2~Samuel 18:9 - CHUYA QELLQA La Biblia en Quechua de Ayacucho 2012

⁹ Absalonmi mulanpi sillada richkaspan Davidpa tropankunawan tuparurqa, chaymi kallmasapa hatun encina sachapa ukunman mulan yaykuruptin chukchan wankikururqa, hinaptinmi warkurayachkaq qeparurqa, mulanñataqmi pasakurqa.

Quechua Ayacucho Bible 1987

⁹ Absalonmi mulanpi sillada richkaspan Davidpa tropankunawan tupanakururqa chaymi mulan yaykururqa kallmasapa hatun encina sachapa ukunman. Chay sachapi chukchan arwikuruptinmi Absalonqa sachamanta warkukururqa hinaptinmi mulanñataq pasakurqa.

Chuya Qellqa 1992

⁹ Absalonmi mulanpi sillada richkaspan Davidpa tropankunawan tuparurqa, chaymi kallmasapa hatun encina sachapa ukunman mulan yaykuruptin chukchan wankikururqa, hinaptinmi warkurayachkaq qeparurqa, mulanñataqmi pasakurqa.

2~Samuel 18:9 Iomraidhean Croise

2~Samuel 13:29

Hinaptinmi kamachisqanman hina Absalonpa serviqninkuna Amnonta wañurachirqaku. Chaymi reypa churinkuna mulankuman sapakama sillakuykuspanku lluptikurqaku.

2~Samuel 14:26

Chukchantapas llumpayta llasasqanraykum sapa wata tukuyta rutuchikuq, ruturuspanku chukchanta pesaptinkum reypa balanzanpi iskay kilo masninta llasaq.

2~Samuel 17:23

Ahitofelñataqmi consejasqanta Absalón mana kasukuptin, asnonta caronaykuspa llaqtanpi wasinman ripukurqa. Hinaspam llapa imanta allicharuspa, teqokuruspan wañururqa, chaymi abuelonpa sepulturanpi pamparurqaku.

2~Samuel 18:10

Chaytam huk runa rikuruspan Joabman willarqa: Absalontam encina sachapi warkurayachkaqta rikuramuni, nispa.

2~Samuel 18:14

Joabñataqmi nirqa: Yanqañam qanwanqa tiempoyta usu-chini, nispa. Hinaspanmi kimsa lanzawan Absalonta qasqonpi clavarurqa encina sachapi warkurayachkaqta.

2~Samuel 18:8

Guerram lliw llaqtaman chayarurqa. Chay punchawqa espadawan wañuqkunamantapas mastaqa montepim wañururqaku.

Jobwan Sutichasqa Libro 31:3

¿Manachum llakikuyqa mana allin runakunapaq? ¿Manachum sasachakuyqa mana allin ruwaqkunapaq?

Proverbios 20:20

Tayta-maman ñakaq runaqa manchakuypaq tutayaypim wañunqa.

Proverbios 30:17

Taytanta burlakuq runataqa, mamanta mana kasukuq runataqa, cuervokunayá ñawinta hurqoruchun, ankakunayá mikuruchun.

Jeremías 48:44

Ñoqa Tayta Diosmi kaynata nini: Manchakuymanta lluptiqkunam uchkuman wichiykunqaku, uchkumanta lluptiqkunam toqllaman wichiykunqaku. Moab runakunata castiganay tiempo chayaramuptinmi chayna kanqa.

Mateo 27:5

Chaymi Judasñataq qollqeta templopi chamqarurqa, hinaspanmi chaymanta pasaspan warkukaramurqa.

Marcos 7:10

Moisesqa kaynatam yachachirqa: “Tayta-mamaykita respetay, pipas tayta-mamanta ñakaqqa wañunqapunim”, nispan.

Gálatas 3:13

Leypa ñakawasqanchikmantam Cristo librawarqanchik. Paymi ñoqanchikrayku ñakasqa karqa. Chuya Qellqapim kaynata nin: “Qerupi warkusqa wañuq runaqa ñakasqayá kachun”, nispa.

Deuteronomio 21:23

amam chaypiqa tukuy tutaqa cuerponta saqerunkichikchu, aswanqa chay punchawllam pamparunkichik. Sachapi warkusqa wañuq runaqa Diospa ñakasqanmi. Señornikichik Tayta Diospa qosusqaykichik allpataqa amam millakuypaqtaqa ruwankichikchu.

Deuteronomio 27:16

¡Tayta-mamanta usuchiq runaqa ñakasqayá kachun! nispanku. Hinaptinmi llapa runakunañataq ninqaku: ¡Amén! nispanku.

Deuteronomio 27:20

¡Taytanpa warmillanwan kakuq runaqa, chay ruwasqanwan taytanta penqayman churasqanmantayá ñakasqa kachun! nispanku. Hinaptinmi llapa runakunañataq ninqaku: ¡Amén! nispanku.