikuruni.

Proverbios 28:13

Huchanta pakaq runaqa manam allinqa kanqachu, huchanta willakuspa wanakuqmi ichaqa pampachasqa kanqa.

Oseas 14:2

Tayta Diosman kutirikuspa kaynata ruegakuychik: “Tukuy mana allin ruwasqaykumanta pampachaykuwayku, kuyakuynikiwanyá simiykumanta lloqsiq yupaychayniykuta chaskiykuwayku.

Joel 2:12

Tayta Diosmi kaynata nin: Qamkunaqa tukuy sonqowan kutirikamuwaychik, ayunowan, waqakuywan hinaspa qapariywan kutirikamuwaychik.

Números 12:11

Hinaptinmi Moisesta Aarón nirqa: ¡Ay, taytalláy! Kay huchamantaqa amayá castigawaykuchu, muspaypi hinam kaytaqa ruwaruniku.

Marcos 7:22

waqllikuykuna, imatañapas munapayaykuna, mana allin ruwaykuna, engañakuykuna, vicioman qokuruykuna, envidiakuykuna, cuento qepi kaykuna, hatun tukuykuna, mana allin tanteaykuna.

Juan 1:29

Juanmi paqarinnintin punchaw rikururqa Jesusta paypa lawman hamuchkaqta, hinaspanmi nirqa: Qawaychik, paymi llapa runakunapa huchanta mayllaq Diospa Corderonqa.

Juan 8:9

Payku-nañataqmi Jesuspa nisqanta uyarispan-ku, sonqonku acusaptin, machukuna-manta qallaykuspa warmankunakama chulla-chullamanta asurikurqaku, hinaptinmi Jesuswan warmillaña qeparurqaku.

Deuteronomio 32:6

Mana yuyayniyuq mana yachayniyuq runakuna, ¿chaynatachu Tayta Diosman pagapunkichik? ¿Manachum payqa taytaykichik karqa? ¿Manachum payqa unanchasuqnikichik karqa? Paymi unanchaspa takyachisurqankichik.

Tito 3:3

Ñawpaqtaqa ñoqanchikpas karqanchik, mana yuyayniyuqmi hinaspa mana kasukuqmi, pantaypi kaspam aychapa munayninkunapi chaynataq tukuy imaymana viciokunapa apasqan karqanchik, mana allinllapi yuyaymanaspam envidiakuspa kawsarqanchik, cheq-nichikuspam kikinchikpurapas cheq-ninakurqanchik.

1~Juan 1:9

Sichum huchanchikkunata willakuptinchikqa, paymi mana engañakuspa allin ruwaq kasqanrayku pampachawasun, hinaspam tukuy mana allin ruwasqanchikmanta mayllawasun.

1~Samuel 13:13

Hinaptinmi Samuel nirqa: ¡Loco hinam kaytaqa ruwarunki! Sichum Tayta Diospa kamachisusqaykita kasukuwaq karqa, hinaptinqa paymi cheqaptapuni Israel nacionpi rey kaynikitapas miraynikikunakama wiñaypaq takyachinman karqa.

1~Samuel 24:5

Ichaqa chay ruwasqanmanta Davidpa conciencian acusaptinmi ñakakurqa.

1~Samuel 24:6

Chaymi runankunata nirqa: Tayta Diosyá reyniyta wañuchinaymanta waqaychawachun. Payqa Tayta Diospa sapaqchakusqanmi, nispa.

1~Samuel 26:21

Chaymi Saúl nirqa: ¡Churilláy David, reqsikunim huchallikurusqayta! ¡Mana yuyayniyuq hina kaykunata ruwaspaymi huk pantayman wichiykuni! Makikipiña kachkaptiypas manam wañurachiwarqankichu. Chaynaqa, kutikamuyá, manañam ima mana allintapas contraykipiqa maskasaqñachu, nispa.