2~Samuel 21:16 - CHUYA QELLQA La Biblia en Quechua de Ayacucho 2012

¹⁶ Chaymi hatunkaray runakunapa mirayninmanta kaq Isbi-benob Davidta wañurachiyta munarqa. Chay runapa lanzanpa broncemanta puntanmi kimsa kilo masninta llasarqa, weqawninpipas musoq espadatam aparqa.

Quechua Ayacucho Bible 1987

¹⁶ hinaptinmi Davidta wañurachiypi rirqa hatunkaray runakunapa castan Isbi-benob sutiyoq runa. Chay runapa broncemanta lanzanmi llasarqa kimsa chunka kilo masninta, weqawninpipas aparqataqmi mosoq espadata.

Chuya Qellqa 1992

¹⁶ Chaymi hatunkaray runakunapa mirayninmanta kaq Isbi-benob Davidta wañurachiyta munarqa. Chay runapa lanzanpa broncemanta puntanmi kimsa kilo masninta llasarqa, weqawninpipas musoq espadatam aparqa.

2~Samuel 21:16 Iomraidhean Croise

Génesis 14:5

Chaymi qatiqnin watapiñataq rey Quedorlaomer hamurqa paywan huklla kaq reykunapiwan, hinaspam Astarot Karnaim llaqtapi Refaim runakunata vencerurqaku, Zuz runakunatañataqmi Ham llaqtapi vencerurqaku, Em runakunatañataqmi Save-quiriataim llaqtapi vencerurqaku.

Génesis 6:4

Diospa churinkuna llapa runakunapa warmi churinkunawan casarakuptinkum, churinku nacemurqa paykunam karqaku llumpay hatun sayayniyuq runakuna. Paykunaqa ñawpaqmantapacham ancha reqsisqa hinaspa guerrapi peleaq kallpasapa runakuna karqaku.

2~Samuel 21:18

Gob lawpim llapa filisteokunawan yapamanta guerra karqa, chaymi Husa castamanta kaq Sibecai wañurachirqa hatunkaray runakunamanta Saf sutiyuq runata.

2~Samuel 21:20

Kaqllamantam filisteokunawan Gat llaqtapi guerra hatarirqa, chaypim karqa huk hatunkaray runa, makinpipas chakinpipas soqta dedoyuq, llapanpiqa iskay chunka tawayuq dedonkunam karqa; payqa karqa hatunkaray runakunapa castanmi.

2~Samuel 21:22

Chay tawankum Gat llaqtayuq Rafa sutiyuq runapa miraynin karqaku. Paykunatam Davidwan soldadonkuna wañurachirqaku.

2~Samuel 5:18

Filisteokunam hamuruspanku Refaim qechwapi samarurqaku.

Números 13:22

Neguev lawman rispankum Hebrón llaqtakama chayarurqaku. Chaypim yacharqaku Ahimán, Sesai hinaspa Talmai; paykunaqa karqaku Anacpa mirayninkunam. Hebrón llaqtaqa hatarichisqa karqa Egipto nacionpi Zoán llaqtapa qanchis wata ñawpaqnintaraqmi.

Números 13:28

Ichaqa chay allpapi yachaq runakunam kallpasapakuna kasqaku, llaqtankupas hatun murallayuqkamam kasqa, hatunkaray Anacpa churinkunatapas chaypim rikuramuniku.

Deuteronomio 1:28

Kunanqa, ¿maymantaq risunchik? Chay allpata qawamuq llaqtamasinchikkunam kaynata willakuspa sonqonchikta hukmanyarachin: Chay allpapiqa ñoqanchikmantapas aswan kallpasapa hatunkaray runakunam kasqaku, llaqtakunapa murallankunapas alto-altom kasqa. Hatunkaray Anacpa mirayninkunatapas rikuramunikum, nispanku. “Chay willakuymi pasaypaqta hukmanyarachiwanchik”, nispaykichik.

Deuteronomio 2:10

(Ñawpaqtam chay allpapi Em casta runakuna yacharqaku, paykunaqa kallpasapa hinaspa achkallañam karqaku, Anacpa mirayninkuna hina hatunkaray runakunam karqaku.

Deuteronomio 2:11

Wakin runaku-nam hapirqaku chay hatunkaray runakunaqa Refaim castakuna kasqanta, Moab runakunam ichaqa Em castakunawan suticharqaku.

Deuteronomio 2:21

Chay llaqtaqa achkallaña runayuq hatun llaqtam karqa. Ru-nankunapas Anacpa churinkuna hina hatunkaray runakunam karqaku. Payku-natam llapa amonitakunawan Tayta Dios tukurachirqa, chaynapim amonitakunaña chaypi yachachkanku.

Deuteronomio 3:11

(Refaitakunamantaqa Basán nacionpa reynin Ogllañam puchururqa. Paypa catrenmi fierromanta tawa metro sayayniyuq hinaspa yaqa iskay metro anchoyuq karqa. Amonpa mirayninkunapa Rabá llaqtanpim chay catreqa hinallaraq kachkan).

Deuteronomio 9:2

yachasqaykichikpi hinapas chay llaqtakunapa runankunaqa anaceokuna hina hatunkaray runakunam, uyarirqankichiktaqmi: “¿Anacpa mirayninkunawanqa pitaqsi peleanman?” nisqankutapas.

Josué 11:22

Israelpa mirayninkunapa yachanan allpapiqa manam Anac castakunamantaqa chullapas puchurqachu; aswanqa Gaza llaqtapi, Gat llaqtapi chaynataq Asdod llaqtapi kaqkunallañam puchururqaku.

Josué 15:14

Hebrón llaqtamantam Caleb qarqorqa Anacpa kimsa churinkunata. Paykunam karqa: Sesai, Ahimán hinaspa Talmai.

1~Samuel 17:7

Chay lanzapa cabonmi karqa telarpa qerunkuna hina, puntanpi fierronpas soqta kilo masnintam llasarqa. Goliatpa harkachikunan escudo apaqñataqmi ñawpaqninta rirqa.