2~Samuel 22:43 - CHUYA QELLQA La Biblia en Quechua de Ayacucho 2012

⁴³ Ñutu allpata hinam ruwarurqani, ñanpi mituta hinam llinqaparurqani.

Quechua Ayacucho Bible 1987

⁴³ Pampa allpa polvotapas hinam ñuturqani. Ñanpi mitutapas hinam saruparurqani. Ñanpi mitutapas hinam ñutuparurqani.

Chuya Qellqa 1992

⁴³ Ñutu allpata hinam ruwarurqani, ñanpi mituta hinam llinqaparurqani.

2~Samuel 22:43 Iomraidhean Croise

2~Samuel 7:9

Lliw purisqaykipi yanapaspaymi llapallan contraykipi hatarimuq enemigoykikunatapas tukururqani, kay pachapi atiyniyuqkunata hinam ancha reqsisqata ruwasqayki.

2~Reyes 13:7

Siria nacionpa reynin chinkarachispan ñutu allpata hinaña ruwaruptinmi, rey Joacazpa soldadonkunamantaqa puchururqa caballopi sillakuqkunamanta pichqa chunka runakunawan guerrapaq chunka carretakuna hinaspa chakiwan riqkunamanta chunka waranqa soldadokunallaña.

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Isaías 26:15

Qanmi nacionpi runakunata mirarachinki, alabasqa kanaykipaqmi mirarachinki, allpakunapa linderonkunatam hatunyarachinki.

Isaías 41:2

¿Pitaq intipa qespimunan lawmanta imapipas allinllaña lloqsiq reyta hatarichimurqa? ¿Pitaq nacionkunatapas reynintinta payman hapiykachirqa? Chay reymi paykunapi munaychakuspa espadanwan polvota hina ruwarunqa, flechana arconwan ñuturuspam wayrapa apanan qopata hina cheqechinqa.

Isaías 41:25

Norte lawmanta hukta hatarirachimuptiymi hamunqa, intipa qespimunan lawmantam sutiyta qayakunqa, kamachikuqkunatam mituta hina sarupanqa, manka ruwaqpa sarusqan mituta hinam sarupanqa.

Daniel 2:35

Chaynapim chay fierropas, kañasqa mitupas, broncepas, qollqepas hinaspa qoripas lliw ñutu allpa hinallaña rikurirurqa; cosecha tiempopi wayrapa apasqan erapi qopa hinallañam rikurirurqa, chaynapim maypi kasqanpas manaña yachakurqachu. Chay runa kaqlla sayaqta ñuturuq rumim ichaqa kay pachapas huntaykuyta hatu-hatun orqoman tikrakururqa.

Miqueas 7:10

Chayta qawaspanmi, ¿maytaq Tayta Diosnikiqa? niwaqniy enemigoypas penqakuymanta pakakunqa. Ñoqañataqmi ñanpi mituta hina sarusqata qawaspay kusikusaq.

Zacarías 10:5

Paykunaqa kanqaku mitupa hawanpi enemigonta sarupaq soldadokuna hinam; Tayta Diospa yanapakuyninwanmi paykunaqa peleanqaku. Sillada tropakunatapas paykunaqa penqaymanmi churanqaku.

Zacarías 2:6

Tayta Diosmi kaynata nin: ¡Lluptiychik, lluptiychik! norte lawpi yachaqkuna. Ñoqam kay pachapi tukuy hinastinman cheqechirqaykichik. Tayta Diosmi chaynata nin.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Deuteronomio 32:26

Paykuna cheqerachiytam tantearqani, manaña yuyarisqa kanankupaq chinkarachiytam tantearqani.