2~Samuel 13:28 - CHUYA QELLQA La Biblia en Quechua de Ayacucho 2012

²⁸ Hinaspam serviqninkunata kamachirqa: Amnontam allinta qawankichik, sinkaña kachkaptinmi wañurachinaykichikpaq kamachisqaykichik, hinaptinmi ama manchakuspa wañuchinkichik, ñoqam kamachikichik, kallpanchakuspa qarinchakuychik, nispa.

Quechua Ayacucho Bible 1987

²⁸ Absalonmi kamachirqa serviqninkunata kaynata: —Ama hina kaspam ñoqata qawawankichik. Amnon vinowan tumpa sinkaña kachkaptinmi nisqaykichik: “Amnonta wañuchiychik” nispa. Hinaptinmi payta wañuchinkichik. Amam manchakunkichikchu, ñoqam kamachichkaykichik. Chaynaqa kallpanchakuspayá qarinchakuychik —nispa.

Chuya Qellqa 1992

²⁸ Hinaspam serviqninkunata kamachirqa: Amnontam allinta qawankichik, sinkaña kachkaptinmi wañurachinaykichikpaq kamachisqaykichik, hinaptinmi ama manchakuspa wañuchinkichik, ñoqam kamachikichik, kallpanchakuspa qarinchakuychik, nispa.

2~Samuel 13:28 Iomraidhean Croise

Génesis 9:21

Chaymi vinota upyaruspan paqwayta sinkarurqa carpan ukupi qalalla wischurayanankama.

2~Samuel 11:13

Davidmi mikunankupaq tomanankupaq convi-darqa, hinaspam sinkanankama upya-rachirqa. Chaywanpas Uriasqa manam wasinman ripurqachu, aswanqa reypa serviqninkunawan kuskam puñururqa.

2~Samuel 11:15

Chay cartapim nirqa: Uriasta llumpa-llumpay wañuchinakuypa chawpinman churaruy hinaspa paymanta suchurikuychik, chaynapi wañurachinankupaq, nispa.

2~Samuel 12:10

Ñoqata qepanchawaspayki Het casta Uriaspa warminta warmikipaq hapikuykusqaykiraykum miraynikikunamanta espadapi wañuqkuna mana faltanqachu.

2~Samuel 13:27

Ichaqa Absalón hikutasqanraykum reyqa Amnonta wawqenkunawan rinanpaq kachaykurqa. Absalonñataqmi convidota reypa mikunanpaq hina ruwachirqa.

2~Samuel 14:6

Ñoqapam iskay qari wawaykuna kapuwarqa, paykunam campopi peleaptinku mana pipas amachaqninku kaptin wawqenta huknin wañurachirqa.

1~Reyes 20:16

Chawpi punchawta lloqsiptinkum rey Ben-adadqa kimsa chunka iskayniyuq yanapaqnin reykunawan ramadapi sinkallaña upyachkarqaku.

Ester 1:10

Qanchis kaq punchawpim, reyqa vino upyasqanwan kusisqallaña kaspan, Mehumanta, Biztata, Harbonata, Bigtata, Abagtata, Zetarta hinaspa Carcasta, kay qanchis serviqninkunata kamachirqa,

Éxodo 1:18

Chaymi parterakunata qayachispan rey nirqa: ¿Imatataq kayta ruwachkankichik? ¿Imanasqataq qari wawakunata mana wañuchinkichikchu? nispa.

Eclesiastés 10:19

Convidoqa saksasqa kanapaqmi, vinopas kusisqa kanapaqmi, qollqeñataqmi tukuy imatapas ruwanapaq.

Eclesiastés 9:7

Chaynaqa, tanta mikusqaykiwan, vino upyasqaykiwanyá kusikuy, ruwaynikikuna Diospa munasqanpaq hina kasqanrayku.

Daniel 5:30

Chay tutallam Caldeapa reynin Belsasarta wañurachirqaku.

Nahúm 1:10

Kichka hina wankuy-wankuyña kaspankupas sinkakuyninkupa nuyusqanña kaspankupas chakisqa qopa hinam kañasqa kanqaku.

Lucas 21:34

Allintayá cuidakuychik, amayá vicio-kunawan, machakuykunawan hinaspa kay pachapi imamantapas afanakuykunawan sonqoykichikta rumiyarachiychikchu, yanqañataq chay punchawqa qonqayta chayaramusunkichikman.

Hechos 5:29

Hinaptinmi Pedrowan wakin apostolkuna nirqaku: Runakunamanta puntataqa Diostam kasukunayku.

Josué 1:9

Ñoqam kamachiki kallpanchakunaykipaq chaynataq qarinchakunaykipaq. Amayá manchakuychu nitaq hukmanyaychu, ñoqa Señorniki Tayta Diosmi mayta riptikipas qanwan kasaq, nispa.

Jueces 19:22

Kusisqa kachkaptinkum, chay llaqtapi mana allin qarikuna wasita muyururqaku, punkuta takaspankum wasipa dueñonta nirqaku: Wasikiman yaykumuq runata abusanaykupaq hurqomuy, nispanku.

Jueces 19:6

Chaymi mikunankupaq hinaspa upyanankupaq iskayninku tiyaykurqaku, hinaptinmi masanta sipaspa taytan nirqa: Ama hina kaspayá kunan tutatawanraq kaypi qepaykuy chaynapi sonqoykita kusichinaykipaq, nispa.

Jueces 19:9

Warmintawan criadonta pusarikuspa pasanankupaq chay qari hatariptinmi yapamanta suegron nirqa: Tutaykamuchkanñam, kunan tutatawanyá kaypi samakuy. Kayqaya punchawqa tutaykamuchkanña, sonqoykita kusichinaykipaqyá kaypi puñukuy. Paqarin tutapaytañachiki wasikiman ripukunki, nispa.

Rutwan Sutichasqa Libro 3:7

Mikuytapas tomaytapas tukuruspanmi Boozqa kusisqallaña pasaspan monton cebadapa waqtanpi puñuykurqa. Rutmi upallalla asuykuspan Boozpa haytananta kichaykuspan ustuykurqa.

1~Samuel 18:22

Hinaspanmi serviqninkunata Saúl kamachirqa, mana pipa uyarisqallanta Davidta kaynata nimunankupaq: “Reyqa llumpaytam kuyasunki, lliw serviqninkunapas kuyasunkim. Chaynaqa, reypa masanña karuy”, nispa.

1~Samuel 28:10

Chaymi Tayta Diosrayku juraspan Saúl kaynata nirqa: Tayta Diosqa kawsanmi, manan pipas imanasunkichu, nispa.

1~Samuel 28:13

Chaymi rey Saúl nirqa: Ama manchakuychu ¿imatataq rikurunki? nispa. Chay warmiñataqmi nirqa: Allpamanta lloqsimuchkaq almatam rikuruni, nispa.