2~Samuel 17:14 - CHUYA QELLQA La Biblia en Quechua de Ayacucho 2012

¹⁴ Chaymi Absalonwan lliw Israel runakuna nirqaku: Ahitofelpa consejasqanmantapas aswan allinqa Arqui casta Husaipa consejasqanmi, nispanku. Tayta Diosmi chayta ruwarqa Ahitofelpa consejasqan allin kachkaptinpas yanqachasqa kananpaq, chaynapi Absalonman desgracia chayananpaq.

Quechua Ayacucho Bible 1987

¹⁴ Chaymi Absalonwan lliw Israel castakuna nirqaku: —Ahitofelpa consejasqanmantapas aswan allinqa Arqui casta Husaipa consejasqanmi —nispa. Tayta Diosmi kamachirqa Ahitofelpa consejasqan allin kachkaptinpas yanqachasqa kananpaq chaynapi Absalonman desgracia chayananpaq.

Chuya Qellqa 1992

¹⁴ Chaymi Absalonwan lliw Israel runakuna nirqaku: Ahitofelpa consejasqanmantapas aswan allinqa Arqui casta Husaipa consejasqanmi, nispanku. Tayta Diosmi chayta ruwarqa Ahitofelpa consejasqan allin kachkaptinpas yanqachasqa kananpaq, chaynapi Absalonman desgracia chayananpaq.

2~Samuel 17:14 Iomraidhean Croise

Génesis 32:28

Hinaptinmi chay runa nirqa: Manañam Jacobñachu sutikiqa kanqa, aswanqa Israelñam, Dioswanpas chaynataq runakunawanpas peleaspa vencerusqaykirayku, nispa.

2~Samuel 15:31

Davidmanmi willaykurqaku: “Ahitofelpas Absalonwan kuskam contraykipi hatarirun”, nispanku. Hinaptinmi David nirqa: Diosnilláy, Ahitofelpa tanteasqankunatayá pantarachiy, nispa.

2~Samuel 15:34

Aswanqa Jerusalenman kutispa Absalonta nimuy: Reynilláy, imaynam taytayki servisqayta hinam qamtapas servisqayki, nispayki. Chaynata ruwaspaykim Ahitofelpa tanteasqankunata yanqachanki.

2~Samuel 16:23

Chay punchawkunapiqa Ahitofelpa consejonqa Diospa rimarisqan hinam karqa, Davidpaqpas chaynataq churin Absalonpaqpas.

2~Crónicas 10:15

Chaynapim reyqa runakunapa maña-kusqanta mana uyariqpas tu-kurqachu, Tayta Diospuni chaynata tantea-rusqanrayku, chaynapi Silo llaqtayuq profeta Ahiasnintakama Nabatpa churin Jeroboamman Tayta Diospa nisqan cumplikunanpaq.

2~Crónicas 10:8

Roboammi ichaqa llapa ancianokunapa consejasqanta mana kasukuspan paywan kuska wiñaq serviqnin jovenkunata tapukurqa consejachikunanpaq,

2~Crónicas 25:16

Diospa profetan manaraq rimayta tukuchkaptinmi Amasías nirqa: ¿Reyta consejaqpaqchu qamta churarqaykiku? Upallay ¿icha wañuytachu munanki? nispa. Rimayta tukuruptinmi profetañataq nirqa: Nisqaykunata mana kasukuspa chay-kunata ruwasqaykimantam wañu-chisunaykipaq Tayta Diosqa tantearunña, nispa.

2~Crónicas 25:20

Amasiasmi ichaqa mana kasurqachu; chaymi Edompa idolonkunaman hapipakusqanmanta Joaspa makinman qoykunanpaq Diospuni tantearurqa.

Nehemías 4:15

Allin armasqa kasqaykuta llapa enemigoyku yacharusqankuta chaynataq Diosniykupas paykunapa tukuy ima rimanakusqankuta yanqacharusqanta yacharuspaykum, murallapi perqayniykuman sapakama kutiykurqaniku.

Jobwan Sutichasqa Libro 12:17

Yachayniyuqkunapa yachaynintapas paymi chinkachin, paytaqmi juezkunatapas locoyachin.

Éxodo 9:16

Ichaqa manam chaytachu ruwarqani, aswanqa qanman atiyniyta qawachinaypaqmi kawsachirqayki, chaynapi sutiy lliw kay pachapi willakusqa kananpaq.

Proverbios 19:21

Runapa sonqonpiqa tukuy rikchaq piensaykunam tarikun, chaywanpas Tayta Diospa munasqallanmi takyanqaqa.

Proverbios 21:30

Diospa qayllanpiqa yachaypas, yachayniyuq kaypas, allin tanteoyuq kaypas mana serviqmi.

Isaías 8:10

Tanteanakusqaykichikpas manam ruwasqachu kanqa, rimanakuptikichikpas manam cumplikunqachu, ñoqaykuwan Tayta Dios kasqanrayku.

Lamentaciones 3:37

¿Pitaq imatapas rimanman Señorpuni mana kamachikuptinqa?

Amós 9:3

Carmelo orqopa puntanpiña pakakuptinkupas chaypi maskaykuspaymi hapimusaq; qayllaymanta lluptinankupaq lamar qochapa ukunpiña pakakuptinkupas, maqta uruta kamachiptiymi chaypi kachumunqa.

Lucas 16:8

Hinaptinmi patronnin chay mana allin ruwaq mayordomopa sakri kaywan ruwasqanta allinpaq hapirqa. Arí, runamasinwan imatapas ruwanankupaqqa kay pachapi runakunam aswan sakri kanku Diospa churinkunamantaqa.

1~Corintios 3:19

Kay pachapi yachaykunaqa Diospa qayllanpiqa mana valeqmi. Imaynam Qellqapa kayna nisqanman hina: “Diosmi trampawan hapichkaq hina yachaysapakunataqa kikinpa sakri kaynillanpi hapirun”, nispa.

Deuteronomio 2:30

Ichaqa Hesbón llaqtapa reynin Sehonmi allpan pasananchikta mana munarqachu. Señorninchik Tayta Diosmi paytaqa pasaypaq rumi sonqota ruwarurqa, chaynapim ñoqanchikmanña qoykuwarqanchik.

Josué 11:20

Kikin Tayta Diosmi chay runakunapa sonqonta rumiyarachirqa Israelpa mirayninkunapa contranpi hatarinankupaq, chaynapi Israelpa mirayninkuna puchukachinankupaq, imaynam Moisesman Tayta Diospa kamachisqanman hina.