2~Samuel 24:1 - CHUYA QELLQA La Biblia en Quechua de Ayacucho 2012

¹ Tayta Diosmi Israel nacionpa contranpi huktawan piñakururqa, hinaspam Davidpa sonqonman Israel runakunata yuparuy munayta churarurqa.

Quechua Ayacucho Bible 1987

¹ Tayta Diosmi Israel castakunapa contranpi yapatawan piñakururqa chaymi Davidta umacharqa Israel casta runakunatapas chaynataq Juda casta runakunatapas yupachinanpaq.

Chuya Qellqa 1992

¹ Tayta Diosmi Israel nacionpa contranpi huktawan piñakururqa, hinaspam Davidpa sonqonman Israel runakunata yuparuy munayta churarurqa.

2~Samuel 24:1 Iomraidhean Croise

Génesis 45:5

Ama llakikuychikchu nitaq ñakakuychikchu kayman rantikamuwasqaykichikmantaqa. Aswanqa achka runakunata kawsachinaypaqmi Dios puntachimuwarqa.

Génesis 50:20

Qamkunam ñoqapa contraypi mana allinta tantearqankichik, ichaqa Diosmi allinpaq tikrarurqa, kay qawasqaykichikpi hina ruwananpaq, chaynapi achka runakunata kawsachinanpaq.

2~Samuel 12:11

Ñoqa Tayta Diosmi kaynata nini: Aylluyki ukumantam ñakarichisuqnikita hatarichisaq. Qawachkaptikim warmikikunata qechuspay hukkaqnin runamasikiman qoykusaq, paykunam warmikikunawan punchaw pacha puñukunqaku.

2~Samuel 16:10

Ichaqa Davidmi nirqa: Sarviapa wawankuna, ñakawasqanmanqa ama chapukuychikchu. Kikin Tayta Dioschá ñakawananpaq kamachimun. Tayta Dios kamachimuptinqa ¿pitaq upallay ninman? nispa.

2~Reyes 3:6

Rey Joramñataqmi Samaria llaqtamanta lloqsiruspan Israel nacionpa tropankunata huñururqa.

1~Crónicas 21:1

Satanasmi Israelpa contranpi hatarispan, Israel nacionpi runakunata yupachinanpaq Davidta kallpancharurqa.

1~Crónicas 7:2

Tolapa churinkunam karqa: Uzi, Refaías, Jeriel, Jahmai, Jibsam hinas-pa Semuel. Paykunam karqaku ayllun-kupa kamachiqninkuna hinaspa allin-nin qari-qari soldadokuna. Davidpa munaychakusqan tiempopim, Tolapa mirayninkuna karqaku iskay chunka iskayniyuq waranqa soqta pachaknin runakuna.

1~Crónicas 7:40

Llapallankum karqaku Aserpa mirayninkuna. Paykunam karqaku ayllunkupi kamachikuqkuna, allinnin qari-qari soldadokuna hinaspa ancha reqsisqa runakuna. Ayllun-ayllun listasqa kasqankuman hinam yupasqa karqaku iskay chunka soqtayuq waranqa guerrapaq akllasqa soldadokuna.

2~Crónicas 32:25

Rey Ezequiasmi ichaqa allinkunata chaskichkaspanpas mana reqsikurqachu, aswanmi hatun tukuqllaña rikurirurqa, chayraykum paypa contranpi, Judá nacionpa contranpi hinaspa Jerusalenpa contranpi Tayta Dios piñakururqa.

Éxodo 7:3

Ichaqa ñoqam Faraonpa sonqonta rumiyarachisaq, hinaspaymi Egipto nacionpi achka-achka señalkunatawan admirakuypaq kaqkunata ruwasaq.

Ezequiel 14:9

Sichum hukkaqnin profeta engañarachikuspa llullata rimaptinqa, paytaqa ñoqam pantarachini; chaynaqa castigaspaymi paytapas llaqtaypa chawpinmanta chinkarachisaq.

Ezequiel 20:25

Chayraykum paykunamanqa mana valeq decretokunatawan mana valeq leykunataña qoykurqani. Chay decretokunaqa manam kawsanankupaqñachu karqa.

Levítico 10:6

Aarontawan churin Eleazartawan Itamartam Moisés kaynata nirqa: Amam mana ñaqchasqaqa kankichikchu, amataqmi lutokusqaykichikta qawachikunaykichikpaqpas pachaykichiktaqa llikipankichikchu, chaynata ruwaspaqa wañuruwaqchikmi; Tayta Diospa piñakuyninmi llapa huñunasqa runakunamanpas chayarunman. Aylluykichikmantaqa llapallan Israel castakunam waqanqaku, chaynatam Tayta Diospa kañarusqanmanta llakikunqaku.

Números 1:19

Tayta Diospa kamachisqanman hinam, Sinaí chunniqpi Moisés yuparqa.

Hechos 4:28

Chaynataqa ruwarqaku ñawpaqmantaraq qampa munasqayki cumplikunanpaqmi.

2~Tesalonicenses 2:11

Diosmi paykunaman kachamun engañakuq atiyta, llulla kaqkunapi creenankupaq,

Jueces 2:14

Chayraykum Israel castakunapa contranpi Tayta Dios piñakuruspan suwakunawan llapa imankuta suwachirqa. Muyuriqninkupi enemigonkunaman qoykuptinmi manaña ima ruwakuytapas atirqakuchu.

Jueces 2:20

Chaymi Israel runakunapa contranpi Tayta Dios piñakuruspan nirqa: Kay runakunaqa ñawpaq taytankuwan pacto ruwasqayta qepanchaspam nisqaykunatapas mana kasukunkuchu,

1~Samuel 26:19

Reynilláy, kay serviqni-kipa mañakuyninta uyariykullaway. Sichum Tayta Dios ñoqapa contraypi hatarichisuspaykiqa ofrendayta chaskiykuwachun. Sichum runallamanta kaptinqa Tayta Diosyá ñakawachun. Diospa allpanmantam qarqoruwanku, chaynata ruwaspam idolokunata servinaypaqña tanqawachkanku.