2~Samuel 2:18 - CHUYA QELLQA La Biblia en Quechua de Ayacucho 2012

¹⁸ Chaypim Sarviapa kimsa qari wawankuna kachkarqaku: Joab, Abisai hinaspa Asael. Asaelmi karqa purunpi luwichu hina kallpaq.

Quechua Ayacucho Bible 1987

¹⁸ Chaypim kachkarqaku Sarviapa kimsa qari wawankuna otaq Joab, Abisai hinaspa Asael. Chay Asaelmi karqa purunpi luwichu hina kallpaq.

Chuya Qellqa 1992

¹⁸ Chaypim Sarviapa kimsa qari wawankuna kachkarqaku: Joab, Abisai hinaspa Asael. Asaelmi karqa purunpi luwichu hina kallpaq.

2~Samuel 2:18 Iomraidhean Croise

2~Samuel 1:23

Saulwan Jonatanqa kuyachikuqmi karqaku, paykunaqa waylluchikuqmi karqaku, haykapipas manam rakinakurqakuchu, kuskankum wañukunkupas; ankakunamantapas mastaraqmi kallparqaku, leonkunamantapas aswan kallpasapam karqaku.

2~Samuel 14:1

Sarviapa wawan Joabmi yacharurqa Absalonmanta rey David llakikusqanta.

2~Samuel 2:19

Chaymi Abnerta Asael qatirqa alleqmanpas ichoqmanpas mana muyurispan.

2~Samuel 22:34

Chakiytapas luwichupata hinaraqmi kallpachin, orqonkunata kallpaspaypas manam urmasaqchu.

2~Samuel 23:24

Chay kimsa chunka capitankunapa wakiqninmi kaykuna: Joabpa wawqen Asael, Belén llaqtayuq Dodopa churin Elhanán,

1~Reyes 2:5

Qamqa yachankiñam Sarviapa wawan Joabpa imam ruwawasqantapas, paymi Israelpa tropankunapa kamachiqninkunata wañurachirqa: Nerpa churin Abnertawan Jeterpa churin Amasata. Paykunataqa manam guerra tiempopichu wañurachirqa, paykunapa yawarninwanmi weqaw watakunaytawan usutaytapas yawarcharurqa.

1~Crónicas 11:26

Chay allinnin qari-qari runakunam kaykuna karqaku: Joabpa wawqen Asael, Belén llaqtayuq Dodopa churin Elhanán,

1~Crónicas 12:8

Gad ayllumanta kaqkunapas wakinmi rakikuruspanku Davidman hukllawakururqaku chunniqpi pakakusqan sitiopi kachkaptin; paykunaqa karqaku guerrapaq allinnin qari-qari soldadokunam, escudokunawan hinaspa lanzakunawan armasqam karqaku; rikchayninkupas leonkunapa rikchaynin hinaraqmi karqa, kallpaqkupas orqopi luwichukuna hinaraqmi.

1~Crónicas 12:9

Kamachikuqkunam karqaku: Ezer, Obadías, Eliab,

1~Crónicas 27:7

Tawa kaq killapi reyta serviq tropakunapa kamachiqninmi karqa Joabpa wawqen Asael, Asael wañuruptinmi paypa rantinpi churin Zebadiasña kamachirqa.

Eclesiastés 9:11

Kay pachapiqa rikurqanitaqmi kaykunatapas: Kallpaypiqa manam llumpay kallpaqchu gananku; manam qari-qari soldadokunachu guerrapipas gananku, yachayniyuqkunapas manam tukuy tiempochu tantata tarinku, yachaysapakunapas manam lliwchu apu kanku, allin yachayniyuqkunatapas manam lliw runachu allinta chaskinku. Aswanqa sapakamapaqmi tiempo hamun ganananpaq otaq mana ganananpaqpas, ruway atinanpaq mana atinanpaqpas.

Cantares 2:17

Tutayay pasaptin achikyamusqanman hinayá kuyasqalláy kutikamuy, luwichu hinayá, uña tarukacha hinayá qachya orqonkunata kutikamuy.

Cantares 8:14

Kuyasqalláy, utqaymanyá kallpamuy, miski asnaq sachakunapa chawpinta kallpaq luwichu hinayá kallpamuy, uña taruka hinayá pawamuy.

Amós 2:14

Maynataña kallpaq runapas manam lluptinqachu, kallpasapa runatapas kallpanqa manam yanapanqachu, mana imataña manchakuq runapas manam vidanta salvanqachu.

Habacuc 3:19

Tukuy Atiyniyuq Tayta Diosmi kallpanchaqniyqa, chakillaytapas luwichupa chakinta hinaraqmi ruwaykapuwan, hinaspanmi altonkunata purichikuwan.

1~Samuel 26:6

Chaymi David tapurqa, Het casta Ahimelecta chaynataq Sarviapa wawan Joabpa wawqen Abisaita kaynata: ¿Mayqannikichiktaq riraysiwanman Saulpa campamentonman? nispa. Hinaptinmi Abisai nirqa: Haku ñoqawan uraykusunchik, nispa.