2~Samuel 23:5 - CHUYA QELLQA La Biblia en Quechua de Ayacucho 2012

⁵ Mirayniykunapas Diospim allin hapipasqa kachkan; paymi ñoqawan wiñaypaq pactota ruwarqa, allin terminonpi hinaspa allin ruwasqata. Payqa salvaykuwaspam tukuy munasqayta ruwanqa.

Quechua Ayacucho Bible 1987

⁵ Chaynamiki mirayniytapas Diosllayqariki takyachirqa. Wiñaypaqmi contratotaña ñoqallaywanqa ruraykurqa. Chaykunatam ordenninpiraq allichasqata churaykurqa, chaykunata cumplinanpaqmi waqaychaykuspa churaykurqa. Paymi planta ikllichimuq hina salvacionnillayta cumplinqa. Paymi planta ikllichimuq hina tukuy munasqayta cumplinqa.

Chuya Qellqa 1992

⁵ Mirayniykunapas Diospim allin hapipasqa kachkan; paymi ñoqawan wiñaypaq pactota ruwarqa, allin terminonpi hinaspa allin ruwasqata. Payqa salvaykuwaspam tukuy munasqayta ruwanqa.

2~Samuel 23:5 Iomraidhean Croise

Génesis 9:16

Puyupi chirapay rikurimuptinmi, chayta qawarispay yuyarisaq qamkunawan chaynallataq llapallan animalkunawanpas wiñaypaq pacto ruwasqayta, nispa.

2~Samuel 12:10

Ñoqata qepanchawaspayki Het casta Uriaspa warminta warmikipaq hapikuykusqaykiraykum miraynikikunamanta espadapi wañuqkuna mana faltanqachu.

2~Samuel 13:14

Amnonmi ichaqa Tamarpa nisqanta mana kasuspan kallpanman hina abusarurqa.

2~Samuel 13:28

Hinaspam serviqninkunata kamachirqa: Amnontam allinta qawankichik, sinkaña kachkaptinmi wañurachinaykichikpaq kamachisqaykichik, hinaptinmi ama manchakuspa wañuchinkichik, ñoqam kamachikichik, kallpanchakuspa qarinchakuychik, nispa.

2~Samuel 18:14

Joabñataqmi nirqa: Yanqañam qanwanqa tiempoyta usu-chini, nispa. Hinaspanmi kimsa lanzawan Absalonta qasqonpi clavarurqa encina sachapi warkurayachkaqta.

2~Samuel 7:12

Machuyaruspa ñawpaq taytaykikuna hina wañukuptikim, qanmanta miramuqta kamachikunanpaq churasaq, hinaspam munaychakuyninta takyachisaq.

2~Samuel 7:18

Hinaptinmi rey Davidqa Diospa qayllanman yaykuykuspan kaynata nirqa: Dios Taytalláy, ¿pitaq ñoqallayqa kani chaynataq aylluykunapas kaykama chayachimuwanaykipaqqa?

1~Reyes 1:5

Davidpa churin Adoniasmi rey kayta munarqa, chaymi hatun tukuspan nirqa: Ñoqam munaychakuq kasaq, nispa. Hinaspanmi carretakunata, caba-llopi sillakuqkunata chaynataq waqaychaq-ninpaqpas pichqa chunka qarikunata huñukururqa. Adoniasqa karqa Haguitpa wawanmi.

1~Reyes 11:38

Sichum kamachikuyniykunata ya-chachikuyniykunata kasukunki hi-naspa munasqayman hina kawsas-pa serviqniy David hina allinta ruwaptikiqa, ñoqam yanapasqayki, Davidpa munaychakuyninta hinam munaychakuynikitapas takyachisaq, Israel naciontapas makikimanmi churasaq,

1~Reyes 12:14

Hinaspanmi jovenkunapa consejasqanman hina kaynata nirqa: Taytayqa sasa llamkaykunapim llamkachisurqankichik, ñoqaqa aswantaraqmi llamkachisqaykichik; taytayqa azotellawanmi castigasurqankichik, ñoqam ichaqa fierro puntayuq azotewanraq castigasqaykichik, nispa.

Isaías 11:1

Isaipa takarpunmantam huk kaspi ikllimunqa, sapinmantam ikllipan wiñamunqa.

Isaías 27:6

Hamuq punchawkunapim Jacobqa sapichakunqa, Israelmi chikllispa sisanqa rurunkunam kay pachata huntaykunqa.

Isaías 4:2

Chay tiempopim Tayta Diospa ikllichisqan runa kanqa suma-sumaq kuyayllapaq, Israelpa mirayninkunamanta puchuqkunapa alabakunankupaqmi kanqa. Allpankupa rurun cosechasqankum hatunchakuspa alabakunankupaq kanqa.

Isaías 54:10

Orqokuna suchuruptinpas, moqokuna maymi kasqanmanta asuriptinpas, kuyakuyniymi ichaqa qanmanta mana rakikunqachu, hawka kanapaq pacto ruwasqaypas manam tukunqachu. Llakipayasuqniki Tayta Diosmi chaynata nin.

Isaías 55:3

Ñoqaman asuykamuspa uyariwaychik, uyariwaspaykichikqa kawsankichikmi. Qamkunawanmi pactota wiñaypaq ruwasaq, rey Davidta kuyasqayraykum payman prometesqaykunata cumplisaq.

Isaías 61:8

Ñoqa Tayta Diosqa allin ruwaytam kuyani, suwakuytawan mana allin ruwaykunatam ichaqa cheqnini. Hapipakunaykichik kasqayraykum imam kaqta pagapusqaykichik, hinaspaymi qamkunawan wiñaypaq pactota ruwasaq.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Jeremías 32:40

Paykunawanmi wiñaypaq pactota ruwasaq, hinaspaymi prometekusaq tukuy tiempo allinllata ruwanaypaq. Sonqonkumanmi manchakuyta churasaq, ñoqamanta mana haykapipas rakikuwanankupaq.

Jeremías 33:21

Chaynam serviqniy Davidwan pacto ruwasqaypas cumplikunqapuni, chaynapim Davidpa mirayninmanta trononpi tiyaykuspa munaychakuqpas mana faltanqachu. Leviypa mirayninmanta kaq serviqniy sacerdotekunawan pacto ruwasqaypas cumplikunqapunim.

Ezequiel 37:26

Hawka kawsakunankupaqmi pay-kunawan pactota ruwasaq. Chay pactoqa wiñaypaqmi kanqa. Paykunata anchallataña mirachispaymi temploytapas chawpinkupi wiñaypaq churasaq.

Amós 9:11

Tayta Diosmi kaynata nin: Chay punchawkunapim Davidpa munaychakuyninta hatarichisaq, uchkunkunata wichqaykuspaymi perqankunatapas allichaykusaq, hinaspaymi ñawpaq tiempopi hina hatarichisaq.

Hechos 13:34

Diosmi Jesuspa cuerponta mana ismurunanpaq kawsarichimunanmanta nirqaña. “Qamkunamanmi qosqaykichik Davidman prometesqay cheqap kuyakuyniykunata”, nispa.

Hebreos 13:20

Hawkayay qokuq Diosyá, yawar-ninwan wiñaypaq musoq pactota ruwaq otaq ovejakunapa hatun michiqnin Señorninchik Jesucristo kawsarichiq Diosyá

Hebreos 6:19

Lamar qochapa patanpi barca watasqa hinam confianzanchikqa almanchikta takyachin. Hanaq pacha templopi rakinaq telapa qepanpiñam confianzanchikqa Diospi churasqa kachkan.

1~Samuel 2:35

Ñoqam ichaqa allin sacerdoteyta akllakusaq sonqoyman hinaspa munasqayman hina ruwaqta, mirayninpas allin takyaqmi kanqa; sapaqchakusqay reytam sapa punchaw servinqa.

1~Samuel 25:28

Ruegakuykitaqmi kay serviqllaykipa huchantapas pampachaykunaykipaq. Tayta Diosmi munaychakuq kaynikitapas takyachinqa chaynataq aylluykikunatapas. Qamqa Tayta Diospa rantinpim peleachkanki, chayraykum kawsanaykikamaqa ima mana allinpas mana pasasunkichu.