2~Samuel 16:9 - CHUYA QELLQA La Biblia en Quechua de Ayacucho 2012

⁹ Chaymi Sarviapa wawan Abisaiqa reyta nirqa: ¿Pitaq kay wañusqa allqoqa karqa reyta ñakananpaqqa? Kunallanmi wakpa kunkanta kuchuramusaq, nispa.

Quechua Ayacucho Bible 1987

⁹ Chaymi reyta Sarviapa wawan Abisai nirqa: —¿Imanasqamá kay wañusqa allqo hina runaqa qam señor reyniytaqa ñakasunki? Dejaykuwayá kunkanta kuchuramunaypaq —nispa.

Chuya Qellqa 1992

⁹ Chaymi Sarviapa wawan Abisaiqa reyta nirqa: ¿Pitaq kay wañusqa allqoqa karqa reyta ñakananpaqqa? Kunallanmi wakpa kunkanta kuchuramusaq, nispa.

2~Samuel 16:9 Iomraidhean Croise

2~Samuel 19:21

Chayta uyarispanmi Sarviapa wawan Abisai nirqa: Tayta Diospa akllakusqan reyta ñakasqanmantaqa ¿manachum Simeiqa wañunqa? nispa.

2~Samuel 19:22

Chaymi David nirqa: Sarviapa wawankuna, manam kayqa qamkunapa sasachakuynikichikchu, ¿imanasqataq qamkunaqa contraypi rikurirunkichik? Kunanqa yachakunim Israel nacionpi rey kasqayta, chaynaqa, ¿yaqachum kunan punchaw Israel nacionpi pipas wañunman? nispa.

2~Samuel 3:30

Joabmi wawqen Abisaipiwan Abnerta wañurachirqaku, chaynataqa ruwarqaku Gabaón lawpi peleachkaptinku wawqenku Asaelta Abner wañurachisqanraykum.

2~Samuel 3:8

Chaymi Is-bosetpa nisqanwan Abner sinchita piñakuruspan nirqa: ¿Ñoqaqa Judá llaqtata serviq allqochu karqani? Ñoqaqa aswanmi taytayki Saulpa ayllunkunata chaynataq amistadninkunatapas servirqani. Qamtapas manam Davidpa makinmanqa qoykurqaykichu. ¿Hinachkaptinchu chay warmiwan huchallikusqaypaq tumpawanki?

2~Samuel 9:8

Hinaptinmi Mefi-boset kumuykuspan nirqa: ¿Pitaq ñoqallayqa karqani? Ñoqaqa wañusqa allqo hina mana valeqmi kallani, nispa.

Éxodo 22:28

Amam Diospa contranpi mana allintaqa rimankichu, nitaqmi kamachikuqkunatapas ñakankichu.

Lucas 9:54

Chayta qawaykuspankum Jacobowan Juanñataq nirqaku: Señor, ¿munankichu cielomanta ninata uraykachimuptiyku kay runakunata kañarunanta? nispanku.

Hechos 23:5

Pabloñataqmi nirqa: Wawqellaykuna, manam ñoqaqa ya-charqanichu sumo sacerdote kasqantaqa. Chuya Qellqapim nichkan: “Amam llaqtaykipi kamachikuqtaqa ñakankichu”, nispa.

1~Pedro 2:17

Llapallantayá respetaychik, llapa iñiqmasikichiktapas kuyaychik, Diostapas hatunchaychik, reytapas kasukuychik.

1~Samuel 24:14

Chaynaqa, reynilláy ¿pi maskaqtaq lloqsimurqanki? ¿Pitataq qatikachachkanki? ¿Wañusqa allqotachu icha pikitachu?