2~Samuel 17:8 - CHUYA QELLQA La Biblia en Quechua de Ayacucho 2012

⁸ Yachankim taytaykipa runankunaqa allinnin qari-qari soldadokuna kasqanta, kunanqa mayna piñasqachiki kachkanku, wawan qechusqa ukumari hinaraq. Taytaykiqa guerrapi peleaq runam, manam runankunawan kuskaqa puñunmanchu.

Quechua Ayacucho Bible 1987

⁸ Yachankimiki taytaykipas chaynataq runankunapas valeroso soldadokuna kasqankutaqa. Kunanqa ¡mayna piñasqachiki kachkanku purunpi china ukumarimanta wawankunata qechuruptinku piñasqa kachkaq hina. Chaymantapas taytaykiqa guerrapi peleay yachaq runam. Manam tutaqa puñunmanchu runankunawanqa.

Chuya Qellqa 1992

⁸ Yachankim taytaykipa runankunaqa allinnin qari-qari soldadokuna kasqanta, kunanqa mayna piñasqachiki kachkanku, wawan qechusqa ukumari hinaraq. Taytaykiqa guerrapi peleaq runam, manam runankunawan kuskaqa puñunmanchu.

2~Samuel 17:8 Iomraidhean Croise

2~Samuel 15:18

Llapallan serviqninkunam paywan rirqaku, reyta waqaychaq Ceret chaynataq Pelet casta soldadokunapas Gat llaqtamanta chakiwan qatimuq soqta pachak soldadokunawan kuskam ñawpaqninta rirqaku.

2~Samuel 17:9

Taytaykiqa kunallanpas hukkaqnin machaypichá pakakuchkan. Sichum soldadoykikuna peleasqankupi puntata wañuruptinqa pipas uyarispam qaparinqa: “Absalonpa soldadokunam achkallaña wañurunku, nispa”.

2~Samuel 23:16

Hinaptinmi chay kimsan allinnin qari-qari runakuna, Filistea tropakunapa campamentonman yaykuruspanku Belén llaqtapa punkupa waqtanpi kaq pozomanta yakuta hurqomuspanku Davidman apamurqaku. Davidmi ichaqa mana tomaspan chay yakuta Diosman ofrendata hina tallispan

2~Samuel 23:18

Sarviapa wawan, Joabpa wawqen Abisaimi kimsa chunka allinnin qari-qari capitankunapa kamachiqnin karqa, paymi huk kutipi kimsa pachak soldadokunata lanzanwan wañurachirqa. Chaynapim paypas chay kimsa allinnin qari-qari runakunawan kuska ancha reqsisqa karqaku.

2~Reyes 2:24

Eliseoñataqmi paykunata qawarispan Tayta Diospa sutinpi ñakaykurqa, chaymi montemanta iskay ukumarikuna lloqsiramuspa tawa chunka iskayniyuq warmakunata tisaparurqa.

Proverbios 17:12

Wawankunata suwarachikuq ukumariwan tuparuymi aswan allinqa, tanteasqallanpi hapipakuq mana yachayniyuq runawan tuparuymantaqa.

Proverbios 28:15

Wakcha llaqtapi mana allin runa kamachikuspanqa qapariq leonman otaq yarqasqa ukumarimanmi rikchakun.

Ezequiel 19:2

Mamaykiqa china leonmi karqa, leonkunapa chawpinpim yacharqa, leonkunapa chawpinpim wasinta ruwakurqa, chaypim wawankunata uywarqa.

Daniel 7:5

Iskay kaq animalmi rikchakusqa ukumariman, ichaqa huklaw waqtanmi hukninmanta masta hoqarikusqa. Siminpim kanirayasqa kimsa costilla tullukunata. Paytam nimurqa: “Hatarispayki aychata atinaykikama mikuy”, nispa.

Oseas 13:8

Wawanta chinkarachiq ukumari hinam hapiruspay qasqonkutapas llikiparusaq, león hinam paykunataqa mikurusaq, purun animal hinam paykunataqa tisaparusaq.

Jueces 18:25

Hinaptinmi Danpa mirayninkuna nirqaku: Ama qayaykachamuwaykuchu, yanqañataq hukkaqniyku piñakuruspa qamtapas chaynataq aylluykikunatapas wañurachikikuman, nispa.

1~Samuel 16:18

Hinaptinmi huknin serviqnin nirqa: Ñoqam reqsini Belén llaqtayuq Isaipa huknin churinta, paymi allinta arpata tocan; payqa sinchi kallpayuqmi, guerrerom, yachaywan rimakuqmi hinaspa kuyayllapaq jovenmi; Tayta Diosmi paywan kachkan, nispa.

1~Samuel 17:50

Chaynatam David chay filisteota warakawan hinaspa huk rumillawan vencerurqa; wañuchinanpaq makinpi espada mana kaptinmi,

1~Samuel 23:23

Sumaqta qawaykamuychik maykunapim pakakusqantapas, hinaspayá willaykamuwaychik. Cheqapta allpaykichikpi kaptinqa qamkunawanmi risaq, hinaspam Judá ayllukunapa ukunpi tarinaykama kuchun-kuchun maskamusaq, nispa.