2~Samuel 14:12 - CHUYA QELLQA La Biblia en Quechua de Ayacucho 2012

¹² Ichaqa chay warmim yapamanta nirqa: Reynilláy kayllatañayá niykullasqayki, nispa. Chaymi rey David nirqa: Rimariyá, nispa.

Quechua Ayacucho Bible 1987

¹² Chay warmiqa nirqataqmi: —Ruegakuykim señor reylláy, kayllataña niykunaypaq —nispa. Chaymi reyñataq nirqa: —Niwayá —nispa.

Chuya Qellqa 1992

¹² Ichaqa chay warmim yapamanta nirqa: Reynilláy kayllatañayá niykullasqayki, nispa. Chaymi rey David nirqa: Rimariyá, nispa.

2~Samuel 14:12 Iomraidhean Croise

Génesis 18:27

Hinaptinmi Abraham nirqa: Señornilláy, mana imapaq valeq ñutu allpa chaynataq uchpa hina kachkaspaypas mañakullaykim.

Génesis 18:32

Kasqallanmi ruegakuspan Abraham nirqa: Señornilláy, amayá piñakuykuychu, kunanllañayá rimapayaykusqayki. Ichapas chaypiqa chunkalla kachkanku, nispa. Hinaptinmi Dios nirqa: Chunkallataña tarispaypas manam puchukachisaqchu, nispa.

Génesis 44:18

Chaymi Judaqa Joseyman asuykuspan nirqa: ¡Señorlláy! Ama hina kaspaykiyá kay serviqllaykipa rimariyninta uyariykullaway. Amayá piñakuykuychu, qamqa kanki rey Faraón hinam.

2~Samuel 14:11

Hinaptinmi chay warmi nirqa: Reynilláy, ruegakuykim, ama wawallayta wañurachinanpaqyá yupaychasqayki Tayta Diosta mañakuy, mana chayqa huknin wawallaytawanchá wañurachinqaku, nispa. Reyñataqmi nirqa: Tayta Diosraykum jurani, wawaykipaqa manam umanpi huk chukchallanpas wichinqachu, nispa.

2~Samuel 14:13

Hinaptinmi chay warmi nirqa: Chaynata rimaspaykiqa, ayqekuq churikita mana kutichimusqaykiraykum kikillayki huchayuq kanki. Chaynaqa, ¿imanasqataq Diospa llaqtanpa contranpi chaynata tanteanki?

2~Samuel 20:17

Joab asuykuptinmi chay warmi nirqa: ¿Qamchu Joab kachkanki? nispa. Joabñataqmi nirqa: Arí, ñoqam kani, nispa. Chay warmiñataqmi nirqa: Kay serviqnikipa rimarisqayta uyariy-kuway, nispa. Payñataqmi nirqa: Uyarisqaykim, nispa.

1~Reyes 2:14

Chaymantam nirqa: Huk ninaymi kachkan, nispa. Betsabeyñataqmi nirqa: Imapas niwanayki kaptinqa niykuwayá, nispa.

Jeremías 12:1

Dios Taytalláy, qamqa allin ruwaqmi kanki, manam qanwanqa churanakuymanchu; chaywanpas kaykunam tapukuyniy kachkan: ¿Imanasqataq mana allin ruwaq runakunaqa allinta kawsakunku? ¿Imanasqataq iskay uya runakunaqa hawkalla kawsakunku?

Hechos 26:1

Chaymi Pablota Agripa nirqa: Kikikimantayá rimarikuy, nispa. Hinaptinmi Pabloqa makinwan señaschaspa kaynata nirqa:

1~Samuel 25:24

Hinaspam chakinman wis-chukuykuspan nirqa: Taytáy, ¡ñoqamanyá kay hucha chayawachun! ¡Ama hina kaspaykiyá kay rimarisqayta uyariykullaway!