2~Samuel 17:10 - CHUYA QELLQA La Biblia en Quechua de Ayacucho 2012

¹⁰ Hinaptinchá maynaña guerrapi peleaq qaripas, león hina allinnin qari-qari kachkaspapas hukmanyarunqa. Llapallan Israel runakunam yachanku taytaykiqa guerrapi peleaq kasqanta chaynataq paywan kaqkunapas allinnin qari-qari soldadokuna kasqankuta.

Quechua Ayacucho Bible 1987

¹⁰ Chayna kaptinqa maynaña guerrapi peleaq qaripas leon hinaña valeroso kachkaspanpas llumpaytach hukmanyarunqa. Llapallan Israel castankunam yachanku taytaykiqa guerrapi peleaq runa kasqanta chaynataq paywan kaqkunapas valeroso soldadokuna kasqankuta.

Chuya Qellqa 1992

¹⁰ Hinaptinchá maynaña guerrapi peleaq qaripas, león hina allinnin qari-qari kachkaspapas hukmanyarunqa. Llapallan Israel runakunam yachanku taytaykiqa guerrapi peleaq kasqanta chaynataq paywan kaqkunapas allinnin qari-qari soldadokuna kasqankuta.

2~Samuel 17:10 Iomraidhean Croise

Génesis 49:9

Churilláy Judá, uña león hinam qamqa kanki, hapimusqaykiwan saksaspam waqtapanki. Hatun león hinaraq kurkuykuspa siriykuptiki ¿pitaq rikchachisunkiman?

2~Samuel 1:23

Saulwan Jonatanqa kuyachikuqmi karqaku, paykunaqa waylluchikuqmi karqaku, haykapipas manam rakinakurqakuchu, kuskankum wañukunkupas; ankakunamantapas mastaraqmi kallparqaku, leonkunamantapas aswan kallpasapam karqaku.

2~Samuel 17:9

Taytaykiqa kunallanpas hukkaqnin machaypichá pakakuchkan. Sichum soldadoykikuna peleasqankupi puntata wañuruptinqa pipas uyarispam qaparinqa: “Absalonpa soldadokunam achkallaña wañurunku, nispa”.

2~Samuel 23:20

Chaymantam karqa Cabseel llaqtamanta kaq Joiadapa churin Benaía. Paymi Moab nacionniyuq Arielpa iskay allinnin qari-qari churinkunata wañurachirqa. Huk punchawmi lastamuchkaptin huk leonta wañurachirqa yakuta waqaychananku uchkupi.

Éxodo 15:15

Edom nacionpi kamachikuqkunam hukmanyanqaku, Moab nacionpi kamachikuqkunam katkatatanqaku, Canaán allpapi yachaqkunam hukmanyanqaku.

Proverbios 28:1

Mana allin runaqa mana pipa qatisqallanmi ayqen, allin ruwaq runam ichaqa león hina hawka kawsakunqa.

Cantares 3:7

¡Qawariychik, Salomonpa carretanmi! Israelpa tropankunamanta akllasqa soqta chunka soldadokunapa chawpintam hamuchkan.

Isaías 13:7

Chayraykum llapa runakunapa makinpas manaña kallpayuq rikurirunqa, sonqonkupas pasaypaqtam hukmanyarunqa.

Isaías 19:1

Isaiasmi Egipto nacionta imam pasananmanta kaynata nirqa: Qawariychik: Puyupi silladam Tayta Diosqa Egipto nacionman utqayllamanña hamuchkan, llapa idolonkupas paypa qayllanpim katkatatanku, Egipto runakunapas mana kallpayuqñam rikurirunku.

Ezequiel 21:15

Chay espadam paykunaman manchakuyta huntaykunqa, achkallatañam wañuchinqa. Llapallan wasikunamanmi wañuchikuq espadata kachaykuni, chay espadaqa llipityananpaq ñawchiyachisqam kachkan, wañuchinanpaq ñawchiyachisqam kachkan.

Deuteronomio 1:28

Kunanqa, ¿maymantaq risunchik? Chay allpata qawamuq llaqtamasinchikkunam kaynata willakuspa sonqonchikta hukmanyarachin: Chay allpapiqa ñoqanchikmantapas aswan kallpasapa hatunkaray runakunam kasqaku, llaqtakunapa murallankunapas alto-altom kasqa. Hatunkaray Anacpa mirayninkunatapas rikuramunikum, nispanku. “Chay willakuymi pasaypaqta hukmanyarachiwanchik”, nispaykichik.

Hebreos 11:34

ninapipas manam ruparqakuchu, espadawan wañuchisqa kanankumantam lluptirqaku, mana kallpayuq kachkaspankupas kallpanchakurqakum, guerrapi peleaspankupas qarinchakuspankum huklaw llaqtayuq tropakunatapas qatikacharurqaku.

1~Samuel 16:18

Hinaptinmi huknin serviqnin nirqa: Ñoqam reqsini Belén llaqtayuq Isaipa huknin churinta, paymi allinta arpata tocan; payqa sinchi kallpayuqmi, guerrerom, yachaywan rimakuqmi hinaspa kuyayllapaq jovenmi; Tayta Diosmi paywan kachkan, nispa.

1~Samuel 18:17

Huk punchawmi Davidta Saúl nirqa: Merab sutiyuq mayor warmi churiywanmi casarachisqayki, ichaqa ñoqam munani mana manchakuspa Tayta Diospa guerrankunapi peleanaykita, nispa. Chaynataqa nirqa kaynata tanteaspam: Manam kikiychu Davidtaqa wañuchisaq, paytaqa filisteokuna wañurachimuchun, nispa.