2~Samuel 19:27 - CHUYA QELLQA La Biblia en Quechua de Ayacucho 2012

²⁷ Reynilláy serviqniymi ichaqa qampa qayllaykipi yanqamanta tumpaykuwarqa. Qamqa Diospa angelnin hinam kanki, chaynaqa munasqaykiman hinayá ñoqawan ruway.

Quechua Ayacucho Bible 1987

²⁷ Chaynata niptiypas señor reynilláy, sirvienteymi qampa qayllaykipi calumniaruwarqa. Ichaqa qamqariki kanki Diospa angelnin hinam, chaynaqa munasqaykiman hinayá ruray.

Chuya Qellqa 1992

²⁷ Reynilláy serviqniymi ichaqa qampa qayllaykipi yanqamanta tumpaykuwarqa. Qamqa Diospa angelnin hinam kanki, chaynaqa munasqaykiman hinayá ñoqawan ruway.

2~Samuel 19:27 Iomraidhean Croise

2~Samuel 14:17

Reynilláy, ñoqaqa munani sonqollay tiyaykachinaykitam, qamqa Diospa angelnin hinam allin kaqta mana allin kaqtapas sumaqta reqsinki. Tayta Diosyá qanwan kachun, nispa.

2~Samuel 14:20

Payqa imam pasakusqanta allichananpaqmi tukuy kaykunata ruwarqa. Ichaqa qanmi Diospa angelnin hina ancha yachayniyuq kasqaykirayku kay nacionpi tukuy ima pasakusqanta yachanki, nispa.

2~Samuel 16:3

Hinaptinmi rey tapurqa: ¿Maypitaq patronnikipa willkanqa kachkan? nispa. Chaymi Siba nirqa: Jerusalenpim qeparamun, payqa tanteachkan abuelonpa munaychakusqan Israel nacionta kutichipunankutam, nispa.

2~Samuel 16:4

Reyñataqmi nirqa: Kunanqa Mefi-bosetpa tukuy ima kapuqninpas qampaqñayá kachun, nispa. Chaymi Sibaqa reypa qayllanpi qonqoraykuspa nirqa: Reynilláy, munasqayki ruwasqa kachun, nispa.

2~Samuel 19:17

Paywanmi rirqaku Benjamín ayllumanta waranqa qarikuna. Rirqataqmi Saulpa ayllunpa criadon Sibapas chunka pichqan churinkunapiwan chaynataq iskay chunka esclavonkunapiwan. Paykunam manaraq rey chayamuchkaptin Jordán mayuta chimparurqaku

2~Samuel 9:13

Mefi-bosetmi ichaqa reywan kuska mikuspa Jerusalén llaqtapi yacharqa. Payqa iskaynin chakinmanta suchuyasqam karqa.

2~Samuel 9:3

Hinaptinmi rey David tapurqa: ¿Pillapas Saulpa ayllunmanta kachkanraqchu Diospa kuyakuyninwan yanapaykunaypaq? nispa. Chaymi Siba nirqa: Kachkanraqmi Jonatanpa churin, payqa iskaynin chakinmanta suchuyasqam kallan, nispa.

Éxodo 20:16

Amam runamasikipa contranpiqa llullakunata rimankichu.

Jeremías 9:4

amistadnikipipas ama hapipakuychu, wawqekipipas ama confiakuychu, wawqepurapas engañanakunkum, amistadpurapas tunpanakunkum.

1~Samuel 29:9

Chaymi rey Aquisñataq nirqa: Ñoqaqa yachanim qamqa Diospa angelnin hina allin runa kasqaykita; ichaqa filisteokunapa kamachiqninkunam mana munankuchu ñoqaykuwan guerraman rinaykita.