2~Samuel 20:9 - CHUYA QELLQA La Biblia en Quechua de Ayacucho 2012

⁹ Chaymi Amasata rimaykuspan Joab nirqa: ¿Hawkallachu kachkanki wawqelláy? nispa. Alleq makinwanmi barbanmanta hapiykurqa muchaykunanpaq.

Quechua Ayacucho Bible 1987

⁹ Joabmi Amasata rimaykuspan nirqa: —¿Hawkallachu kachkanki wawqelláy? —nispa. *f**Alleq makinwanmi barbanmanta hapiykurqa muchaykunanpaq.

Chuya Qellqa 1992

⁹ Chaymi Amasata rimaykuspan Joab nirqa: ¿Hawkallachu kachkanki wawqelláy? nispa. Alleq makinwanmi barbanmanta hapiykurqa muchaykunanpaq.

2~Samuel 20:9 Iomraidhean Croise

2~Samuel 15:5

Chaymi pipas Absalonpa ñawpaqninpi qonqorakunanpaq asuykuptinqa makinta haywarispan abrazaykuspan muchaykuq.

2~Samuel 17:25

Absalonmi tropankunapa kamachiqnin Joabpa rantinpi Amasata churarurqa. Amasaqa karqa Ismael casta Itrapa churinmi, mamanñataqmi karqa Nahaspa wawan Abigail. Nahasqa karqa Joabpa maman Sarviapa ñañanmi.

2~Samuel 18:29

Hinaptinmi rey tapurqa: ¿Allinllachu churiy Absalón kachkan? nispa. Ahimaasñataqmi nirqa: Joab kachamuwachkaptinmi achkallaña runakuna huñunakuruspa chaqwakuchkaqta rikurqani, ichaqa manam ima pasakusqantapas yacharqanichu, nispa.

2~Samuel 3:27

Hebrón llaqtaman Abner kutiramuptinmi llaqtapa punkunpa huklawninman Joab pusarurqa mana pipa uyarisqanta rimanankupaq, ichaqa espadawan wiksanpi tuksiruspanmi wañurachirqa, wawqen Asael wañurachisqanmanta vengakuspa.

1~Reyes 2:32

Tayta Diosmi runakuna wañuchisqanmanta castiganqa, Joabqa taytay Davidpa mana yachasqantam allin sonqoyuq runakunata, Israelpa tropankuna kamachiq Nerpa churin Abnertawan Judapa tropankuna kamachiq Jeterpa churin Amasatapas wañurachirqa.

Proverbios 26:23

Qollqewan bañasqa allpa manka hinam, mana allin sonqoyuq runapa miskillaña rimayninqa.

Proverbios 27:6

Amigoqa kuyasuspaykim nanaypaq qaqchaykusunki, cheqnisuqnikipa muchaykususqaykim ichaqa pantachisuqniki.

Jeremías 41:2

Netaniaspa churin Ismaelqa qonqaymanta hatarispan chunkantin runankunawan, Safanpa willkan otaq Ahicampa churin Gedaliasta espadawan wañurachirqa. Chaynatam Babilonia nacionpi reypa churasqan kamachikuqta wañurachirqaku.

Miqueas 7:2

Llakipayakuq runakunam kay pachapi tukurun, allin ruwaq runakunam chinkarun. Llapallankum wañuchinakuyta maskanku, runamasinta wichichinanpaqmi toqllata churanku.

Jueces 3:15

Israelpa mirayninkuna qaparispa Tayta Diosta mañakuptinkum libraqninkuta hatarichirqa, chay libraqninkum karqa Benjamín ayllumanta kaq Gerapa churin Aod. Payqa ichoq makinwanmi imatapas ruwaq. Paywanmi Moabpa reynin Eglonman Israelpa mirayninkuna impuestota apachirqaku.