2~Samuel 22:32 - CHUYA QELLQA La Biblia en Quechua de Ayacucho 2012

³² Diosnilláy, qamllam cheqap Diosqa kanki, qam hina waqaychakuqqa manam hukqa kanchu.

Quechua Ayacucho Bible 1987

³² Tayta Diosllam Diosqariki, manam hukqa kanchu. Payllam harkawaqninchikqa, hukqa manam kanchu.

Chuya Qellqa 1992

³² Diosnilláy, qamllam cheqap Diosqa kanki qam hina waqaychakuqqa manam hukqa kanchu.

2~Samuel 22:32 Iomraidhean Croise

2~Samuel 23:3

Israelpa Diosninmi rimarirqa, Israelta waqaychaq Diosmi niwarqa: Pipas allinta ruwaspa runakunata kamachiqmi, pipas Diosta kasukuspa runakunata kamachiqmi,

2~Samuel 7:22

Dios Taytalláy, ¡mayna hatunmi qamqa kanki! Qam hinaqa manam pipas kanchu. Uyarisqaykupi hinapas qanmanta sapaq Diosqa manam kanchu.

Isaías 44:6

Israelta reclamaq reymi, Tukuy Atiyniyuq Tayta Diosmi kaynata nin: Ñoqam kani ñawpaq kaqpas chaynataq qepa kaqpas, ñoqamanta huk Diosqa manam kanchu.

Isaías 44:8

Ama manchakuychikchu nitaq hukmanyaychikchu. ¿Manachu ñawpaqmantaraq yachayta qorqaykichik hinaspa willarqaykichik? Qamkunam testigoy kankichik. Ñoqallam Diosqa kani manam hukqa kanchu, Ñoqa hina hapipakunapaq sapaq diostaqa manam reqsinichu.

Isaías 45:21

Rimariychik hinaspa pruebakunata apamuychik, kikikichikpura tapunakuychik: ¿Pitaq ñawpaqmantaraq kaykunamanta rimarqa? ¿Manachum ñoqa Tayta Dios chaykunataqa willakurqani? Ñoqamanta sapaq Diosqa manam kanchu, ñoqa hina allin ruwaqqa manam kanchu, ñoqamanta hukqa manam pipas salvanchu.

Jeremías 10:16

Jacobpa Diosninmi ichaqa mana chaynachu, payqa tukuy ima unanchaqmi, Israelpa mirayninkunatam llaqtanpaq akllakurqa. Sutinpas Tukuy Atiyniyuq Tayta Diosmi.

Deuteronomio 32:31

Enemigonchikkunapa waqaychaqninkuqa manam waqaychaqninchik hinachu, chaytaqa enemigonchikkunapas allintam yachanku.

Deuteronomio 32:39

Kayta yachaychik: Ñoqallam Diosqa kani, ñoqamanta hukqa manam kanchu. Ñoqallam wañuchinipas ñoqallataqmi kawsachinipas, ñoqallam kirinipas ñoqallataqmi hampinipas, makiymantaqa manam pipas librakunmanchu.

Deuteronomio 4:35

Tayta Diosllam chaykunataqa qawachisurqankichik cheqap Dios kasqanta yachanaykichikpaq.

1~Samuel 2:2

Dios Taytalláy, ¡Qam hina chuyaqa manam pipas kanchu! ¡Qanmanta hukqa manam pipas kanchu! ¡Qam hina harkaykuwaqniyqa manam pipas kanchu.