2~Samuel 21:10 - CHUYA QELLQA La Biblia en Quechua de Ayacucho 2012

¹⁰ Chaymi Ajapa churin Rizpa, luto pachata rumikunapa hawanpi mastaykuspa chaypi waqtapaykurqa, hinaspam cosecha qallariymanta poqoy para chayamunankama ayakunata cuidarqa. Punchawmi alton pawaq animalkuna mikurunanmanta cuidarqa, tutanñataqmi purun animalkunamanta.

Quechua Ayacucho Bible 1987

¹⁰ Ajapa warmi churin Rizpam yana telamanta karpata rurakururqa hatun rumipa hawanpi hinaspam cosecha qallariyninmantapuni cuidarqa loco para ayakunapa hawanman chayamunankama. Punchawpipas manam dejarqachu alton pawaq animalkuna ayakuna mikurunanta nitaqmi tutapipas dejarqachu purun animalkuna mikurunanta.

Chuya Qellqa 1992

¹⁰ Chaymi Ajapa churin Rizpa, luto pachata rumikunapa hawanpi mastaykuspa chaypi waqtapaykurqa, hinaspam cosecha qallariymanta poqoy para chayamunankama ayakunata cuidarqa. Punchawmi alton pawaq animalkuna mikurunanmanta cuidarqa, tutanñataqmi purun animalkunamanta.

2~Samuel 21:10 Iomraidhean Croise

Génesis 40:19

Kimsa punchawmantam Faraón pusachisunki, hinaspam kunkaykimanta sachaman warkuchisunki, chaymi alton pawaq animalkuna aychaykita mikunqa, nispa.

2~Samuel 21:11

Saulpa churiwachan Rizpa imam ruwasqanta Davidman willaykuptinkum

2~Samuel 3:7

Saulpam karqa uywanakusqan Rizpa sutiyuq warmin, paymi karqa Ajapa churin. Paywanmi Abner puñururqa. Chaymi Abnerta Is-boset nirqa: ¿Imanasqataq taytaypa uywanakusqan warmiwan puñururqanki? nispa.

1~Reyes 21:27

Chaykunata uyariykuspanmi Acabqa pachanta llikiparurqa, hinaspam qachqa pachawan churakuruspa ayunarqa. Hina chay qachqa pachantillanmi puñurqapas, hinaspam llakisqallaña purirqa.

Jeremías 14:22

¿Yaqachu huklaw nacionkunapa idolonkuna parachimunman? ¿Yaqachu cielokunapas kikillanmanta paramunman? Dios Taytalláy, qamllam parachimuqqa kanki, ñoqaykuqa qamllapim hapipakuniku, qamllam tukuy chaykunataqa ruwanki, nispa.

Ezequiel 39:4

Chaynapim qamqa llapallan tropaykikunapiwan hinaspa qanwan hamuq nacionkunapiwan Israel nacionpa orqonkunapi wañunkichik, chaypim qamkunata alton pawaq animalkunaman hinaspa purun animalkunaman mikusunaykichikpaq qoykusqaykichik.

Oseas 6:3

Tayta Diosta reqsiypi kallpanchakusun, tutapay inti kancharimuq hinaraqmi payqa ñoqanchikman lloqsirimunqa. Yapuy parawan poqoy para hinraqmi ñoqanchikman chayaykamunqa, nispanku.

Joel 1:18

Mikuymantam uywakunapas waqachkanku, vacakunapas mikunankupaq mana kaptinmi muspaypi hinaña purillachkanku, ovejakunapas yarqaymantam ñakarillachkanku.

Joel 2:23

Sión moqopi yachaqkuna, Diosnikichikpi kusikuychik, payqa yapuy paratapas tiempollanpim qosunkichik, yapuy paratapas poqoy paratapas ñawpaqpi hinam tiempollanpi qosunkichik.

Zacarías 10:1

Tayta Diosmanta poqoy parata mañakuychik, hinaptinqa yana puyukunata hatarichiq Diosmi sinchi parata qomususpaykichik allpaykichiktapas ruruchinqa.

Deuteronomio 11:14

paymi tarpuy paratapas chaynataq poqoy paratapas tiempollanpi allpaykichikman parachimunqa, qamkunañataqmi kawsaykunata, vinota hinaspa aceiteta cosechankichik.

Deuteronomio 21:13

Presochachikusqan pachantapas mudakuspanmi qaripa wasinpiña yachanqa. Tayta-mamanmantam huk killatapuni lutokunqa. Chaymantañam chay qari paywan casarakunqa chaynapim paypas warminña kanqa.

Deuteronomio 21:22

Sichum pitapas mana allin ruwasqanmanta sachapi warkuruptikichik wañuruptinqa,

Deuteronomio 21:23

amam chaypiqa tukuy tutaqa cuerponta saqerunkichikchu, aswanqa chay punchawllam pamparunkichik. Sachapi warkusqa wañuq runaqa Diospa ñakasqanmi. Señornikichik Tayta Diospa qosusqaykichik allpataqa amam millakuypaqtaqa ruwankichikchu.

1~Samuel 17:44

nirqa: ¡Asuykamuway! Aychaykita alton pawaq animalkunaman chaynataq purun animalkunaman qonaypaq, nispa.

1~Samuel 17:46

Tayta Diosmi kunanpuni qamta makiyman churanqa, wañurachispaymi umaykitapas qorusaq; hinaspam Filistea tropakunapa aychantañataq alton pawaq ankakunamanwan purun animalkunaman qarasaq. Chaynapim lliw runakuna Israel nacionpi Dios kasqanta yachanqaku.