2~Samuel 11:15 - CHUYA QELLQA La Biblia en Quechua de Ayacucho 2012

¹⁵ Chay cartapim nirqa: Uriasta llumpa-llumpay wañuchinakuypa chawpinman churaruy hinaspa paymanta suchurikuychik, chaynapi wañurachinankupaq, nispa.

Quechua Ayacucho Bible 1987

¹⁵ Cartapim nirqa: Uriasta churaruy llumpay peleaq tropakunapa puntanman hinaspa paymanta suchurikuychik chaynapi heridasqa wañunanpaq.

Chuya Qellqa 1992

¹⁵ Chay cartapim nirqa: Uriasta llumpa-llumpay wañuchinakuypa chawpinman churaruy hinaspa paymanta suchurikuychik, chaynapi wañurachinankupaq, nispa.

2~Samuel 11:15 Iomraidhean Croise

2~Samuel 11:16

Chaymi Joabqa llaqtata atacaspan allinnin qari-qari soldadokunapa kasqanman Uriasta churarurqa.

2~Samuel 11:17

Llaqtamanta soldadokuna lloqsiramuspankum Joabwan pelearqaku; Davidpa tropankunamantam achka soldadokuna wañururqaku, Het casta Uriaspas chaypim wañurullarqa.

2~Samuel 12:9

¿Hinaptinqa imanasqataq kamachikuyniyta qepanchaspayki mana allinta ñawpaqniypi ruwarqanki? Het casta Uriasta wañurachispaykim war-mintapas warmikipaqraq hapikuykunki. Qam kamachiptikim Uriasta Amonpa mirayninkuna guerrapi wañuchirqaku.

1~Reyes 15:5

Davidqa Tayta Diospa munasqanman hinam kawsarqa, wañukunankamapas kamachisqankunatam mana rakikuspa ruwayman churarqa; huchallikururqaqa Het casta Uriasta wañurachispallanmi.

Eclesiastés 8:11

Runata mana allin ruwasqanmanta mana chaylla castigaruptinkuqa, wakin runakunapas chayllam mana allin ruwayman qokurunqaku.

Jeremías 17:9

Runapa sonqonqa, tukuy imamantapas aswan engañakuq hinaspa mana allinpa huntasqanmi. ¿Pitaq allinta reqsinman?

Jeremías 20:13

Tayta Diospaqyá takiychik, Tayta Diostayá yupaychaychik, payqa mana allin ruwaqkunapa makinmantam wakchakunata salvaykun.

1~Samuel 18:17

Huk punchawmi Davidta Saúl nirqa: Merab sutiyuq mayor warmi churiywanmi casarachisqayki, ichaqa ñoqam munani mana manchakuspa Tayta Diospa guerrankunapi peleanaykita, nispa. Chaynataqa nirqa kaynata tanteaspam: Manam kikiychu Davidtaqa wañuchisaq, paytaqa filisteokuna wañurachimuchun, nispa.

1~Samuel 18:21

hinaptinmi Saulqa tantearurqa paywanña Davidta casarachiq tukuspa huk trampaman wichiykachiyta, chaynapi Davidta filisteokuna wañurachinanpaq. Chayraykum huktawan Davidta nirqa: Kunanmi ichaqa masayña kanki, nispa.

1~Samuel 18:25

Saulmi munachkarqa Davidqa filisteokunapa makinman wichiykunanta. Chayraykum serviqninkunata nirqa: Davidta nimuychik: Costumbreman hina warmi churinrayku imapas qonaykimantaqa reyqa munachkan enemigon filisteokuna vengakuytam. Reyqa mu-nachkan pachak filisteokunata wañu-chimuspa qari kayninkupa qarachanta payman qonaykitam, nispa.