2~Samuel 14:17 - CHUYA QELLQA La Biblia en Quechua de Ayacucho 2012

¹⁷ Reynilláy, ñoqaqa munani sonqollay tiyaykachinaykitam, qamqa Diospa angelnin hinam allin kaqta mana allin kaqtapas sumaqta reqsinki. Tayta Diosyá qanwan kachun, nispa.

Quechua Ayacucho Bible 1987

¹⁷ Señor reylláy, ñoqam piensarqani sonqollayta tiyaykachinaykimanta, qamqariki Diospa angelnin hinam kanki allinta otaq mana allintapas sumaqta tanteaq. Yupaychasqayki Tayta Diosyá qanwan kachun —nispa.

Chuya Qellqa 1992

¹⁷ Reynilláy, ñoqaqa munani sonqollay tiyaykachinaykitam, qamqa Diospa angelnin hinam allin kaqta mana allin kaqtapas sumaqta reqsinki. Tayta Diosyá qanwan kachun, nispa.

2~Samuel 14:17 Iomraidhean Croise

2~Samuel 14:18

Chaymi chay warmita rey David nirqa: Kunanmi ama pakaykuspa imam tapusqayta willawanki, nispa. Hinaptinmi reyta chay warmi nirqa: Reynilláy, tapuykuwayá, nispa.

2~Samuel 14:20

Payqa imam pasakusqanta allichananpaqmi tukuy kaykunata ruwarqa. Ichaqa qanmi Diospa angelnin hina ancha yachayniyuq kasqaykirayku kay nacionpi tukuy ima pasakusqanta yachanki, nispa.

2~Samuel 19:27

Reynilláy serviqniymi ichaqa qampa qayllaykipi yanqamanta tumpaykuwarqa. Qamqa Diospa angelnin hinam kanki, chaynaqa munasqaykiman hinayá ñoqawan ruway.

2~Samuel 19:28

Taytaypa llapallan ayllunkuna qampa qayllaykipi wañunaykupaq kachkaptiykupas, qanmi kay serviqnikita qanwan kuska mikunaypaq convidawarqanki. Chaynaqa, reynilláy, ¿imataraqtaq masta reclamaykiman? nispa.

1~Reyes 3:28

Israelpa mirayninkunam reypa allin arreglo ruwasqanta yacharurqaku, chayraykum anchata reyta respetarqaku, chaynapim qawarqaku Tayta Diospa yachay qosqanwan allinta munaychakusqanta.

1~Reyes 3:9

Chaynaqa, yachaytayá qoykuway, runaykikunata yachaywan kamachinaypaq hinaspa allin kaqta chaynataq mana allin kaqtapas reqsinaypaq, mana chayqa, ¿pitaq kay manaña yupay atina runaykikunata kamachiyta atinman? nispa.

Jobwan Sutichasqa Libro 6:30

Rimasqaywanqa manam huchallikunichu, ñoqaqa musyakustinmi imatapas rimani.

Proverbios 27:21

Qoritawan qollqetaqa ninapi chulluchispam imaynam kasqanta yachanku, chaynam runapas alabasqa kasqanpi imaynam kasqanta qawachikun.

Proverbios 29:5

Runamasinta alabaq tukuq runaqa runamasinpa ñawpaqninpim trampata churachkan.

Hebreos 5:14

Mikuyqa yuyayniyuqkunapaqmi, paykunaqa entiendeqña kaspankum allin kaqtapas hinaspa mana allin kaqtapas reqsinku.

Josué 1:17

Imaynam Moisesta tukuy imapipas kasurqaniku chaynam qamtapas kasusqaykiku. Ichaqa Tayta Diosyá qanwan kachun imaynam Moiseswan kasqanta hina.

1~Samuel 29:9

Chaymi rey Aquisñataq nirqa: Ñoqaqa yachanim qamqa Diospa angelnin hina allin runa kasqaykita; ichaqa filisteokunapa kamachiqninkunam mana munankuchu ñoqaykuwan guerraman rinaykita.