2~Samuel 14:19 - CHUYA QELLQA La Biblia en Quechua de Ayacucho 2012

¹⁹ Chaymi rey kaynata tapurqa: ¿Manachum tukuy kaykuna niwasqaykiqa Joabpa nimususqayki? nispa. Chay warmiñataqmi nirqa: Reynilláy, kay niwasqaykiqa cheqapmi, arí serviqniki Joabmi ima ninaytapas sumaqta umachaykamuwaspan kamachimuwarqa.

Quechua Ayacucho Bible 1987

¹⁹ Reymi tapurqa: —Tukuy kaykuna nisqaykiqa ¿manachu Joabpa nisusqayki? —nispa. Chaymi Warmiñataq nirqa: —Señor reylláy, vidayraykum jurani, manam llullakusaqchu qam señor reyniypa imapas tapuwasqaykitaqa. Serviqniki Joab kamachiwaspanmi yachachiwarqa tukuy chay imakunapas qanman nisqaykunataqa.

Chuya Qellqa 1992

¹⁹ Chaymi rey kaynata tapurqa: ¿Manachum tukuy kaykuna niwasqaykiqa Joabpa nimususqayki? nispa. Chay warmiñataqmi nirqa: Reynilláy kay niwasqaykiqa cheqapmi, arí serviqniki Joabmi ima ninaytapas sumaqta umachaykamuwaspan kamachimuwarqa.

2~Samuel 14:19 Iomraidhean Croise

2~Samuel 11:11

Uriasñataqmi nirqa: Diospa Arcanpas, Israel tropaku-napas, Judá tropakunapas, kamachiwaqniy Joabpas serviqninkunapiwan carpallapi hawa pampapi kachkaptinkuchu, ¿ñoqañataq mikukuq, tomakuq hinaspa wasiyman yaykuyman karqa warmiywan puñukuq? Vidaykiraykum jurani, manapunim chaytaqa ruwaymanchu, nispa.

2~Samuel 14:18

Chaymi chay warmita rey David nirqa: Kunanmi ama pakaykuspa imam tapusqayta willawanki, nispa. Hinaptinmi reyta chay warmi nirqa: Reynilláy, tapuykuwayá, nispa.

2~Samuel 14:3

Hinaspayá reypa qayllanman yaykuspayki imam yachachisqayta willamuy, nispa. Hinaspanmi chay warmita imakunam rimanantapas yachachirqa.

2~Samuel 18:13

Chaytaqa vidaypa contranpichá ruwayman karqa. Reypaqqa manam imapas pakasqaqa kanchu. Qampas manam yanapawankimanchu karqa, nispa.

2~Samuel 3:27

Hebrón llaqtaman Abner kutiramuptinmi llaqtapa punkunpa huklawninman Joab pusarurqa mana pipa uyarisqanta rimanankupaq, ichaqa espadawan wiksanpi tuksiruspanmi wañurachirqa, wawqen Asael wañurachisqanmanta vengakuspa.

2~Samuel 3:29

Joabqa lliw mirayninkunapiwanyá kay huchamanta castigasqa kachunku, ayllunpi ama faltachunchu yawarpakuywan ñakariq, lepra onqoywan ñakariq, wistukunapas, guerrapi wañuqkunapas, mikuymanta muchuqkunapas, nispa.

2~Samuel 3:34

Makikiqa manam chaqnasqachu karqa, chakikipas manam manyasqachu karqa, mana allin runakunapa wañuchisqan hina wañurunaykipaqqa, nispa. Llapa runakunapas aswanraqmi waqarqaku.

2~Reyes 2:2

Hinaptinmi Eliseota Elías nirqa: Tayta Diosmi Bet-el llaqtaman kachawachkan, ama hina kaspaykiyá kayllapi kachkay, nispa. Chaymi Eliseo nirqa: Tayta Diosqa kawsanmi, qampas kawsankitaqmi, manam qepaymanchu, qatisqaykipunim, nispa. Chaynapim kuskanku Bet-el llaqtaman rirqaku.

Éxodo 4:15

Qanmi payta rimapayanki, yachachinkitaqmi imam ninantapas; imam rimanaykichiktawan imam ruwanaykichiktaqa ñoqam yachachisqaykichik.

Proverbios 25:2

Diospa hatunchakuyninqa imapas pakasqa kaqkuna waqaychayninmi, reypa hatunchakuyninñataqmi chay pakasqa kaqkunata yachaykuypi riy.

Proverbios 4:27

Alleqmanpas nitaq ichoqmanpas ama sapaqchakuychu. Mana allin ñanmantayá chakikita asuchiy.

Números 20:17

Ama hina kaspa allpaykipa chawpinta pasarachiwayku. Manam tarpusqa ukuntachu nitaq uvas huertantachu risaqku, manataqmi pozoykipi yakutapas tomasaqkuchu. Allpaykita pasarunaykukamam hatun ñanllanta rispayku mana maylawmanpas muyusaqkuchu, nispanku.

Lucas 21:15

Ñoqam qos-qaykichik yachaywan rimaytaqa, chay-napim mayqan enemigoykichikpas mana kutipakuyta atisunkichikchu.

Deuteronomio 28:14

Chayna kanaykichikpaqqa kunan kamachisqaykunamantayá ama karunchakunkichikchu, amataq huk dioskunatapas yupaychankichikchu.

Deuteronomio 5:32

Chaynaqa, Señornikichik Tayta Diospa tukuy kamachisusqaykichikta ama pantaspa kasukuychik.

Josué 1:7

Kallpanchakuspaykiyá qarinchakuy, chaynapi serviqniy Moisespa kamachisusqayki yachachikuykunaman hina ruwanaykipaq. Amam chaymantaqa ichoqmanpas nitaq alleqmanpas rakikunkichu, chaynapi tukuy ima ruwasqaykipas allin lloqsinanpaq.

1~Samuel 1:26

Chaymi Ana nirqa: Taytay cheqaptapunipas, ñoqam kachkani qampa qayllakipi Tayta Diosta mañakuq warmi.

1~Samuel 17:55

Filisteo runawan David peleachkaptinmi, tropankunapa kamachiqnin Abnerta Saúl tapurqa: ¿Pitaq wak warmapa taytan? nispa. Abnerñataqmi nirqa:

1~Samuel 20:3

Chaymi David nirqa: Taytaykiqa allintam yachan llumpay amigo kasqanchikta. Chayraykum llakikunaykimanta mana willasunkimanchu. Ichaqa Diosrayku hinaspa qamraykum jurani, ¡ñoqaqa wañuypa patanpiñam tarikuchkani! nispa.

1~Samuel 25:26

Aswanpas Tayta Diosmi harkaykusurqanki, hamuruspayki ya-warta chaqchuspa makikiwan justicia ruwarunaykita. Diosyá munachun enemigoykikunapas chaynataq mana allin ruway munasuqnikikunapas Nabal hina castigasqa kananta.