2~Samuel 14:3 - CHUYA QELLQA La Biblia en Quechua de Ayacucho 2012

³ Hinaspayá reypa qayllanman yaykuspayki imam yachachisqayta willamuy, nispa. Hinaspanmi chay warmita imakunam rimanantapas yachachirqa.

Quechua Ayacucho Bible 1987

³ Reyman yaykuspaykim yachachisqayta hina rimanki —nispa. Joabmi yachachirqa warmita imakunam ninanta.

Chuya Qellqa 1992

³ Hinaspayá reypa qayllanman yaykuspayki imam yachachisqayta willamuy, nispa. Hinaspanmi chay warmita imakunam rimanantapas yachachirqa.

2~Samuel 14:3 Iomraidhean Croise

2~Samuel 14:19

Chaymi rey kaynata tapurqa: ¿Manachum tukuy kaykuna niwasqaykiqa Joabpa nimususqayki? nispa. Chay warmiñataqmi nirqa: Reynilláy, kay niwasqaykiqa cheqapmi, arí serviqniki Joabmi ima ninaytapas sumaqta umachaykamuwaspan kamachimuwarqa.

2~Samuel 14:4

Reypa qayllanman yaykuruspanmi pampaman kumuykuspan chay warmi nirqa: ¡Reynilláy yanapaykullaway! nispa.

Esdras 8:17

Hinaspam kacharqani Casifia llaqtapi kamachikuq Iddoman rispanku, Iddota chaynataq Casifia llaqtapi paywan kaqkunata mañakamuptinku Tayta Diospa templonpi servikuqkunata kachamunankupaq.

Éxodo 4:15

Qanmi payta rimapayanki, yachachinkitaqmi imam ninantapas; imam rimanaykichiktawan imam ruwanaykichiktaqa ñoqam yachachisqaykichik.

Isaías 51:16

Cielokunatam mastarirqani, kay pachatam takyachirqani. Simikimanmi palabraykunata churarqani, makiypa llantuyninwanmi harkarqayki. Sionpi yachaqkunatam nini: “Llaqtaymi qamqa kanki”, nispay.

Isaías 59:21

Tayta Diosmi nin: “Qamkunawanmi pactota ruwani. Espirituymi qamkunamanta mana rakikunqachu, simikiman churasqay palabraykunam qamkunamanta nitaq miraynikikunamantapas wiña-wiñaypaq mana chinkanqachu”. Ñoqa Tayta Diosmi chaynata nini.

Jeremías 1:9

Hinaspanmi Tayta Diosqa makinta haywariykamuspan, simiyta llapchaykuspan niwarqa: Kunanmi palabraykunata simikiman churani.

Números 23:5

Rimananpaq Balaamta yachachis-panmi Tayta Dios nirqa: Rey Balacman kutispa nisqayta hinalla nimuy, nispa.

Deuteronomio 18:18

Israel miraykunamantam qam hina profetata hatarichispay rimapayasaq, hinaptinmi payña tukuy kamachisqaykunata willasunkichik.