2~Samuel 16:23 - CHUYA QELLQA La Biblia en Quechua de Ayacucho 2012

²³ Chay punchawkunapiqa Ahitofelpa consejonqa Diospa rimarisqan hinam karqa, Davidpaqpas chaynataq churin Absalonpaqpas.

Quechua Ayacucho Bible 1987

²³ Chay tiempokunapiqa Ahitofelpa consejonqa karqa Diospa palabran hinam, chaynamá karqa Davidpaq chaynataq Absalonpaqpas.

Chuya Qellqa 1992

²³ Chay punchawkunapiqa Ahitofelpa consejonqa Diospa rimarisqan hinam karqa, Davidpaqpas chaynataq churin Absalonpaqpas.

2~Samuel 16:23 Iomraidhean Croise

2~Samuel 15:12

Sacrificiota Diosman ofrecechkaspanmi Absalonqa qayachimurqa Davidpa consejaqnin Gilo llaqtapi yachaq Ahitofelta. Chaynapim reypa contranpi kaqkuna astawan miraspanku Absalonta qatirqaku.

2~Samuel 15:31

Davidmanmi willaykurqaku: “Ahitofelpas Absalonwan kuskam contraykipi hatarirun”, nispanku. Hinaptinmi David nirqa: Diosnilláy, Ahitofelpa tanteasqankunatayá pantarachiy, nispa.

2~Samuel 17:1

Absalontam Ahitofel nirqa: Kunan tutapuni chunka iskayniyuq waranqa soldadokunata akllaykuspay Davidta hayparusaq.

2~Samuel 17:14

Chaymi Absalonwan lliw Israel runakuna nirqaku: Ahitofelpa consejasqanmantapas aswan allinqa Arqui casta Husaipa consejasqanmi, nispanku. Tayta Diosmi chayta ruwarqa Ahitofelpa consejasqan allin kachkaptinpas yanqachasqa kananpaq, chaynapi Absalonman desgracia chayananpaq.

2~Samuel 17:23

Ahitofelñataqmi consejasqanta Absalón mana kasukuptin, asnonta caronaykuspa llaqtanpi wasinman ripukurqa. Hinaspam llapa imanta allicharuspa, teqokuruspan wañururqa, chaymi abuelonpa sepulturanpi pamparurqaku.

Jobwan Sutichasqa Libro 28:28

Hinaspam runata nirqa: “Yachayqa Diosta manchakuymi, yachayqa mana allinmanta rakikuymi”, nispa.

Jobwan Sutichasqa Libro 5:12

sakri runakunapa tanteasqantañataqmi yanqachan, makinkunapa ruwasqan mana qespichisqa kananpaq;

Eclesiastés 10:1

Wañusqa chuspiqa perfumepa maynaña miski asnaynintapas chinkarachinmi, chaynam sumaq kawsakuq yachayniyuq runapa pantaruyninpas tukuy ima allin ruwayninta chinkarachinman.

Jeremías 4:22

Tayta Diosmi kaynata nin: Llaqtayqa mana yachayniyuqmi, manam reqsiwankuchu; paykunaqa mana yachayniyuq churikunam, paykunaqa mana yuyaymanayniyuq runakunam; mana allin ruwaypaqmi ichaqa yachaysapallaña, allin ruwaytam ichaqa mana yachankuchu.

Jeremías 8:9

Yachaysapakunam penqayman churasqa kanqaku, toqllapa hapisqan animal hinam mancharikunqaku, Tayta Diospa Chuya siminta qepancharuptinkuqa, ¿maypitaq kachkan yachaysapa kayninkuqa?

Números 27:21

Sacerdote Eleazarpa ñawpaqninpi Josué sayaykuptinmi paypaq Urim rumintakama Eleazar tapuwanqa. Josueymi Israelpa llapallan mirayninkunaman tukuy ima ruwanankuta kamachinqa, nispa.

Mateo 11:25

Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Lucas 16:8

Hinaptinmi patronnin chay mana allin ruwaq mayordomopa sakri kaywan ruwasqanta allinpaq hapirqa. Arí, runamasinwan imatapas ruwanankupaqqa kay pachapi runakunam aswan sakri kanku Diospa churinkunamantaqa.

Romanos 1:22

Yachaysapapaq hapikuchkaspankupas mana yachayniyuqmi rikurirunku.

1~Pedro 4:11

Pipas rimaspaqa Diospa palabranman hinayá rimachun, pipas yanapaspaqa Diospa atiy qosqanman hinayá yana-pachun, tukuy ruwasqaykichikqa Jesu-cristopi Dios alabasqa kananpaqyá kachun. Diosqa atiyniyuq kasqanraykuyá wiña-wiñaypaq qapaqchasqa kachun. Amén.

1~Samuel 30:8

Tayta Diosta David tapurqa: ¿Qatisaqchu icha manachu chay suwa runakunata? ¿Yaqaraqchu hayparuyman? nispa. Chaymi Tayta Dios nirqa: ¡Qatiypuni, paykunataqa hayparunkim, hinaspam presokunatapas libramunki! nispa.