2~Samuel 19:24 - CHUYA QELLQA La Biblia en Quechua de Ayacucho 2012

²⁴ Saulpa willkan Mefi-bosetpas rey chaskiqmi lloqsirqa, payqa manam chakintapas mayllakurqachu, barbantapas manam siksikurqachu, nitaqmi pachantapas taqsakurqachu reypa lloqsisqan punchawmanta Jerusalenman hawkalla kutimunankama.

Quechua Ayacucho Bible 1987

²⁴ Saulpa willkan Mefi-bosetpas rirqam reyta chaskimuq. Rey pasakusqanmantapunim Jerusalen llaqtaman hawkalla kutimunankama chakintapas mana hampikurqachu, manataqmi barbantapas kaptakurqachu nitaq pachantapas taqsakurqachu.

Chuya Qellqa 1992

²⁴ Saulpa willkan Mefi-bosetpas rey chaskiqmi lloqsirqa, payqa manam chakintapas mayllakurqachu, barbantapas manam siksikurqachu, nitaqmi pachantapas taqsakurqachu reypa lloqsisqan punchawmanta Jerusalenman hawkalla kutimunankama.

2~Samuel 19:24 Iomraidhean Croise

2~Samuel 12:20

Chaymi Davidqa pampamanta hatarispan bañakurqa, aceitewan llusikuspanmi pachantapas mudakurqa, hinaspam Tayta Diospa carpanman yaykuspa yupaycharqa. Chaymantam wasinman kutiramuspan mikuyta mañakuspan mikurqa.

2~Samuel 15:30

Davidmi waqastin Olivos wichayta qespirqa, qala chakilla chaynataq uman wankisqa. Paywan riq runakunapas umanku wankisqam waqastin rirqaku.

2~Samuel 16:3

Hinaptinmi rey tapurqa: ¿Maypitaq patronnikipa willkanqa kachkan? nispa. Chaymi Siba nirqa: Jerusalenpim qeparamun, payqa tanteachkan abuelonpa munaychakusqan Israel nacionta kutichipunankutam, nispa.

2~Samuel 9:11

Hinaptinmi reyta Siba nirqa: Reynilláy, tukuy kamachiwasqaykitam ruwasaq, nispa. Mefi-bosetñataqmi reypa churin hina reywan kuska mikurqa.

1~Reyes 2:8

Qanwantaqmi kachkan Bahurim lawpi yachaq Benjamín ayllumanta kaq Gerapa churin Simeipas, paymi Mahanaim llaqtaman richkaptiy hatun ñakaywan ñakawarqa. Kutimuptiymi ichaqa Jordán mayuman taripamuwaspa chaskiykuwarqa, chaymi Diosrayku jurarqani: “Manam wañuchisqaykichu”, nispay.

Éxodo 19:10

Chaymi Tayta Dios nirqa: Runakunaman kutispayki, kunan chaynataq paqarin punchaw chuyanchamuy, pachankuta taqsakuchunku,

Isaías 15:2

Bayitwan chaynataq Dibonwan sutichasqanku moqopi capillakunamanmi waqaq qespirqaku. Moab castakunam Nebo llaqtarayku, Medeba llaqtarayku waqanqaku. Llapallankum umankupas, barbankupas rutusqa kachkanku.

Jeremías 41:5

Siquemmanta, Silo-manta hinaspa Samariamanta pusaq chunka runakuna chayaramurqaku, barbankupas rutukusqa, pachankupas llikipasqa chaynataq cuerponkupas kuchupasqa. Paykunam apamurqaku kawsaykunatawan inciensota Tayta Diospa templonpi ofrecenankupaq.

Mateo 6:16

Ayunaspaykichikqa amayá iskay uyakuna hina llaki uyantinqa kaychikchu, paykunaqa chaynata ruwanku ayunasqankuta runakunawan qawachikunanpaqmi. Cheqaptapunim nikichik, paykunapaqa ñam pagonku kachkanña.

Romanos 12:15

Kusikuqkunawan kusikuychik, waqaq-kunawan waqaychik.

Hebreos 13:3

Presokunamantayá yuyariychik, imay-nam qamkunapas paykunawan preso kachkawaqchikpas hina. Ñakariqkuna-mantapas yuyariychikyá imaynam qamkunapas ñakarichkawaqchik hina.