2~Samuel 23:1 - CHUYA QELLQA La Biblia en Quechua de Ayacucho 2012

¹ Davidpa wañukunallanpaqña kachkaspa rimarisqankunam kaykuna. Isaipa churin Davidmi, Tayta Diospa hatunchasqan runam, Jacobpa Diosninpa akllakusqan reymi, Israel nacionpi miskillataña takiqmi nirqa:

Quechua Ayacucho Bible 1987

¹ Wañukunallanpaqña rimarispanmi David kaynata nirqa: Isaipa churin Davidmi rimarini. Alto-altopi Diospa hatunchasqan runam rimarini. Rey kanaypaq Jacobpa Diosninpa nombrasqanmi nini, Israel nacionpi miskillaña takiqmi nini:

Chuya Qellqa 1992

¹ Davidpa wañukunallanpaqña kachkaspa rimarisqankunam kaykuna. Isaipa churin Davidmi, Tayta Diospa hatunchasqan runam, Jacobpa Diosninpa akllakusqan reymi, Israel nacionpi miskillataña takiqmi nirqa:

2~Samuel 23:1 Iomraidhean Croise

Génesis 49:1

Churinkunata qayaykuspam Jacob nirqa: Huñunakamuychik, hamuq punchawkunapi imayna kanaykichikmanta willas-qaykichik.

2~Samuel 22:34

Chakiytapas luwichupata hinaraqmi kallpachin, orqonkunata kallpaspaypas manam urmasaqchu.

2~Samuel 22:51

Akllakusqayki reytam yanapaspa venceykachinki, Davidtawan mirayninkunatam wiñaypaq kuyapayaykunki, nispa.

1~Crónicas 16:7

Chay punchawpim David kamachirqa Asaftawan wawqenkunata kay takiwan Tayta Diosman graciasta qonankupaq:

1~Crónicas 16:9

Paytayá takikunawan yupaychaychik, admirakuypaq ruwasqankunamantayá willakuychik.

Amós 6:5

Arpata tocaspam musoq takikunata hurqokunkichik, rey David hinaraqmi musoq tocanakunata ruwakunkichik.

Lucas 20:42

Kikin Davidmi Salmos libropi nin: “Diosmi Señorniyta nirqa: Enemigoykikunata chakikipa sarupakunanman churanaykama alleqniypi tiyaykuy”, nispa.

Lucas 24:44

Chaymantam paykunata nirqa: Kaykuna pasakunanmantaqa qam-kunawan kachkaspayraqmi willar-qaykichikña: Moisespa qellqasqan kamachikuykunapi, profetakunapa qellqasqanpi hinaspa Salmokunapi ñoqamanta qellqasqa kaqkunaqa cumplikunanpunim, nispay.

Deuteronomio 33:1

Diospa serviqnin Moisesmi wañukunallanpaqña Israelpa mirayninkunata kaynata bendeciykurqa:

Colosenses 3:16

Cristopa yachachikuyninkunayá sonqoykichikpi llimparichun. Allin yachaywanyá sapakama yachachinakuspa kallpanchanakuychik. Tukuy sonqoykichikwanyá Diosman graciasta qostin takiychik, himnokunata hinaspa Espiritumanta kaq takikunata.

Santiago 5:13

Mayqannikichikpas llakisqa kaspa-qa Diostayá mañakuychik. Mayqan-nikichikpas kusisqa kaspaqa takispayá Diosta yupaychaychik.

1~Samuel 17:12

Judá law Belenpim yacharqa Efrata llaqtayuq Isaí, payqa wakin runakunamantapas, Saulpa tiemponpiqa llumpay yuyaqñam karqa. Paypa pusaq churinkunamantam huknin churinpa sutin karqa David.

1~Samuel 18:7

Chay warmikunam tusustin takispa nirqaku: Saulmi waranqa soldadokunata wañurachimun. Davidñataqmi chunka waranqata wañurachimun, nispanku.

1~Samuel 2:10

Tayta Diosmi chinkarachinqa contranpi sayariqkunataqa, hanaq pachamantam rayokunata hawankuman kachaykamunqa. Tayta Diosmi juzganqa kay pachapi runakunataqa; kallpanchanqam akllakusqan reytapas, akllakusqanpa atiynintam hatunchanqa, nispa.