2~Samuel 23:3 - CHUYA QELLQA La Biblia en Quechua de Ayacucho 2012

³ Israelpa Diosninmi rimarirqa, Israelta waqaychaq Diosmi niwarqa: Pipas allinta ruwaspa runakunata kamachiqmi, pipas Diosta kasukuspa runakunata kamachiqmi,

Quechua Ayacucho Bible 1987

³ Israelpapas yupaychallasqan Diosnillanmiki rimawarqa. Israelpapas harkaykullaqnin Diosnillanmiki niykuwarqa: “Allinneqta rurallaspa runakuna gobiernaqqa, ñoqa Diosta respetaspa runakuna gobiernaqqa

Chuya Qellqa 1992

³ Israelpa Diosninmi rimarirqa, Israelta waqaychaq Diosmi niwarqa: Pipas allinta ruwaspa runakunata kamachiqmi, pipas Diosta kasukuspa runakunata kamachiqmi,

2~Samuel 23:3 Iomraidhean Croise

Génesis 33:20

Chaypitaqmi huk altartapas ruwarqa, hinaspam “El-Elohe-Israel” nispa suticharqa.

2~Samuel 22:32

Diosnilláy, qamllam cheqap Diosqa kanki, qam hina waqaychakuqqa manam hukqa kanchu.

2~Samuel 8:15

Israel nacionta David kamachikuspanmi llapallan runankunapaq mana pimanpas sayapakuspa allin arreglota ruwarqa.

1~Reyes 10:9

¡Señorniki Tayta Diosyá bendecisqa kachun! ¡Paymi kuyasuspayki Israel nacionpi munaychakunaykipaq churasurqanki! ¡Tayta Diosqa Israel nacionta kuyasqanraykum rey kanaykipaq churaykusurqanki, derechonpi allinta kamachikunaykipaq! nispa.

Nehemías 5:14

Rey Artajerjesmi iskay chunka wataña munaychakuchkaspan Judá lawpi gobernador kanaypaq churawarqa, chaymi gobernador karqani kimsa chunka iskayniyuq wata munaychakuyninkama. Ichaqa chay chunka iskayniyuq watapim ñoqapas nitaq aylluykunapas gobernadorninkunaman reypa qosqan mikuytaqa mana chaskirqanikuchu.

Jobwan Sutichasqa Libro 34:17

Allin arreglo ruwayta cheqnispanqa, ¿imaynatataq Dios kamachikunman? Chaynaqa, ¿imaynataq Tukuy Atiyniyuq Diosta cargochawaq?

Éxodo 18:21

Runakunamanta akllay chaypaq hina qarikunata, Dios respetaqkunata, cheqap rimaq qarikunata, qollqe kuyayta cheqniqkunata. Paykunatam churanki waranqa runakunapi, pachak runakunapi, pichqa chunka runakunapi chaynataq chunka runakunapi, kamachikuqkuna kanankupaq.

Éxodo 20:2

Ñoqa Tayta Diosmi, Diosnikiqa kani, Egipto nacionpi esclavo kaspa ñakarisqaykimanta hurqomuqnikim kani.

Éxodo 3:15

Kasqallanmi Moisesta Dios nirqa, Israelpa mirayninkunatam kaynata ninki: “Ñawpaq taytaykichik Abrahampa, Isaacpa hinaspa Jacobpa Diosninmi qamkunaman kachamuwan. Payqa Tayta Diosmi”, nispa. Kaymi wiñaypaq sutiyqa, kay sutiywanmi wiña-wiñaypaq yuyariwankichik.

Proverbios 31:9

kallpawan rimarispayá justiciata ruway, wakchakunatawan mana piniyuqkunatayá nanachikuy.

Isaías 32:1

Mana pimanpas sayapakuspa munaychakuq reymi kanqa, kamachikuypi yanapaqninkunapas lliwpaqmi allinkunallata ruwanqa.

Jeremías 23:5

Tayta Diosmi kaynata nin: Chayamunqam punchaw rey Davidpa mirayninmanta huk reyta hatarichinaypaq, payqa allin ruwaqmi kanqa, yachaywanmi nacionpipas munaychakunqa, allin arregloman hinam munaychakunqa, allin ruwaykunawanmi munaychakunqa.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Deuteronomio 32:4

Payqa pakakunanchik qaqam, ruwasqankunapas mana pantayniyuqmi, ruwayninkunapas allinpunim. Payqa cheqap Diosmi, paypiqa manam ima mana allinpas kanchu, payqa derechonpim imatapas ruwan.

Hebreos 1:8

Churinmantañataqmi kaynata nin: Diosnilláy, qamqa wiña-wiñaypaqmi munaychakunki, mana pimanpas sayapakuspam munaychakunki.