2~Samuel 15:24 - CHUYA QELLQA La Biblia en Quechua de Ayacucho 2012

²⁴ Sacerdote Sadocpas Diospa pacto ruwasqan Arcata apaq Leví ayllukunawan kuskam rirqaku, hinaspam sacerdote Abiatarpa qayllanpi Arcata churaykurqaku, llaqtamanta runakuna lloqsiyta tukunankukama.

Quechua Ayacucho Bible 1987

²⁴ Sacerdote Sadocpas llapallan Leviy castakunawanmi rirqa Diospa contrato baulninta apaspanku, chay baultam saqerqaku sacerdote Abiatarpa ladonpi llaqtamanta llapallan runakuna lloqsiyta tukunankukama.

Chuya Qellqa 1992

²⁴ Sacerdote Sadocpas Diospa pacto ruwasqan Arcata apaq Leví ayllukunawan kuskam rirqaku, hinaspam sacerdote Abiatarpa qayllanpi Arcata churaykurqaku, llaqtamanta runakuna lloqsiyta tukunankukama.

2~Samuel 15:24 Iomraidhean Croise

2~Samuel 15:27

Huktawanmi sacerdote Sadocta rey David nirqa: Abiatarwan kuskayá llaqtaman hawkalla kutikuychik. Qamkunawan kuskataqyá kutichun churiki Ahimaaspas chaynataq Abiatarpa churin Jonatanpas.

2~Samuel 15:35

Sacerdote Sadocwan Abiatarpas chaypim kachkanku, chaynaqa palaciopi imataña uyarispaykipas paykunamanmi willanki.

2~Samuel 20:25

Sevañataqmi karqa secretario, Sadocwan Abiatarñataqmi karqaku sacerdotekuna.

2~Samuel 6:13

Tayta Diospa Arcan apaqkuna soqta ichiyta puriruptinkum, Davidqa huk torotawan huk poqosqa carnerota Diospaq sacrificarqa.

2~Samuel 8:17

Ahitobpa churin Sadocpiwan Abiatarpa churin Ahimelecñataqmi sacerdotekuna karqaku. Seraiasñataqmi karqa secretario.

1~Reyes 1:8

Sacerdote Sadocwan, Joiadapa churin Benaía, profeta Natán, Simei, Rei hinaspa rey Davidpa allinnin qari-qari soldadonkunam ichaqa mana Adoniaswanchu karqaku.

1~Reyes 2:26

Chaymantam sacerdote Abiatarta rey Salomón nirqa: Anatot llaqtapi chakraykiman ripuy, wañunaykim yachakun, ichaqa Tayta Diospa Arcanta taytay Davidwan kuska apasqaykiraykum chaynataq taytaywan kuska ñakarisqaykiraykum mana wañuchisqaykichu, nispa.

1~Reyes 2:35

Chaymi rey Salomonqa, Joiadapa rantinpi tropakunata kamachinanpaq Benaiataña churarqa, Sadoctañataqmi Abiatarpa rantinpi sacerdote kananpaq churarqa.

1~Crónicas 15:2

Hinaspam David nirqa: Diospa Arcantaqa levitakunallam apan-qaku, paykunatam Tayta Diosqa akllarqa Arcanta apanankupaq hinaspa tukuy tiempo payta servinankupaq, nispa.

Ezequiel 48:11

Chay allpam kanqa Sadocpa mirayninmanta kaq ñoqallapaqña sapaqchakuq sacerdotekunapaq; paykunam temploypi serviwarqaku, llapa levitakuna hina Israelpa mirayninkunapas ñoqamanta karunchakuruptinku.

Números 4:15

Santuariopi llapa serviciokunata huklawman apanankupaq Aaronwan churinkuna tapayta tukuruptinkum, Coatpa mirayninkuna yaykuspanku apanqaku. Ñoqapaq sapaqchasqa kaqkunatam ichaqa ama llapchanqakuchu, chaynapi ama wañurunankupaq. Chaynaqa, ñoqaman asuykuwanaykichik carpapi kaq tukuy ima kaqkunatam Coatpa mirayninkuna apanqaku.

Números 7:9

Coat ayllumanmi ichaqa carretakunatapas nitaq torokunatapas mana qorqachu, paykunaqa Diospaq sapaqchasqa kaqkunataqa hombrollapi apananku kasqanrayku.

Josué 3:3

Israelpa mirayninkunata kaynata kamachirqaku: Tayta Diospa pacto ruwasqan Arcata Leví ayllu sacerdotekunapa apasqanta rikuspaykichikmi qamkunapas maymi kasqaykichikmanta lloqsispa qatinkichik,

Josué 3:6

Sacerdotekunatapas kaynatam kamachirqa: Diospa pacto ruwasqan Arcata hoqarispa runakunapa ñawpaqninta chimpaychik, nispa. Chaymi paykuna, Diospa pacto ruwas-qan Arcata hoqarispanku runakunapa ñawpaqninta rirqaku.

Josué 6:4

Arcapa ñawpaqnintam qanchis sacerdotekuna rinqaku, sapakama carneropa waqranmanta cornetayuqkama. Qanchis kaq punchawpim kay llaqtata qanchis kutitakama muyunkichik, sacerdotekunañataqmi cornetankuta tocanqaku.

Josué 6:6

Chaymi sacerdotekunata qayaykuspan Nunpa churin Josué nirqa: Diospa Arcanta apaychik, qanchis sacerdotekunañataqyá carnerokunapa waqranmanta cornetayuqkama, Tayta Diospa Arcanpa ñawpaqninta richunku, nispa.

1~Samuel 22:20

Ichaqa Ahimelecpa churin Abiatarmi lluptiruspan Davidpa kasqanman chayaruspan

1~Samuel 4:11

Diospa contrato ruwasqan Arcatapas filisteokunam qechururqaku, Eliypa churin Ofnitawan Fineestapas iskaynintam wañurachirqaku.