2~Samuel 21:6 - CHUYA QELLQA La Biblia en Quechua de Ayacucho 2012

⁶ Chaynaqa, Saulpa mirayninmanta qanchis qarikunata qowayku, hinaptin Saulpa llaqtan Gabaapi Tayta Diospa qayllanpi teqoramunaykupaq, nispanku. Chaymi rey David nirqa: Qosqaykichikmi, nispa.

Quechua Ayacucho Bible 1987

⁶ Chaynaqa Saulpa mirayninmantayá qanchis runakunata makiykuman churamuy hinaptinmi ñoqayku warkumusaqku Tayta Diospa akllasqan Rey Saulpa llaqtanpi otaq Gabaa llaqtapi —nispa. Chaymi rey “arí” nirqa.

Chuya Qellqa 1992

⁶ Chaynaqa, Saulpa mirayninmanta qanchis qarikunata qowayku, hinaptin Saulpa llaqtan Gabaapi Tayta Diospa qayllanpi teqoramunaykupaq, nispanku. Chaymi rey David nirqa: Qosqaykichikmi, nispa.

2~Samuel 21:6 Iomraidhean Croise

Génesis 40:19

Kimsa punchawmantam Faraón pusachisunki, hinaspam kunkaykimanta sachaman warkuchisunki, chaymi alton pawaq animalkuna aychaykita mikunqa, nispa.

Génesis 40:22

Panaderokunapa kamachiqnintaña-taqmi Joseypa nisqanman hina warkurachirqa.

2~Samuel 17:23

Ahitofelñataqmi consejasqanta Absalón mana kasukuptin, asnonta caronaykuspa llaqtanpi wasinman ripukurqa. Hinaspam llapa imanta allicharuspa, teqokuruspan wañururqa, chaymi abuelonpa sepulturanpi pamparurqaku.

2~Samuel 18:10

Chaytam huk runa rikuruspan Joabman willarqa: Absalontam encina sachapi warkurayachkaqta rikuramuni, nispa.

2~Samuel 19:28

Taytaypa llapallan ayllunkuna qampa qayllaykipi wañunaykupaq kachkaptiykupas, qanmi kay serviqnikita qanwan kuska mikunaypaq convidawarqanki. Chaynaqa, reynilláy, ¿imataraqtaq masta reclamaykiman? nispa.

1~Crónicas 12:3

Ahiezermi kamachiqninku karqa, qepanmanmi qatirqa Joás, paykunam karqaku Gabaa llaqtayuq Semaapa churinkuna; Azmavetpa churinkuna Jezielwan Pelet; Anatot llaqtayuq Beracawan Jehú,

Esdras 6:11

Sichum pipas kay kamachikusqayta mana kasukuptinqa, wasinmanta qeruta hurqospa chaypi warkuspa wañuchichunku. Wasintapas tuñichispa purmachichunku.

Ester 9:10

Paykunam karqaku judiokunapa enemigon Hame-datapa churin Amanpa chunkantin churinkuna; llapa kapuqninkutam ichaqa mana imanarqakuchu.

Mateo 27:5

Chaymi Judasñataq qollqeta templopi chamqarurqa, hinaspanmi chaymanta pasaspan warkukaramurqa.

Hechos 13:21

Chaymantam reyta mañakuptinku, Dios qorqa Benjamín ayllumanta kaq Saulta, tawa chunka wata paykunata kamachinanpaq.

Deuteronomio 21:22

Sichum pitapas mana allin ruwasqanmanta sachapi warkuruptikichik wañuruptinqa,

Josué 10:26

Chaynata niruspanmi chay reykunata Josué wañurachirqa, hinaspam tardeykuqkama pichqa sachakunapi warkurachirqa.

Josué 8:29

Hai llaqtapa reynintañataqmi, chay punchaw tardeykunankama sachapi Josué warkururqa. Inti seqaykuytañam kamachirqa ayanta sachamanta hurqospa llaqtapa punkunman wischumunankupaq. Wischuykuspam rumita montorurqaku. Chay rumikunaqa hinallam kunankamapas montorayachkan.

1~Samuel 10:1

Chaypim Saulpa umanman aceiteta Samuel talliykurqa, hinaspam muchaykuspan nirqa: Tayta Diosmi kunan churaykusunki Israel runakunapi munaychakuq kanaykipaq

1~Samuel 10:24

Samuelmi llapallan runakunata tapurqa: ¿Qawachkankichikchu reynikichikpaq Tayta Dios akllasqanta? ¡Qamkuna ukupiqa manam pipas kanchu pay hinaqa! nispa. Hinaptinmi runakuna kusikuymanta qaparirqaku: ¡Kawsachun reyninchik! nispanku.

1~Samuel 10:26

Saulpas kutikurqataqmi Gabaa llaqtapi wasinman, paywantaqmi rirqaku Diospa kallpanchasqan peleay yachaq qarikunapas.

1~Samuel 11:4

Chay noticia willakuqkunam Saulpa yachasqan Gabaa llaqtaman chayarurqaku, chaypi llapa runakunaman willaykuptinkum qapariyllawanña waqarqaku.

1~Samuel 24:21

Chaynaqa, David, Tayta Diospa sutinpiyá juraykuway mirayniykunatapas nitaq aylluykunatapas ama puchukarachinaykipaq, nispa.

1~Samuel 24:22

David juraykuptinmi wasinman Saúl kutikurqa, Davidñataqmi runankunawan pakakunan machayman pasakurqa.