2~Samuel 20:19 - CHUYA QELLQA La Biblia en Quechua de Ayacucho 2012

¹⁹ Kay llaqtapi kaqkunaqa hawkalla kawsakuq runakunam kaniku chaynataq reypa qatiqnin runakunam. Ichaqa qanmi kay llaqtata chinkarachiypi richkanki. ¿Imanasqataq Tayta Diospa herencianta tuñichiyta munanki? nispa.

Quechua Ayacucho Bible 1987

¹⁹ Kay llaqtapi kaqkunaqa kaniku hawkalla kawsakuq runakunam chaynataq reypa qatiqnin runakunam. Ichaqa qanmi kay llaqtata chinkarachiypi richkanki. ¿Imanasqamá Tayta Diospa herenciantaqa tuñichiyta munanki? —nispa.

Chuya Qellqa 1992

¹⁹ Kay llaqtapi kaqkunaqa hawkalla kawsakuq runakunam kaniku chaynataq reypa qatiqnin runakunam. Ichaqa qanmi kay llaqtata chinkarachiypi richkanki. ¿Imanasqataq Tayta Diospa herencianta tuñichiyta munanki? nispa.

2~Samuel 20:19 Iomraidhean Croise

Génesis 18:23

Chaymi Abrahamqa Diosman asuykuspa tapurqa: ¿Allin ruwaq runakunatapas mana allin runakunatawan kuskatachu puchukarachinki?

2~Samuel 14:16

Uyariykuwaspaykiqa wawaytawan kuskatam libraykuwanki Diospa herencia qowasqankumanta chinkarachiy munawaqniy runamanta.

2~Samuel 17:16

Chaynaqa, utqayman Davidman willachimuychik: Chunniqpi ama qepaykuspa Jordán mayuta chimpay, mana chayqa reypas llapallan paywan kaqkunapas wañuchisqam kanmanku, nispa.

2~Samuel 20:18

Chaymi yapamanta chay warmi nirqa: Ñawpaq tiempopim kaynata rimaqku: “Pipas tapukuy munaqqa Abel llaqtapi tapukuchun”, nispanku. Chaynatam ima sasachakuytapas arreglaqku.

2~Samuel 20:20

Joabñataqmi nirqa: Chaytaqa manam piensayllapas-pien-sanichu, manam tuñichisaqchu nitaqmi purmachisaqchu.

2~Samuel 21:3

nirqa: ¿Imatataq qamkunapaq ruwayman Saúl contraykichikpi daño ruwasusqaykichikmanta Tayta Diospa llaqtanta bendecinaykichikpaq? nispa.

1~Reyes 8:53

Señorllayku, Dios Taytallayku, qanmi kay pachapi llaqtakunamanta paykunata herenciayki kananpaq rakirqanki. Chaynatam serviqniki Moisesnintakama nirqanki ñawpaq taytaykuta Egipto nacionmanta hurqomuspayki, nispa.

Jeremías 51:34

Sión llaqtam kaynata nin: Babiloniapa reynin Nabucodonosormi ñutuparuwaspan mikuruwarqa, mana imayuq platota hinam saqeruwarqa, rakrapu hinam millpuruwarqa, ñoqawan wiksanta huntarachispanmi atqoruwarqa.

Jeremías 51:44

Bel idolotam Babiloniapi castigasaq, imapas millpusqankunatam atqochisaq, nacionkunapas manañam paymanqa hamunqakuñachu. Babiloniapa murallankunam tuñichisqa kanqa.

Lamentaciones 2:16

Enemigoykikunam contraykipi rimanku, burlakususpaykim kirunkuta kirichichisparaq ninku: Paytaqa ¡millpurusunchikmi! ¡Cheqaptapunim suyasqanchik punchaw chayaramun! ¡Kayqaya rikurunchikraq! nispanku.

Lamentaciones 2:2

Señorqa mana llakipayarispam Jacobpa wasinkunata tuñirachin, piñakuywanmi Judá nacionpa sumaq perqankunata tuñirachin, kamachikuqkunapa munaychakuynintam penqayman churarun.

Lamentaciones 2:5

Señorqa enemigo hinam ruwarun: Israeltam palacionkunatawan lliwta tuñirachirqa, muyuriqninpi murallankunatam purmarachirqa. Kuyayllapaq Judá naciontam ñakarichispan waqachirqa.

Números 16:32

Hinaspam Coreyta, ayllunkunata, tukuy kapuqninkunata chaynataq paywan kuska kaq llapallan runakunatapas millpururqa.

Números 26:10

Chaymi allpa kichakuykuspan Datantawan Abiramta chaynataq Coreytapas millpururqa. Chaypitaqmi iskay pachak pichqa chunka runakunapas ninapa rupasqan wañururqaku. Chayqa pasakurqa hamuq punchawkunapi chaynata mana pipas hatarinanpaqmi.

1~Corintios 15:54

Kay tukuruqlla cuerponchikmi mana tukuqmanña pachakunqa, kay wañuqlla cuerponchik manaña wañuqwan pachakuruptinña-taqmi Qellqapa kayna nisqan cumpli-kunqa: “Wañuyqa vencesqañam kachkan,

2~Corintios 5:4

Kay wasillanchik-piraq otaq cuerpollanchikpiraq kawsas-paqa ancha llakisqam kachkanchik, ichaqa pachanchik llatanarachikuytaqa manachá munachwanchu, aswanqa pachapasqa kaytam munachwanqa, chaynapi wañuyta kawsay vencerunanpaq.

Deuteronomio 20:10

Sichum hukkaqnin llaqtaman peleanaykichikpaq rispaqa, manaraq peleachkaspam hawkalla yaykunaykichikpaq rimapayankichik.

Deuteronomio 32:9

Tayta Diospa herencianqa runankunallam, paypa herencianqa Jacobpa mirayninkunallam.

1~Timoteo 2:2

Mañakunaykichiktaqmi lliw reykunapaqwan kamachikuqkunapaqpas, chaynapi allinlla, hawkalla, allin sonqoyuq hinaspa allinpaq qawasqa kawsananchikpaq.

Jueces 5:7

Israelpi taksa llaqtakunapas saqesqam karqaku, chaynaqa karqaku ñoqa Débora hatarinaykamam, Israelpa maman hinam hatarirqani.

1~Samuel 10:1

Chaypim Saulpa umanman aceiteta Samuel talliykurqa, hinaspam muchaykuspan nirqa: Tayta Diosmi kunan churaykusunki Israel runakunapi munaychakuq kanaykipaq

1~Samuel 26:19

Reynilláy, kay serviqni-kipa mañakuyninta uyariykullaway. Sichum Tayta Dios ñoqapa contraypi hatarichisuspaykiqa ofrendayta chaskiykuwachun. Sichum runallamanta kaptinqa Tayta Diosyá ñakawachun. Diospa allpanmantam qarqoruwanku, chaynata ruwaspam idolokunata servinaypaqña tanqawachkanku.