2~Samuel 18:17 - CHUYA QELLQA La Biblia en Quechua de Ayacucho 2012

¹⁷ Absalonpa cuerpontam montepi hatun uchkuman wischuykuspa hawanman rumikunata montorurqaku. Israel soldadokunañataqmi wasinkuman sapakama ayqekurqaku.

Quechua Ayacucho Bible 1987

¹⁷ Absalonpa cuerpontañataqmi wischuykurqaku montepi hatun uchkuman hinaspam hawanman montorurqaku achka rumikunata. Israel casta soldadokunañataqmi sapakama ayqekurqaku wasinkuman.

Chuya Qellqa 1992

¹⁷ Absalonpa cuerpontam montepi hatun uchkuman wischuykuspa hawanman rumikunata montorurqaku. Israel soldadokunañataqmi sapakama wasinkuman ayqekurqaku.

2~Samuel 18:17 Iomraidhean Croise

2~Samuel 19:5

Chaymi reypa wasinman rispan Joab nirqa: Kunanmi llapallan serviqnikikunata penqayman churarunki, paykunam vidaykita, churikikunapa, warmikikunapa chaynataq uywanakusqayki warmikunapa vidantapas librarqaku.

2~Samuel 19:8

Chaymi reyqa rispan llaqtapa pun-kunpi tiyaykurqa. Reypa tiyasqanta yacharuspankum llapa tropankuna asuykurqaku. Israel runakunañataqmi sapakama wasinkuman ayqekurqaku.

2~Samuel 19:9

Israelpa mirayninmanta kaq llapallan ayllukunam kaynata ninakurqaku: Rey Davidqa enemigonchikkunamantam librawarqanchik, filisteokunamantapas salvawarqanchikmi, ichaqa Absalonwan guerrapi kasqanraykum payqa lluptirurqa.

2~Samuel 20:1

Gilgal llaqtapim huk mana allin runa tarikurqa, paymi karqa Benjamín ayllumanta Bicripa churin Seba. Paymi trompetata tocaspan qaparirqa: Israel runakuna ¡Davidwanqa manam ima ruwananchikpas kanñachu, Isaipa churinwanqa manam herenciapas rakinakunanchikpaq kanñachu! ¡Wasikichikman sapakama ripukusunchik! nispa.

2~Samuel 20:22

Chaymantam yuyaysapa kayninman hina chay warmi rirqa llapa runakunawan rimaq. Hinaptinmi paykuna Bicripa churin Sebapa umanta qoruruspanku Joabman wischuykamurqaku. Chaymi cornetata Joab tocachiptin, llapa runakuna llaqtamanta anchurikuspanku wasinkuman sapakama ripukurqaku. Joabñataqmi Jerusalén llaqtaman kutikurqa reywan kananpaq.

2~Reyes 14:12

Judá tropakunata Israel tropakuna venceruptinmi sapakama wasinkuman lluptikurqaku.

2~Reyes 8:21

Chayraykum rey Joram llapa carretankunawan Zair lawkama pasarqa. Tutayaruptinñataqmi Edom nacionpi kaqkunata atacarqaku, ichaqa Edom runakunam Jorampa chaynataq carretakunapi riq capitanninkunapa muyuriqninpi churakururqaku, hinaspam Jorampa runankunata cheqerachirqaku.

Proverbios 10:7

Allin ruwaq runaqa yuyarispa bendecisqam kanqa, mana allin runañataqmi chaylla qonqarachikunqa.

Deuteronomio 21:20

Hinaspam ninqaku: “Kay warmaykum mana kasukuq, mana uyarikuq, imata niptiykupas manam kasuwankuchu, mikuylla-mikukuqmi, machakuyllapi purikuqmi”, nispanku.

Deuteronomio 21:21

Chaymi llaqtanpi llapallan qarikuna rumiwan choqapaspa wañuchinqaku. Chaynata ruwaspaykichikmi mana allin ruwaqkunata qamkunamanta chinkachinkichik. Chayta yachaspankum Israelpa mirayninkuna manchakunqaku.

Josué 10:27

Inti seqaykuytañam Josué kamachirqa warkusqankumanta hurqospanku pakakusqanku machayman wischumunankupaq. Chaynata ruwaspankum hatun rumikunawan machaypa punkunta wichqarurqaku. Chaynam kachkan kunankamapas.

Josué 7:26

Chaymantam hawanman rumikunata montorurqaku. Chay monton rumikunaqa hinallam kunankamapas kachkan. Chayraykum chay sitioqa Acor qechwawan sutichasqa kunankamapas kachkan. Chayñam Tayta Diospa piñakuynin tanirurqa.

Josué 8:29

Hai llaqtapa reynintañataqmi, chay punchaw tardeykunankama sachapi Josué warkururqa. Inti seqaykuytañam kamachirqa ayanta sachamanta hurqospa llaqtapa punkunman wischumunankupaq. Wischuykuspam rumita montorurqaku. Chay rumikunaqa hinallam kunankamapas montorayachkan.

1~Samuel 4:10

Chaymi filisteokuna peleaspanku Israel runakunata vencerurqaku, hinaptinmi Israel tropakuna kayman chayman ayqekurqaku. Achka-achka runakuna chaypi wañuruptinmi, Israelpa kimsa chunka waranqa chakiwan puriq tropankuna wañururqaku.