2~Samuel 18:28 - CHUYA QELLQA La Biblia en Quechua de Ayacucho 2012

²⁸ Chayaruspanmi Ahimaasqa reyta hatunmanta rimaykuspan ñawpaqninpi pampakama kumukuykuspan nirqa: Yupaychasqayki Tayta Diosyá hatunchasqa kachun, paymi qam reyniypa contranpi hoqarikuqkunata makiykuman churaykamurqa, nispa.

Quechua Ayacucho Bible 1987

²⁸ Ahimaas chayaruchkaspanñam qayarikuq hina reyta rimaykurqa, reypa ñawpaqninpi qonqoranpa pampaman kumukuykuspanmi nirqa: —Yupaychasqanchik Tayta Diosyá alabasqa kachun. Paymi makiykuman churaykamurqa qam Señor reyniypa contranpi hoqarikuqkunata —nispa.

Chuya Qellqa 1992

²⁸ Chayaruspanmi Ahimaasqa reyta hatunmanta rimaykuspan ñawpaqninpi pampakama kumukuykuspan nirqa: Yupaychasqayki Tayta Diosyá hatunchasqa kachun, paymi qam reyniypa contranpi hoqarikuqkunata makiykuman churaykamurqa, nispa.

2~Samuel 18:28 Iomraidhean Croise

Génesis 14:20

Tukuy Atiyniyuq Dios yupaychasqa kachun, paymi enemigoykikunata vencechisurqanki, nispa. Chaymi Abramqa lliw kutichimusqanmanta diezmonkunata qoykurqa.

Génesis 24:27

kaynata nirqa: Patronniy Abrahampa yupaychasqan Tayta Dios, alabaykim patronniyman prometesqaykita cumplisqaykimanta hinaspa ayllunkunapa kasqanman hawkallata pusamuwasqaykimanta, nispa.

2~Samuel 1:2

Hinaptinmi kimsa kaq punchawpi, Saulpa campamentonmanta huk runa llumpay llakisqa hamururqa, pachankunapas llikipasqa hinaspa allpallaña umayuq. Davidpa kasqanman chayaramuspanmi qayllanpi pampakama kumuykurqa.

2~Samuel 14:4

Reypa qayllanman yaykuruspanmi pampaman kumuykuspan chay warmi nirqa: ¡Reynilláy yanapaykullaway! nispa.

2~Samuel 22:27

Chuya runawanqa chuyam kanki, millay runawanqa sakrim kanki.

2~Crónicas 20:26

Tawa punchawninmanmi Beraca sutiyuq qechwapi huñunakururqaku, chaypim Tayta Diosta yupaycharqaku, chayraykum chay sitiota Beraca qechwawan suticharqaku, chaynam kunankamapas sutin.

Éxodo 18:10

Chaymi Jetro nirqa: Tayta Diosyá yupaychasqa kachun, paymi Faraonmanta chaynataq Egipto runakunapa makinpi ñakariynikichikmanta libramusurqankichik.

1~Samuel 17:46

Tayta Diosmi kunanpuni qamta makiyman churanqa, wañurachispaymi umaykitapas qorusaq; hinaspam Filistea tropakunapa aychantañataq alton pawaq ankakunamanwan purun animalkunaman qarasaq. Chaynapim lliw runakuna Israel nacionpi Dios kasqanta yachanqaku.

1~Samuel 24:18

Kunanmi kuyapayakuynikita qawayka-chiwanki, makikiman Tayta Dios churay-kuwachkaptinpas manam wañurachiwarqankichu.

1~Samuel 25:23

Abigailmi Davidta rikuruspan as-nomanta utqayllaman uraykuspa David-pa ñawpaqninpi qonqoranpa kumuy-kurqa.

1~Samuel 26:8

Chaymi Davidta Abisai nirqa: Kunanmi enemigoykita Dios makikiman churaykun. Kunanyá kikinpa lan-zallanwan pampaman clavarusaq, payqa huk tuksiyllawanmi wañurunqa, nispa.