2~Samuel 2:1 - CHUYA QELLQA La Biblia en Quechua de Ayacucho 2012

¹ Chaykuna pasaruptinmi Tayta Diosta David tapurqa: ¿Yaqachu Judá lawpi hukkaqnin llaqtaman riyman? nispa. Chaymi Tayta Dios nirqa: Riy, nispa. Huktawanmi David tapurqa: ¿Mayqan llaqtamantaq risaq? nispa. Tayta Diosñataqmi nirqa: Hebrón llaqtamanmi, nispa.

Quechua Ayacucho Bible 1987

¹ Chaykuna pasaruptinmi Tayta Diosta David tapurqa: —¿Riymanchu Juda lawpi huk kaqnin llaqtaman? —nispa. Chaymi Tayta Dios nirqa: —Riyá —nispa. Hinaptinmi David tapurqa: —¿Mayqan llaqtamantaq risaq? —nispa. Hinaptinmi Tayta Dios nirqa: —Hebron llaqtaman —nispa.

Chuya Qellqa 1992

¹ Chaykuna pasaruptinmi Tayta Diosta David tapurqa: ¿Yaqachu Judá lawpi hukkaqnin llaqtaman riyman? nispa. Chaymi Tayta Dios nirqa: Riy, nispa. Huktawanmi David tapurqa: ¿Mayqan llaqtamantaq risaq? nispa. Tayta Diosñataqmi nirqa: Hebrón llaqtamanmi, nispa.

2~Samuel 2:1 Iomraidhean Croise

Génesis 13:18

Chaymi Abramqa carpanta astarqa Hebrón lawpi Mamre sutiyuq runapa encina sachankunapa kasqanman, chaypim Tayta Diosta yupaychananpaq huk altarta ruwarqa.

Génesis 32:2

Chaymi Jacobqa paykunata rikuruspan nirqa: Diospa campamentonmi kayqa, nispa. Hinaspam chay lugarta Mahanaimwan suticharqa.

2~Samuel 15:7

Tawa wataña pasaruptinmi reyta Absalón nirqa: Ama hina kaspayá kachaykuway Hebrón llaqtaman rispay Tayta Diosman prometesqayta cumplimunaypaq.

2~Samuel 2:11

Davidmi qanchis wata soqta killan, Hebrón llaqtamanta Judá runakunata kamachirqa.

2~Samuel 5:19

Hinaptinmi Tayta Diosta David tapurqa: ¿Risaqchu filisteokunapa contranpi? ¿Paykunataqa vencechimuwankichu? nispa. Chaymi Tayta Dios nirqa: Riypuni, filisteokunataqa makikimanmi churamusaq, nispa.

2~Samuel 5:23

Chaymi Tayta Diosta David tapuptin nirqa: Ama ñawpaqninmantaqa atacaychu aswanqa muyuruspayki qepankumanta atacamuy, bálsamo sachakunapa ñawpaqninmanta.

1~Reyes 2:11

Davidmi Israel nacionpi tawa chunka wata munaychakurqa: Qanchis watam Hebrón llaqtapi, kimsa chunka kimsayuq watañataqmi Jerusalén llaqtapi.

1~Crónicas 29:7

Tayta Diospa templonta ruwanankupaq pachak soqta chunka pichqayuq waranqa kilo qorita, chaymanmi yaparqaku iskay pachak chunka soqtayuq waranqan kilo qoritaraq. Qorqakutaqmi kimsa pachak kimsa chunka waranqa kilo qollqetapas, soqta pachak waranqa kilo broncetapas hinaspa kimsa wara-waranqa kimsa pachak waranqa kilo fierrotapas.

2~Crónicas 11:10

Zora, Ajalón hinaspa Hebrón. Kay llaqtakunam Judá lawpi hinaspa Benjamín lawpipas allin murallasqa llaqtakuna karqaku.

Ezequiel 36:37

Ñoqa Tayta Diosmi kaynata nini: Chaywanpas ñoqaqa Israel llaqtapa qayakusqanraqmi kasaq kaykuna ruwanaypaq: Paykunatam ovejakunata hina achkallataña mirarachisaq.

Números 13:22

Neguev lawman rispankum Hebrón llaqtakama chayarurqaku. Chaypim yacharqaku Ahimán, Sesai hinaspa Talmai; paykunaqa karqaku Anacpa mirayninkunam. Hebrón llaqtaqa hatarichisqa karqa Egipto nacionpi Zoán llaqtapa qanchis wata ñawpaqnintaraqmi.

Números 27:21

Sacerdote Eleazarpa ñawpaqninpi Josué sayaykuptinmi paypaq Urim rumintakama Eleazar tapuwanqa. Josueymi Israelpa llapallan mirayninkunaman tukuy ima ruwanankuta kamachinqa, nispa.

Josué 15:13

Jefonepa churin Calebmanmi tupaqninta Josué qorqa Judá ayllupa allpan ukupi. Tayta Diospa kamachisqanman hinam qorqa Anacpa taytan Arbapa hatarichisqan Quiriat-arba llaqtata. Quiriat-arbapa huknin sutinmi karqa Hebrón.

Jueces 1:1

Josué wañukuptinmi, Tayta Diosta Israelpa mirayninkuna kaynata tapurqaku: ¿Mayqanniykutaq puntata risaqku cananeokunawan peleamunaykupaq? nispanku.

1~Samuel 10:22

Hinaptinmi Tayta Diosta huktawan tapurqaku: ¿Chayaramunñachu chay runa? nispanku. Tayta Diosñataqmi nirqa: Payqa cargakunapa chawpinpim pakakurun, nispa.

1~Samuel 23:2

Tayta Diosta tapurqa: ¿Filisteokunawan peleaq riymanchu? nispa. Chaymi Tayta Dios nirqa: Rispa peleamuy hinaspa Keila llaqtata libramuy, nispa.

1~Samuel 23:4

Chaymi huktawan Tayta Diosta David tapurqa. Tayta Diosñataqmi nirqa: “Keila llaqtaman riy, filisteokunataqa ñoqam makikiman churasaq, nispa”.

1~Samuel 30:31

Hebrón llaqtaman hinaspa runankunawan purisqanku llaqtakunamanpas.