2~Samuel 12:13 - CHUYA QELLQA La Biblia en Quechua de Ayacucho 2012

¹³ Hinaptinmi Natanta David nirqa: Tayta Diospa contranpim huchallikuruni, nispa. Chaymi Natán nirqa: Tayta Diosqa pampachaykunñam huchaykitaqa, manam wañunkichu.

Quechua Ayacucho Bible 1987

¹³ Chaymi Natanta David nirqa: —Huchallikurunim Tayta Diospa contranpi —nispa. Hinaptinmi Natanñataq nirqa: —Tayta Diosqa pampachaykunmi huchaykikunataqa, manam wañunkichu.

Chuya Qellqa 1992

¹³ Hinaptinmi Natanta David nirqa: Tayta Diospa contranpim huchallikuruni, nispa. Chaymi Natán nirqa: Tayta Diosqa pampachaykunñam huchaykitaqa, manam wañunkichu.

2~Samuel 12:13 Iomraidhean Croise

Génesis 39:9

Kay wasipiqa ñoqamanta aswan munayniyuqqa manam pipas kanchu. Wasinpi tukuy iman kaqkunatam nanachikunaypaq saqeykuwan, qamllatañam manaqa saqewarqachu warmin kasqaykirayku. ¿Imaynataq kay mana allinta ruwaspay Diospa contranpi huchallikuyman? nispa.

2~Samuel 24:10

Runakuna yupayta tukuruspanmi sonqonpi ñakakuspan Tayta Diosta David nirqa: Diosnilláy, hatu-hatuntam kay ruwasqaywanqa huchallikuruni, kunanmi ruegakuyki kay serviqnikita pampachaykuwanaykipaq, muspaypi hinam kayta ruwaruni, nispa.

2~Samuel 24:17

Llaqta wañuchiq angelta rikuruspanmi Tayta Diosta David nirqa: ¡Ñoqam huchayuqqa kani! ¡Ñoqam kay mana allintaqa ruwaruni! ¿Ima huchayuqtaq kay runakunaqa? Chaynaqa, ruegakuykim ñoqatawan aylluykunata castigawanaykikupaq, nispa.

1~Reyes 13:4

Bet-el llaqtapi altarpa contranpi Diospa profetan qaparisqanta rey Jeroboam uyariruspanmi altarmanta makinta haywarispa nirqa: ¡Hapiychik! nispa. Ichaqa makin chakiruptinmi manaña kuyuchiyta atirqañachu.

1~Reyes 21:20

Chaymi Eliasta rey Acab nirqa: Yaw enemigoy, ¿tariramuwankichu? nispa. Eliasñataqmi nirqa: Arí, tariramuykim, Tayta Diospa qay-llanpim qamqa mana allin ruwayman qokurunki.

1~Reyes 22:8

Chaymi Josafatta Israelpa reynin nirqa: Arí, tapunanchikpaqqa kachkanraqmi Tayta Diospa huk profetan, payqa Imlapa churin Micaiasmi, paytaqa cheqninim, manam haykapipas allintaqa willawanchu aswanqa mana allinllatam, nispa. Josafatñataqmi nirqa: Ama chaynataqa niychu, nispa.

2~Reyes 1:9

Hinaspam huk capitanta pichqa chunka soldadontinta kacharqa. Chayaruptinkum Eliasqa orqopa puntanpi tiyachkasqa, chaymi capitán nirqa: Diospa profetan, qamtam rey nimusunki uraykamunaykipaq, nispa.

1~Crónicas 21:8

Hinaptinmi Diosta David nirqa: Hatuntam huchallikuruni kaykunata ruwaruspay, kunanmi mañakuyki kay serviqnikita mana allin ruwasqanmanta pampachaykuwanaykipaq, mana yachayniyuq hinam kaykunata ruwaruni, nispa.

2~Crónicas 16:10

Chayta uyariykuspanmi rey Asaqa llumpayta piñakuruspan profeta Hana-nita carcelarachirqa, payqa chay willa-kusqanwanmi llumpayta piñakururqa. Chay tiempokunapim rey Asa wakin runakunatapas llumpayta ñakarichirqa.

2~Crónicas 25:16

Diospa profetan manaraq rimayta tukuchkaptinmi Amasías nirqa: ¿Reyta consejaqpaqchu qamta churarqaykiku? Upallay ¿icha wañuytachu munanki? nispa. Rimayta tukuruptinmi profetañataq nirqa: Nisqaykunata mana kasukuspa chay-kunata ruwasqaykimantam wañu-chisunaykipaq Tayta Diosqa tantearunña, nispa.

Jobwan Sutichasqa Libro 33:27

Diosqa lliw runatam qawachkan, sichum pipas ninqa: “Huchallikurunim, allin arreglotam qewiruni, Diosmi ichaqa mana imanawanchu,

Éxodo 9:27

Chaymi Moisestawan Aaronta qayachispan Faraón nirqa: Kunanpas huchallikurunim. Tayta Diosqa allin ruwaqmi, ñoqam ichaqa runaykunapiwan huchasapa kaniku.

Proverbios 25:12

Qorimanta anillo hinam, akllasqa qorimanta collar hinam, kasukuq runata yachaywan qaqchaykuyqa.

Proverbios 28:13

Huchanta pakaq runaqa manam allinqa kanqachu, huchanta willakuspa wanakuqmi ichaqa pampachasqa kanqa.

Isaías 38:17

Llumpay llakiymi kusikuymanña tikrakurun, qamqa kuyawaspaykim wañuchiqniy pozomanta hurqoykuwarqanki, tukuy huchaykunatam pampachaykunki.

Isaías 43:24

Miski asnaq calamotapas qollqekiwanqa manam rantipuwarqankichu, nitaqmi animalkunapa wirantapas saksanaykamaqa kañapuwarqankichu. Aswanqa huchallikuspa tukuy mana allinkuna ruwasqaykiwanmi paqwayta amichiwarqanki.

Isaías 44:22

Ñoqam mana kasukuynikikunata puyuta hina chinkarachini, lliw huchaykikunatam sullata hina waspirachini. Ñoqaman kutirikamuway, reclamaqnikim kani.

Lamentaciones 3:32

Pitapas llakichispanqa paymantam llakipayarikun, ancha kuyapayakuq kasqanraykum llakipayarikun.

Levítico 20:10

Sichum pi qaripas runamasinpa warminwan waqllikuruptinqa iskayninkum wañuchisqa kanqaku.

Levítico 24:17

Pipas runamasinta wañuchiqqa wañuchisqam kanqa.

Zacarías 3:4

Chay angelñataqmi ñawpaqninpi kaqkunata kaynata kamachirqa: Chay qachallaña pachankunata chustuychik, nispa. Josueytañataqmi nirqa: Pachaykikunata chustuchkaq hinam huchaykikunata mayllaruyki, kunanqa suma-sumaq pachawanñam pachaykachiki, nispa.

Mateo 14:10

Hinaspam Juanpa umanta carcelpi qorumunankupaq kamaykachiptin

Lucas 15:21

Churinñataqmi nirqa: “Taytáy, Diospa contranpiwan qampa contraykipim huchallikuruni. Manañam churiymi niwanaykipaq hinañachu kallani”, nispa.

Lucas 18:13

Impuesto cobraqñataqmi qepallapi sayaruspan cielotapas mana qawarispan qasqonta takakuspan nirqa: “Diosnilláy kuyapayariykullaway, huchasapam kallani”, nispa.

Hechos 2:37

Kaykunata uyariruspankum sonqonkupi llumpayta llakikuruspanku Pedrotawan wakin apostolkunata tapurqaku: Wawqekuna, ¿imatataq ruwallasaqku? nispanku.

Hebreos 9:26

Chayna kanan kaptinqa kay pacha unanchasqa kasqanmantachiki Cristoqa achka kutita ñakarinman karqa. Kunanqa tiempokuna cumplikuruptinmi rikuriramuspa Cristoqa kikillanmanta huk kutillata wañurqa huchakunata chinkachinanpaq.

1~Juan 1:7

Imaynam Diospas achkiypi kachkan, chaynayá ñoqanchikpas achkiypi kawsasun, kikinchikpurapas hukllayá kasun, hinaptinqa Diospa Churin Jesucristopa yawarninmi lliw huchanchikkunamanta mayllawasun.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.

1~Samuel 15:20

Hinaptinmi Saúl nirqa: Aswanpas ñoqaqa Tayta Diospa kamachiwasqantam kasukurqani, paypa imam niwasqantam ruwamurqani, chaymi Amalec runakunapa reynin Agagtapas presota apamurqani, hinaspam llapallan Amalec runankunata wañuchimurqani.

1~Samuel 15:30

Saulñataqmi nirqa: Huchallikurunim ñoqaqa, ichaqa ama hina kaspaykiyá Israelpi ancianonkunapa qayllanpi, Israel runakunapa ñawpaqninpi reyta hinaraq hatunchaykuway. Chaynaqa, ñoqawanyá kutirisun Tayta Diosnikita yupaychamunaypaq, nispa.