2~Samuel 2:26 - CHUYA QELLQA La Biblia en Quechua de Ayacucho 2012

²⁶ Chaymi Joabta qayaspan Abner nirqa: ¿Tukuy tiempochu wañuchinakuyllapi kasun? ¿Manachu yachanki kayqa llakiman apawasqanchikta? ¿Haykapikamataq runaykikunata mana kamachinkichu wawqenkuta amaña qatikachanankupaq? nispa.

Quechua Ayacucho Bible 1987

²⁶ Abnermi Joabta qayaspan nirqa: —¿Tukuy tiempochu wañuchinakuyllapi kasun? ¿Manachu yachanki llumpay llakillapi kananchikta? ¿Haykapikamataq runaykikunataqa mana kamachinkichu wawqenkuta amaña qatikachanankupaq? —nispa.

Chuya Qellqa 1992

²⁶ Chaymi Joabta qayaspan Abner nirqa: ¿Tukuy tiempochu wañuchinakuyllapi kasun? ¿Manachu yachanki kayqa llakiman apawasqanchikta? ¿Haykapikamataq runaykikunata mana kamachinkichu wawqenkuta amaña qatikachanankupaq? nispa.

2~Samuel 2:26 Iomraidhean Croise

2~Samuel 11:25

Chaymi willakuqta David nirqa: Kallpanchaspayá Joabta nimuy: “Ama llakikuychu, guerrapiqa pipas wañunmi. Aswanraqyá chay llaqtata atacaychik chinkachinaykichikkama”, nispa.

2~Samuel 2:14

Chaymi Joabta Abner nirqa: Joven soldadonchikkuna lloqsispanku ñawpaqninchikpi peleachunku, nispa. Joabñataqmi nirqa: Allinmi, nispa.

2~Samuel 2:16

Chaymi sapakama enemigonwan umankumanta hapinakuruspanku espadankuwan waqtankupi tuksinakururqaku, chaynapim llapallanku wañururqaku. Chayraykum chay lugarta “Helcat-hazurim”, nispa suticharqaku. Chay lugarqa Gabaonpim tarikun.

2~Samuel 2:25

Benjaminpa mirayninkunañataqmi Abnerwan huñunakuruspanku orqopa puntanpi huk tropa hinallaña churakururqaku.

2~Samuel 2:27

Hinaptinmi Joab nirqa: Tayta Diosraykum jurayki, mana rimariykamuptikiqa achikyanankamam runaykuna sapakama wawqenkuta qatikachanmanku karqa, nispa.

Jobwan Sutichasqa Libro 18:2

¿Haykapitaq rimasqaykichikmanta upallankichik? Allintaraq tanteakuychik, chaymantaña rimarisunchik.

Jobwan Sutichasqa Libro 19:2

¿Haykapikamataq qamkuna llakichiwankichik? ¿Haykapikamataq rimasqaykichikwan hukmanyachiwankichik?

Proverbios 17:14

Qocharayaq yakuta kachaykuq runa hinam piñanakuyta qallarichiq runaqa, manaraq imapas kachkaptin chaymantaqa ayqekuy.

Isaías 1:20

Mana kasuwaspaykichikmi ichaqa guerrawan tukusqa kankichik. Tayta Diosmi chaynata nin.

Jeremías 12:12

Tukuy chunniq orqonkunatam tuñichikuq runakuna hamurqaku, Ñoqa Tayta Diosmi kay pachata kuchun-kuchun tukusaq, manam pipaqpas hawkayay kanqachu.

Jeremías 2:30

Yanqapaqmi miraynikichikkunatapas castigarqani, paykunaqa manam corregikuyta munarqakuchu. Imaynam león wañuchin runakunata, chaynam profetaykunata espadawan wañuchirqankichik.

Jeremías 4:21

¿Haykapikamataq banderata qawasaq? ¿Haykapikamataq trompeta waqaqta uyarisaq?

Jeremías 46:10

Tukuy Atiyniyuq Tayta Diospa punchawniymi chay punchawqa, chay punchawpim enemigonkunamanta vengakunqa. Espadam runakunata aminankama wañuchinqa, yawarninkuwanmi sinkanqa. Norte law nacionpim, Eufrates mayupa hichpanpim Tukuy Atiyniyuq Tayta Dios wañuchinqa.

Jeremías 46:14

Egiptopi willakamuychik. Migdol, Menfis hinaspa Tafnes llaqtakunaman kaynata nimuychik: ¡Puestoykichikpi listolla kaychik! ¡Espadam muyuriqnikichikpi wañuchichkan! nispaykichik.

Oseas 11:6

Llaqtaykikunapas guerrapa tukusqanmi kanqa, runaykikunatapas enemigoykikunam wañuchinqa, mana allin tanteasqaykikunapas chaypim tukunqa.

Hechos 7:26

Paqarinnintin punchawñataqmi Moisés tarirurqa Israelpa mirayninkunamanta iskay runakuna maqanakuchkaqta, rakinayta munaspanmi nirqa: “Qamkunaqa wawqentinmi kankichik, ¿imanasqataq maqanakuchkankichik?” nispa.