2~Samuel 21:9 - CHUYA QELLQA La Biblia en Quechua de Ayacucho 2012

⁹ Paykunatam Gabaón llaqtayuqkunaman David qoykurqa, hinaptinmi Tayta Diospa qayllanpi huk moqopi warkururqaku. Chaytaqa cosecha tiempopim ruwarqaku, cebada rutuy qallarichkaptin.

Quechua Ayacucho Bible 1987

⁹ Paykunatamá David qoykurqa Gabaon llaqtayoqkunaman, hinaptinmi warkururqaku huk moqopi Tayta Diospa qayllanpi. Saulpa qanchisnintin mirayninkunamá wañururqaku punta kaq cosecha otaq cebada rutuy qallarichkaptin.

Chuya Qellqa 1992

⁹ Paykunatam Gabaón llaqtayuqkunaman David qoykurqa, hinaptinmi Tayta Diospa qayllanpi huk moqopi warkururqaku. Chaytaqa cosecha tiempopim ruwarqaku, cebada rutuy qallarichkaptin.

2~Samuel 21:9 Iomraidhean Croise

2~Samuel 21:6

Chaynaqa, Saulpa mirayninmanta qanchis qarikunata qowayku, hinaptin Saulpa llaqtan Gabaapi Tayta Diospa qayllanpi teqoramunaykupaq, nispanku. Chaymi rey David nirqa: Qosqaykichikmi, nispa.

2~Samuel 6:17

Tayta Diospa Arcanta chayarachispankum Davidpa hatarichisqan carpapa ukunman churaykurqaku. Davidmi Tayta Diospa qayllanpi lliw kañana sacrificiota ofrecerqa chaynataq Dioswan allinlla kasqankumanta ofrendakunatapas.

2~Samuel 6:21

Chaymi Micalta David nirqa: Arí, Tayta Diospa qayllanpim danzarqani, taytaykimantapas chaynataq llapallan mirayninkunamantapas, Israel runakunapi kamachikunaypaq akllawasqanrayku. Diospa qayllanpiqa aswanraqmi danzakusaq.

Éxodo 20:5

Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Tayta Diosllam Diosnikiqa kani. Manam munanichu sapaq dioskuna yupaychanaykitaqa, cheqniwaqniy runataqa tayta-mamanmanta qallaykuspam willkanpa willkankama castigasaq.

Éxodo 9:31

Linazatawan cebadatam paqwayta tukurun; cebadaqa espigayuqñam karqa, linazapas sisapiñam karqa.

Éxodo 9:32

Trigowan wakin kawsaykunam ichaqa allinlla qeparun, qepa tarpuyña kasqanrayku, nispa.

Números 25:4

Hinaspam Moisesta nirqa: Llapa kamachiqninkunata huñuruspa lliw runapa qawasqanta ñoqa Tayta Diospa qayllaypi punchaw pacha warkurariy, chaynapim Israel runakunapa contranpi piñakuyniy taninqa, nispa.

Deuteronomio 21:22

Sichum pitapas mana allin ruwasqanmanta sachapi warkuruptikichik wañuruptinqa,

Rutwan Sutichasqa Libro 1:22

Chaynatamá Noemí kutimurqa Moab llaqtayuq llumchuynin Rutpiwan. Moab lawmanta lloqsimuspam Belén llaqtaman chayarurqaku cebada rutuy qallarichkaptin.

1~Samuel 15:33

Samuelmi ichaqa nirqa: Espadaykiwanmi achkallaña warmikunapa wawanta wañuchirqanki, chaynapunim mamaykipas manaña wawayuq kanqa. Chaynata nispanmi Agagta Samuel wañurachirqa Gilgal llaqtapi, Tayta Diospa ñawpaqninpim chika-chikanta kuchuparurqa.