2~Samuel 21:7 - CHUYA QELLQA La Biblia en Quechua de Ayacucho 2012

⁷ Saulpa willkan Mefi-bosettam ichaqa mana qorqachu, Mefi-bosetpa taytan Jonatanwan Tayta Diospa qayllanpi juramentota ruwanakusqanrayku.

Quechua Ayacucho Bible 1987

⁷ Saulpa willkan otaq Jonatanpa churin Mefi-boset runatam ichaqa mana qoykurqachu Saulpa churin Jonatanwan juramento rurasqanrayku.

Chuya Qellqa 1992

⁷ Saulpa willkan Mefi-bosettam ichaqa mana qorqachu, Mefi-bosetpa taytan Jonatanwan Tayta Diospa qayllanpi juramentota ruwanakusqanrayku.

2~Samuel 21:7 Iomraidhean Croise

2~Samuel 16:4

Reyñataqmi nirqa: Kunanqa Mefi-bosetpa tukuy ima kapuqninpas qampaqñayá kachun, nispa. Chaymi Sibaqa reypa qayllanpi qonqoraykuspa nirqa: Reynilláy, munasqayki ruwasqa kachun, nispa.

2~Samuel 19:25

Reyta chaskinanpaq Jerusalenman riptinmi, rey nirqa: Mefi-boset ¿imanasqataq mana ñoqawanchu rirqanki? nispa.

2~Samuel 4:4

Saulpa churin Jonatanpam karqa mana puriy atiq churin Mefi-boset sutiyuq. Mefi-boset pichqa watayuq kachkaptinmi Jezreel llaqtamanta Saulpa hinaspa Jonatanpa wañukusqanku noticia chayaramurqa, hinaptinmi Mefi-bosetpa uywaqnin warmi qepirikuspa utqayman ayqechkaspan chay wawata pampaman kachaykurqa, chaymantapunim suchuña rikurirurqa.

2~Samuel 9:1

Huk punchawmi David tapukurqa: ¿Pillapas Saulpa mirayninmanta puchurqachu Jonatanrayku yanapaykunaypaq? nispa.

2~Samuel 9:10

Qanmi churikikunapiwan hinaspa serviqnikikunapiwan allpanta llamkapunki, cosechanta hoqarispaykim patronnikipa ayllunkuna mikunankupaq waqaychanki. Patronnikipa willkan Mefi-bosetmi ichaqa ñoqawan kuska tukuy tiempo mikunqa, nispa. Sibapa churinkunam karqa chunka pichqayuq, serviqninkunañataqmi karqa iskay chunka.

2~Samuel 9:6

Saulpa willkan Jonatanpa churin Mefi-bosetmi Davidpa kasqanman chayaramuspan paypa qayllanpi qonqoranpa kumuykurqa. Chaymi David nirqa: ¡Mefi-boset! nispa. Payñataqmi nirqa: Ñoqam kani kamachiwanaykipaq, nispa.

2~Samuel 9:7

Chaymi David nirqa: Ama manchakuychu. Ñoqam taytayki Jonatanrayku yanapaspay abueloyki Saulpa llapa allpanta kutichipusqayki, qamñataqmi ñoqawan kuska tukuy tiempo mikunki, nispa.

Eclesiastés 8:2

Reyta kasukuy, chaynatam Diospa qayllanpi jurarqanki.

1~Samuel 18:3

Jona-tanwan Davidñataqmi contratota ruwar-qaku juramentomanta wiñaypaq amigo kanankupaq.

1~Samuel 20:12

Chaypim Davidta Jonatán nirqa: Israelpa yupaychasqan Tayta Diosraykum niki, mincha punchaw kay horatam taytayta tapusaq paypa imam ruway munasusqaykita yachanaypaq. Qampaq allinlla kaptinqa willachimusqaykim.

1~Samuel 20:15

amam aylluykunata qonqarunkichu, enemigoykikunata kay pachamanta Tayta Dios chinkarachiptinpas, llakipayariykuspam imallapipas yanapaykunki, nispa.

1~Samuel 20:17

Chaymi Jonatanwan David huktawan jurarqaku. Jonatanmi Davidta kikinta hina kuyarqa.

1~Samuel 20:42

Chaymantam Davidta Jonatán nirqa: Hawkalla pasakuy, Tayta Diospa sutin-pim jurarqanchik kaynata nispa: Diosmi testigo wiñaypaq amigo kasqanchikmanta chaynataq mirayninchikkunawanpas, nispa. David pasakuptinmi Jonatanpas llaqtaman kutikurqa.

1~Samuel 20:8

Chayna kaptinqa, ama hina kaspam kay mañakusqayta ruwaykuwanki, qanwan ñoqaqa Tayta Diospa qayllanpim jurarqanchik: Sichum huchay kaptinqa qampuni wañurachiway, ama taytaykipa ñawpaqninmanraqchu pusaway, nispa.

1~Samuel 23:18

Chaypim iskayninku Diospa qay-llanpi contratota ruwarqaku, chaymantam wasinman Jonatán kutikur-qa, Davidñataqmi Horespi qeparur-qa.

1~Samuel 24:22

David juraykuptinmi wasinman Saúl kutikurqa, Davidñataqmi runankunawan pakakunan machayman pasakurqa.